Fréttablaðið - 19.09.2007, Blaðsíða 17

MIÐVIKUDAGUR 19. SEPTEMBER 2007
Það eru ekki bara stórir
verktakar sem þurfa dugandi
vinnuvélar. Hinn almenni
borgari þarf einnig sín tæki og
tól til að vinna verkin heima og
að heiman.
„Það er afar algengt og verður æ
algengara að litlir verktakar sem
og skógræktarbændur og landeig-
endur með sumarhús kaupi sér
litlar gröfur frá tonni upp í 1.700
kíló,“ segir Ragnar Jónsson, sölu-
fulltrúi og ráðgjafi hjá Þór hf. í Ár-
múla 11.
„Þá er einnig mikið um að þeir
sem eru í minni umsvifum, með
lítil fyrirtæki eða þeir sem stunda
einhvers konar landyrkju og upp-
byggingu í sveitinni sinni kaupi
sér litla traktora, sem eru með
ámoksturstæki að framan og gröfu
að aftan. Slíkir traktorar eru eink-
ar hentugir sumarhúsaeigendum
sem geta þá með traktornum rutt
snjó úr hlaði sínu og heimtröð án
þess að kalla eftir traktor bóndans
á næsta bæ, ásamt því að grafa
fyrir sínum eigin staurum, grafa
sína eigin skurði og holur fyrir
trjágróður og annað sem til fellur,“
segir Ragnar, en umræddir traktor-
ar eru af gerðinni Kubota.
„Kubota er japanskt merki og
einn stærsti framleiðandi mini-
traktora í heiminum. Þeir gera
allt sitt vel og við teljum okkur
heppna að selja svo góða vöru.
Við fáum aldrei notaðar vélar inn
frá Kubota en heyrum af 25 ára
gömlum tækjum sem enn eru í
fullu fjöri,“ segir Ragnar um þetta
undratól sem gerir eigandanum
kleift að vera sinn eigin herra.
„Þetta eru dugandi traktorar
og rúmlega það. Í þeirri stétt sem
við köllum skógræktarbændur,
og er mun stærri en nokkurn
grunar, er orðið algengt að menn
vilji geta slegið grasið á traktorn-
um. Þá er hægt að setja sláttu-
vél undir traktorinn og einnig
má setja á hann áburðardreifara,
ásamt því að velja um hvort hús
sé á honum eða ekki. Þetta er al-
hliða, sterkt og fjölhæft vinnu-
tæki sem við höfum selt í mikl-
um mæli til allra bæjarfélaga og
menn komast fljótt að raun um að
þeir hafi keypt traktor sem getur
allt. Það gleymist nefnilega stund-
um að með minni tækjum má gera
það sama og með stórum tækjum,
utan hvað það tekur aðeins lengri
tíma, en þeir sem kaupa sér mini-
traktora hafa þann tíma fyrir sér
og njóta þess að vinna á þessum
frábæru vinnuvélum.“
Verð á Kubota mini-traktorum
er frá 1,5 til 3 milljóna króna. Verð
fer eftir stærð og hestöflum en
traktorarnir fást í frá 22 upp í 40
hestöfl. thordis@frettabladid.is
Eigin herra á
einum með öllu
Ragnar Jónsson sölufulltrúi hjá Þór hf. og Kubota mini-traktor sem æ fleiri einstakl-
ingar og smærri fyrirtæki kaupa til eigin afnota, enda fjölhæft vinnutæki í meira lagi
og með óþrjótandi möguleika. FRÉTTABLAÐIÐ/VILHELM
MIKIL
BYRÐI Líklega
hefur þessi flutn-
ingabíll fengist
við þyngri byrðar
í gegnum tíðina
en þá sem sést á
þessari mynd.
W W W . T R I M B L E . C O M / S P E C T R A ÍSMAR hf, Síðumúla 28, 108 Reykjavík, Simi 510-5100 Fax 510-5101 © Copyright 2007 Trimble Navigation Limited. All rights reserved. CI-024-IS (01/07)
Ísmar er leiðandi fyrirtæki í sölu og þjónustu á Spectra Precision Laser fyrir
húsbyggjendur og jarðverktaka. Með því að velja fagaðila ertu kominn í
fremstu línu hvað varðar hagræðingu og aukin afköst á vinnustað.
Búnaður í öllum verðflokkum – Fyrir alla verktaka og iðnaðarmenn
LEIÐANDI TÆKNI • TRAUST ÞJÓNUSTA • ÖRUGG VERKLOK
Síðumúla 28 | 108 Reykjavík
Sími 510 5100 | ismar@ismar.is