Fréttablaðið - 19.09.2007, Blaðsíða 20

19. SEPTEMBER 2007 MIÐVIKUDAGUR12 fréttablaðið vinnuvélar
Ræktunarsamband Flóa og Skeiða
fékk afhentan nýjan og veglegan
bor í júní á þessu ári sem hefur
verið við störf fyrir Selfossveitur
við Ósabotna við Laugardæli en
því verki er nú að ljúka. „Þetta er
öflugur bor en holan við Ósabotna
var 1.721 metra að dýpt og þar
fæst viðbótarvatn fyrir Selfyss-
inga,“ útskýrir Guðmundur Karl
Guðjónsson, verkefnisstjóri hjá
Ræktunarsambandinu, en borinn
er af gerðinni TXD frá framleið-
andanum Schramm í Bandaríkj-
unum.
„Við pöntuðum í rauninni
annan bor sem skemmdist við
uppskipun og keyptum þennan
í staðinn sem var aðeins stærri.
Við eignuðumst síðan borinn sem
skemmdist og erum að gera við
hann,“ segir Guðmundur. Sam-
bandið á því núna tvo stóra bora sem notaðir verða við ýmis verkefni
á næstunni. Guðmundur Karl tekur þó fram að borinn sé langt frá því
að vera sá stærsti á landinu, Jarðboranir séu Ræktunarsambandinu
þar mun fremri. „Lyftigeta þessa bors nær 100 tonnum en þeir eiga
fleiri en einn bor sem ná 200 tonnum og voru að fá einn núna sem er
300 tonn,“ segir Guðmundur. Þeir borar eru notaðir við háhitaholur á
Hellisheiði sem Ræktunarsambandið fæst ekki við. Sambandið fæst
hins vegar við annars konar boranir. „Við erum að bora fyrir köldu
og heitu vatni. Svo gerum við rannsóknarboranir en til dæmis erum
við að taka kjarnasýni núna norður í Kröflu á miklu dýpi,“ segir Guð-
mundur en eitt af verkefnum bora Sambandsins er að bora holur til
að steypa í sem undirstöður undir hús og mannvirki.
Borað fyrir heitu
og köldu vatni
Borinn er frá framleiðandanum
Schramm.
Borinn hífður í land.
BAWER
VARÚÐARLJÓS • LJÓSKASTARAR • DÍÓÐULJÓS • KELSA LJÓSAGRINDUR Á FLESTA VÖRUBÍLA
Holland dráttarstólar 25 og 36 tonna • Undirvagnsvarnir með ljósum
NÝTT
NÝTT NÝTT
NÝTT
Sólning býður upp á mikið úrval sterkra og endingargóðra
dekkja fyrir flestar gerðir vinnuvéla.
Höfum að auki eitt besta úrval landsins af jeppa- og
fólksbíladekkjum.
Sendum hvert á land sem er.
SÓLNING