Fréttablaðið - 06.10.2007, Page 19

hvort vegna samsektar, glæp-
samlegrar fáfræði eða tómlætis
um hag almennings hafa látið
undir höfuð leggjast að afnema
fyrir löngu.
Andrés segir okkur sögu af
Halldóri sem ekki gat borgað af
verðtryggðu íbúðarlánunum
sínum og missti íbúð og unnustu
og geðheilsuna og er nú „hinn
óþekkti, fallni hermaður“ hins
íslenska efnahagsundurs.
Andrés segir líka sögu af
frænku sinni sem „yfirtók einnar
milljón króna lán sem hún er
búin að vera að borga af baki
brotnu í 13 ár, nú stendur lánið í
þremur milljónum; hún er ósýni-
leg líka, óhreint barn.“
Ég tek ofan fyrir Andrési.
Hann hittir beint í mark. Það
gerir dr. Gunni líka sem er búinn
að opna vefsíðu um hið vitstola
okur sem liggur á þjóðinni og
sýgur okkur eins og soltin lús.
Slóðin er http://this.is/drgunni/
okur
Ef stjórnmálamennirnir hlusta
ekki á Andrés og dr. Gunna sem
mæla fyrir munn og pyngju
þeirra sem ekki hafa orðið fyrir
efnahagsundri verður að gefa
stjórnmálamönnunum frí og fá
Andrés og doktorinn til að leysa
þá af, þannig að líft verði á þessu
skeri fyrir aðra en milljarða-
mæringa.
Forgangspólitík þeirra sem
hafa áhuga á lífi almennings
snýst ekki um sæti í Öryggisráði
Sameinuðu þjóðanna eða útreikn-
inga á hæfilegri losun gróður-
húsalofttegunda.
Yfirgnæfandi meirihluti þjóðar-
innar eða 91% segist hlynntur
hertum aðgerðum í miðborg
Reykjavíkur um helgar.
Ég veit ekki hvað átt er við
með „hertum aðgerðum“. Það
eina sem löggan hefur gert er að
reyna kurteislega að koma fólki í
skilning um að það er bannað að
hegða sér eins og svín á almanna-
færi. Ég er hlynntur því að lög-
reglan framfylgi lögreglusam-
þykktinni. Annars þyrftum við
enga lögreglusamþykkt. Og enga
lögreglu.
Ímyndaðir hagsmunir geta
fengið menn til að láta sér
ótrúlegustu hluti um munn fara.
Nú er það helst á veitingamönn-
um að skilja að svínaríið um
helgar stafi af reykingabanni á
veitingahúsum!
Fólk ælandi, æpandi og berj-
andi – af tóbaksleysi! Ef þeir sem
selja veitingarnar eru svona
ruglaðir er ekki við góðu að búast
af þeim sem neyta þeirra.
„Björn Bjarnason dómsmálaráð-
herra segir ekki óeðlilegt, að
þeirri spurningu sé velt fyrir sér,
hvort stofna eigi með samningi til
samstarfs við einkaaðila um bygg-
ingu og jafnvel rekstur fangelsa.“
Þetta er mögnuð hugmynd. Að
reisa og reka fangelsi í samvinnu
við einkaaðila sem hagnast á því
að sem flestir séu sem lengst í
fangelsi við sem ódýrastan
aðbúnað.
Þetta eins og fleira sem hægt er
að græða á hefur verið prófað í
Ameríku. Samt hryllir flesta
Íslendinga við slíkum stofnunum
og góðir menn skjóta saman til að
bjarga þeim löndum okkar sem
þar hafa lent.
Vitlegra væri að einkavæða
dómsmálaráðherrann.