Fréttablaðið - 06.10.2007, Page 35

Hrafn Gunnlaugsson kvikmyndaleikstjóri setur
lit á samtímann og málar tilveruna sterkum
litum í myndunum sínum. Vegfarendum kemur
því varla á óvart þótt hann aki um á eftirtektar-
verðu farartæki.
Það er stór dagur hjá Hrafni í dag því myndin hans
Embla verður frumsýnd í Háskólabíói. Þangað mun
hann mæta á marglitum bíl af gerðinni Hyundai
Atos. Við forvitnuðumst aðeins meira um gripinn.
Fyrst um árgerðina. „Bíllinn er 1999 árgerð, búinn
til í Kóreu og ég er búinn að eiga hann frá því hann
fór á götuna,“ upplýsir Hrafn og heldur áfram: „Þá
var hann reyndar ekki svona skrautlegur því hann
var allur rauður í upphafi og er skráður enn þannig
í skoðunarvottorði. En mér finnst hann flottari
svona. Það er líka auðveldara að þekkja hann úr lofti
svona á litinn og ég hef því notað hann mikið þegar
þurft hefur að vinna að upptöku samtímis á flugi og
á jörðu niðri. Enn hefur hann þó ekki komist á hvíta
tjaldið.“
Nú það voru greinilega ekki litir bílsins sem heill-
uðu Hrafn í upphafi – hvað skyldi það þá hafa verið?
„Hann er stærri að innan en utan og grallaralegur í
gerðinni,“ svarar hann glettnislega. Bætir svo við að
eftir því sem árin hafi liðið hafi hann kynnst kostum
hans betur. „Hyundai-inn er bæði snarpur og lipur
og lætur sig alltaf hafa það. Við erum góðir vinir og
ég klappa honum oft eins og góðum klár.“
Þar sem lítill spotti hangir neðan úr bílnum að
aftan er Hrafn spurður hvort hann hafi verið að
draga einhvern í gang nýlega eða noti bílinn kannski
sem einhvers konar landbúnaðartæki? Þá hlær hann
og svarar: „Þetta er eins konar slaufa í hárið. Hann
er í eðli sínu pjattaður.“
Klappar bílnum sínum
oft eins og góðum klár
VIÐ FJÁRMÖGNUM ÞAÐ SEM UPP Á VANTAR!
Ertu að spá í atvinnutæki?
Nýttu þér upplýsingar og reiknivélar á
www.gf.is eða hafðu samband við ráðgjafa
okkar í síma 440 4400.
H
V
ÍT
A
H
Ú
S
IÐ
/
S
ÍA
-
7
2
3
5
Nyjar vorur Fat Face Kringlunni
Hringdu í síma
ef blaðið berst ekki