Fréttablaðið - 06.10.2007, Side 52

hús&heimili
Baka til að Langholtsvegi 109 er úrval af
borðgosbrunnum innan um önnur og stærri
listaverk sem öll tengjast vatnsflæði og
ljósum. Verslunin heitir Gosbrunnar.is og
er opið milli 13 og 18. Svavar Björgvinsson
er þar í forsvari. Hann segir rennandi vatn
í réttu samhengi vera eitt af máttarstólpum
Feng shui-fræðanna sem snúist um vellíðan
fólks á heimilum. Því komi litlir gos-
brunnar sterkir inn. Hann segir þá vera
með eða án ljósa og fara vel í gluggakist-
um, á borðum eða standandi á gólfum.
„Brunnarnir gefa frá sér raka og eru
því frískandi fyrir öndunarfæri fólks.
Svo er hægt að nota þá sem ilmgjafa
líka með því að setja olíur út í vatnið
sem gefa góðan ilm og eyða ólykt,“
bendir hann á. Hann bætir við að
sumir fái sér veggbrunna og jafnvel
foss inni í stofur og vinsælt sé að hafa
vatnsskúlptúr og lýsingu undir stig-
um. Allir geti fengið eitthvað við
sitt hæfi.
Svavar kveðst hafa byrjað með
netsölu 2005 en opnað sýn-
ingarsalinn í vor auk
þess að sjá um ráð-
gjöf í samvinnu við
arkitekta og innan-
hússhönnuði.
gun@frettabladi.is
Rennandi vatn
róar hugann
Gosbrunnar og tjarnir hafa glatt mannkyn-
ið lengi en vatnslistaverk inni á heimilum eru
sjaldgæfari. Þau eru þó allt í senn fögur, róandi og
rakagefandi.
Svavar Björgvinsson innan um skúlptúra af öllum
stærðum og gerðum í versluninni Gosbrunnar.is.
Hengibrunnur sem
læðir frá sér ljósu
reykmistri.
6. OKTÓBER 2007 LAUGARDAGUR10