Fréttablaðið - 06.10.2007, Page 68

Fékk ekki að borða í fyrra lífi
Margrét Lára Viðarsdóttir er þrátt fyrir ungan aldur ein fremsta knattspyrnukona landsins. Sem
framherji Íslandsmeistara Vals og einn af máttarstólpum íslenska kvennalandsliðsins hefur hún náð
stórkostlegum árangri það sem af er árinu, meðal annars með því að skora 38 mörk í deildinni sem er
met. Margrét Lára var tekin í yfirheyrslu helgarinnar.
Eftirlætisleikfangið í æsku? Hvað
lékstu þér helst ekki með? Bolti
var mitt uppáhald og fór ég ekkert
án hans. Ég lék mér aldrei með
dúkkur held ég.
Eftirminnilegasti brandarinn?
Ég man aldrei brandara en Óli,
markmannsþjálfarinn okkar, segir
þá langskemmtilegustu þótt ég
muni þá ekki.
Versta bíómynd sem þú hefur
séð? The Magdalene Sisters.
Þú færð bilaða tímavél til afnota,
stígur inn í hana og kemst ekki til
baka – hvert ferðu? Ætli ég myndi
ekki bara vilja festast í nútíman-
um. Kann mjög vel við hann.
Hver er besti skyndibitinn?
Serrano fær mitt atkvæði.
Hvað fær þig til að roðna?
Hrós.
Værir þú fengin til að búa til
nýtt götuheiti í Reykjavík, hvert
yrði það? Íþróttabraut.
Gáfulegustu orð sem þú hefur
heyrt og hver sagði þau? Komdu
fram við aðra eins og þú vilt að
komið sé fram við þig.
Hvað áttu marga vini á msn og
hvað talarðu við marga þeirra dag-
lega? Ég veit ekki hvað ég er með
marga á msn. En ætli ég tali ekki
við svona tíu prósent þeirra
daglega.
Besta sumarfríið fyrr og síðar?
Sigling um Karíbahafið með allri
stórfjölskyldunni var geggjað.
Í hvað myndirðu eyða lottóvinn-
ingnum þínum? Ég myndi byrja á
því að kaupa mér einhvern
geggjaðan BMW. Síðan myndi ég
kaupa eitthvað fallegt handa
vinum og fjölskyldu.
Fallegasti íslenski dægurlaga-
textinn? Okkar nótt með Sálinni
hans Jóns míns.
Með hvaða frægu manneskju
myndirðu velja til að festast með
þér í lyftu ættirðu engra kosta
völ? Thierry Henry í Barcelona.
Ég myndi nota tímann og reyna að
komast að því af hverju hann er
svo fáranlega góður í fótbolta.
Hann gæti kennt mér ýmislegt.
Hvaða frasa ofnotar þú? Ert´
ekki að grínast? Nei stopp,
gleyma.
Hvar varstu í fyrra lífi og hvar
vonastu til að vera í því næsta?
Ætli ég hafi ekki verið einhvers
staðar í Afríku þar sem lítið var
um mat, þar sem ég veit ekki um
manneskju sem borðar hraðar en
ég. Það er alltaf eins og ég sé að fá
mína fyrstu máltíð í marga mán-
uði. Í næsta lífi vona ég að ég verði
stödd á góðum stað, eins og í dag,
og sé við góða heilsu.
Hvaða kæki ertu með og hvers
konar kæki í fari annarra áttu
erfiðast með að umbera? Ég held
hafi ekki neina kæki. Ég spái ekki
mikið í kækjum en ætli mér finnist
ekki óþægilegt þegar fólk blikkar
mikið augunum þegar það talar.
Í hverju ertu best – fyrir utan
fótbolta? Skallatennis.
Frægasti ættinginn þinn? Birgir
Leifur Hafþórsson golfari. Erum
þó dálítið fjarskyld.
Hvaða íþróttagrein á alls, alls
ekki við þig? Fimleikar.
Er íslenska kvennalandsliðið
betra en karlalandsliðið? Já, á
alþjóðavettvangi og í samanburði
við heimslista. Þó myndu þeir trú-
lega vinna okkur 11 á móti 11.
Á hvaða leikvang værir þú mest
til í að ganga inn á sem leikmaður?
Old Trafford.
Hvað metur þú mest í fari fólks?
Heiðarleika og að það komi vel
fram við náungann.
Og að lokum – hverjir skipa
draumaliðið þitt, burtséð frá kyni
og aldri? Þar sem við urðum
Íslandsmeistarar á dögunum þá
ætla ég að velja lið Vals 2007
draumalið mitt. Liðið er frábært í
alla staði, bæði innan vallar sem
utan. Hins vegar er því ekki að
neita að ég hef spilað með mörgun
frábærum leikmönnum í ÍBV, Val
og íslenska landsliðinu sem hafa
gert mig að betri leikmanni og
hjálpað mér að verða sá leikmaður
sem ég er í dag.