Fréttablaðið - 06.10.2007, Qupperneq 77

Flautuhátíðin Langsum og þvers-
um stendur nú yfir í Hásölum, sal
Tónlistarskóla Hafnarfjarðar.
Það er Íslenski flautukórinn
sem stendur fyrir hátíðinni og
fær góða gesti frá Englandi, þau
Ian Clarke og Averil William. Þau
eru bæði kennarar við The Guild-
hall School of Music and Drama í
London. Tengsl Averil við Ísland
ná aftur til áranna 1962-1965
þegar hún var fyrsti flautuleikari
við Sinfóníuhljómsveit Íslands.
Einar Jóhannesson klarinettu-
leikari er einn af skipuleggjend-
um hátíðarinnar. „Það má í raun
rekja hátíðina til þess að við
Averil erum gamlir vinir frá þeim
tíma þegar ég bjó í Bretlandi. Við
höfum aldrei spilað saman og til
að bæta úr því varð þessi hátíð
til.“
Nafn hátíðarinnar er sérstakt.
„Nafnið er tilkomið vegna þess að
Averil leikur á þverflautu en ég
leik á klarinett sem er meira
langsum. Því þótti okkur liggja
beint við að kalla herlegheitin
langsum og þversum,“ segir
Einar.
Það var hugmynd Averil að fá
Ian Clarke með í hátíðarhaldið, en
hann er fyrrverandi nemandi
hennar. „Clarke er mikilsvirtur
flautuleikari og tónskáld og hefur
ferðast víða um heim til að halda
tónleika og námskeið. Tónlist
hans er mjög vinsæl meðal flautu-
leikara,“ segir Einar.
Hátíðin hófst á fimmtudag með
masterklössum en henni lýkur á
sunnudag með veglegum tón-
leikum. Þar mun Averil Williams
ásamt Einari frumflytja nýtt verk
fyrir flautu og klarinett eftir
Þorkel Sigurbjörnsson sem ber
heitið „Tvíteymi“. Ian Clarke
mun leika verk eftir sjálfan sig
og fleiri flytjendur koma fram.
Tónleikarnir fara fram í Hásölum
á sunnudag og hefjast kl. 17.
Langsum og þversum Handverkshefð í hönnun
Sýnd eru verk 34 hönnuða, lista- og handverksfólks
og óhætt er að fullyrða að sýningin endurspegli
þá miklu grósku og kraft sem er ríkjandi á þessum
vettvangi í dag.
Leiðsögn á hverjum sunnudegi kl. 14.
Einnig er boðið upp á leiðsögn fyrir hópa eftir
samkomulagi.
Netfang: gerduberg@reykjavik.is, sími: 575-7700
Ertu með eitthvað NÝTT á prjónunum?
Prjónanámskeið fyrir byrjendur
fjögur mánudagskvöld 8. - 29. okt. kl. 19:30-22:30.
Skráning á www.heimilisidnadur.is,
s. 551 7800 og 895 0780
Úr ríki náttúrunnar
Guðmunda S. Gunnarsdóttir, alþýðulistakona,
sýnir málverk og myndverk úr rekaviði og steinum.
Listakonan tekur á móti gestum um helgina!
Vissir þú...
að í Gerðubergi er góð aðstaða fyrir ráðstefnur,
námskeið, fundi og móttökur.
Sjá www.gerduberg.is
Sýningar eru opnar virka daga frá 11-17
og um helgar frá 13-16. Sími 575 7700.
GERÐUBERG
www.gerduberg.is