Fréttablaðið - 06.10.2007, Síða 83

Yfir sjö þúsund Íslendingar
hafa skráð sig á vefsvæðinu
Facebook en heildarfjöldi
skráninga á heimsvísu er
hátt í 40 milljónir. Þekktir
Íslendingar sjá sér greini-
lega hag í þátttöku því þeir
skipta tugum.
Facebook er eins og margir vita
heimasíða þar sem hægt er að
sanka að sér „vinum“ úr
öllum áttum bæði með því
að finna gamla félaga og
stofna til nýrra vinasam-
banda. Aðeins eru liðin rúm
þrjú ár frá stofnun síðunnar
sem varð vinsæl á mettíma
og fór á einu ári frá því að
vera 60. vinsælasta síða
Bandaríkjanna í 7. sætið.
Íslendingar hafa tekið
Facebook opnum örmum.
Meðal þekktra einstaklinga
sem hafa ákveðið að taka
þátt í Facebook ævintýrinu
eru söng- og leikkonan
Halla Vilhjálmsdóttir,
Ruth Reginalds og
umboðsmaður Íslands,
sjálfur Einar Bárðarson.
Sá síðastnefndi virðist þó tiltölu-
lega nýbúinn að skrá sig því hann á
enn sem komið er aðeins átta vini,
fáa en góða. Þeirra á meðal er að
sjálfsögðu stórtenórinn Garðar
Thór Cortes sem er eins og allir
vita á mála hjá Einari og umboðs-
skrifstofu hans í London.
Fyrrum idol-dómarinn og söng-
konan Sigríður Beinteinsdóttir á
bæði Ruth Reginalds og sjónvarps-
konuna Svanhildi Hólm Valsdóttur
að vinkonum á Facebook. Sömu-
leiðis hafa leikkonurnar Anita
Briem og Steinunn Ólína Þor-
steinsdóttir tengst þar vinabönd-
um en þær eru báðar búsettar
í Los Angeles í Kaliforníu.
Aníta heldur þó einnig
tengslum við leikkonur
á Íslandi því Halla
Vilhjálmsdóttir er á
listanum hennar.
Af öðrum sem hafa
skráð sig má nefna leikar-
ann Guðmund Inga Þor-
valdsson og fyrrverandi
sjónvarpsmanninn Fjalar
Sigurðsson. Síðan virðist
almennt eiga upp á pall-
borðið hjá leikurum og leikkonum
því þær María Heba Þorkelsdóttir
og Tinna Lind Gunnarsdóttir,
eiginkona Garðars Thórs, eru líka
með sitt eigið svæði á Facebook.
Af tónlistarfólki má auk þeirra
Siggu og Ruthar nefna Vilhelm
Anton Jónsson, Ágústu Evu
Erlendsdóttir og Klöru Ósk Elías-
dóttur en hún er sú eina af Nylon-
stúlkunum sem er skráð.