Fréttablaðið - 21.10.2007, Blaðsíða 20

S
íðasta sýning ársins
í Listasafninu á
Akureyri er í hönd-
um kraftmikilla
ungra listamanna,
sem eru valdir af
Francis McKee, safnstjóra
Nýlistasafnsins í Glasgow. Þar
í borg hefur um langt skeið
verið blómlegt listalíf þótt
ekki hafi farið mikið fyrir því í
auglýsingum fyrir hinar frægu
Glasgow-ferðir enda miðuðust
þær við opnunartíma verslana
en ekki gallería, safna eða leik-
húsa. Francis er einn virtasti
og framsæknasti sýningar-
stjóri Skotlands en þar þurfa
menn að eiga slíka krafta
vegna Edinborgarhátíðar og
reglulegs sýningarstarfs.
Skotar eru að sækja í sig veðr-
ið á mörgum sviðum og við
mættum heimsækja þessa
nágranna okkar oftar.
Listamennirnir eru allir
fæddir á áttunda áratugnum
og hafa stundað framhalds-
nám við Glasgow School of Art
en koma frá Kanada, Englandi,
Skotlandi og Íslandi. Þótt þeir
eigi sama nám að baki hefur
hver og einn þeirra markað
sér efnistök, áherslur og tækni
að sínu skapi og geðslagi. Bald-
vin Ringsted Vignisson fæst
við spennandi tilraunir á mörk-
um hljóðs og ljóss en Will Duke
skapar ógnvekjandi stafrænar
hreyfimyndir. Húmor og sterk
konsept einkenna margvísleg
verk Jónu Hlífar Halldórsdótt-
ur, Erica Eyres afmyndar fólk
og kannar viðþolið gagnvart
hinu ljóta á meðan Lorna Mac-
intyre skapar merkingu eða
kerfi úr fundnum munum og
óreiðu.
Að vanda gefur Listasafnið
út veglega sýningarskrá, blað,
vegna sýningarinnar og má
þar meðal annars finna grein
eftir sýningarstjórann þar
sem hann fjallar um rotnun,
grotnun, eyðingu, tæringu,
visnun, ryð og elli, sem virðast
ef til vill í fljótu bragði koma
ungum listamönnum lítið við,
þetta er jú ungt og sprækt fólk
í fullum blóma. En McKee
heldur því fram að eyðingin sé
nauðsynlegur jarðvegur fyrir
nýjar leiðir og kann eins og
margir fleiri á undan honum
það best ráða að vísa á eitt-
hvað liðið til skýringa: Róm-
antíkin hefur verið nefnd sem
mögulegt andsvar við póst-
módernisma og sem möguleg-
ur lífsstíll á 21. öldinni. Draum-
sýn um endurvakningu hennar
er hugmynd sem fleygt hefur
verið fram undanfarna áratugi
í fleiri en einu samhengi. Þess-
ir listamenn eru kannski spor-
göngumenn rómantíkur en
miklu líklegra er að þeir svipti
plástrinum af kaunum þess
samfélags sem virðist staðráð-
ið í að tortíma sér.
Sýningarstjórinn skoski
býður okkur upp á skoðun á
eyðileggingunni. Varðveislu-
þörf okkar sé sjúkleg og til-
gangslaus því hún gangi ekki
upp á endanum: allt gangi sér
til húðar. Því verðum við að
leita í skemmdirnar, skaðann,
tortíminguna til að finna nýjar
leiðir til afkomu. Margt í sam-
félögum okkar daga kalli á
uppreisn einstaklings með
dýrkun hins sérstæða rétt eins
og í rómantíkinni. Hann skort-
ir kunnáttu til að sækja fjör í
öfgafyllstu rómantíkina hér á
landi en nógir eru á Akureyri
til að leita í gömlum skræðum
að uppreisnarmönnum, sumum
þeirra að norðan, Hannesi
Hafstein, Kristjáni Fjalla-
skáldi og Jónasi.
Það er lofað fjöri nyrðra og
styrktaraðilar hafa hópast um
tiltækið: Styrktaraðilar sýn-
ingarinnar eru: AB-búðin,
Ásprent, Bílaleiga Akureyrar,
British Council, Eymundsson,
Flugfélag Íslands/Air Iceland,
Flügger-litir, Flytjandi, Iss,
Karólína Café & Restaurant,
Kaupþing, KPMG, Securitas,
Sjóvá. Þegar svo margir leggja
hönd á plóg hlýtur að vera gott
í boði.
Uppreisn
Þ
eir segja í bókabransan-
um að nýafstaðin bóka-
messa í Frankfurt hafi
ekki verið mikil bók-
menntahátíð. Fjórðung-
ur úr milljón gesta sótti hana og
öllum ber saman um að aldrei
þessu vant hafi ekki verið ein bók
sem reyndist eftirsóknarverðust
allra en það hefur löngum verið.
Svíar eru himinlifandi yfir áhuga
á Amberville, sögu um dýr sem er
samin af manni sem vill leynast
undir engilsaxnesku dulnefni. Í
hans tilfelli er það umboðsmaður-
inn sem kom fram og samdi um
stórar fyrirframgreiðslur. Frank-
furt hefur um nokkra hríð verið
leikvangur umboðsmanna. Þeir
eru bestir sölumenn sem knýja
fram á skömmum tíma sem flesta
kaupsamninga og eins og í öðrum
deildum verslunar skiptir miklu
máli að listinn sé langur yfir seld
lönd.
Fyrsta daginn fór mestum
sögum af góðri sölu á væntan-
legri ævisögu Roger Moore. Hann
er kominn undir áttrætt og vill nú
hreinsa borðið: fjögur hjónabönd,
Dýrlingsárin og Bond-tímabilið
verða gerð upp. Af sömu slóðum
eru væntanlegar ævi Keiths
Richard, enn ein bókin um Clash
og ferðabók eftir David Byrne úr
Talking Heads.
Menn segja bókabransann stýr-
ast meira af aðgát nú um stundir
en oft áður: hljóðbókin sækir enn
á og er víða farin að taka á sig
stafrænt form tilbúið í niðurhalið
og þolir betur þjöppun. Margt
getur góður usb-lykill geymt -
allar Íslendingasögurnar og ann-
álana líka ef einhver nennir að
heyra.
Frankfurt hefur lengi verið
mikill kaupvangur. Miklum
sögum fer að glæsilífi, fínum
hófum og góðum kosti, rétt eins
og á öðrum iðnaðarstefnum. Það
er ekki gott til þess að vita að í
fæstum greinum erlendra blaða
er getið nema í framhjáhlaupi að
Katalóníumenn og þeirra sögur
og kvæði áttu að vera í heiðurs-
essi, þeim sem Íslendingum er
boðið að þiggja innan tveggja ára.
Það sætir ekki meiri tíðindum en
svo.
Frankfurt
Fallegt fólk undir stórri auglýsingu í Frankfurt fyrir viku. MYND: AFP/TORSTEN SILZ
Myndlist Verkið er eftir Jónu Hlíf Halldórsdóttur og heitir My Organic Life, 2006.
Listasafnið á Akureyri býður upp á síðasta full-
ið. Nú skulu bæjarbúar drekka bikarinn í botn
í rómantískum losta með taktföstum tryllingi.
MYNDLIST PÁLL BALDVIN BALDVINSSON