Fréttablaðið - 21.10.2007, Blaðsíða 106

Stjörnumenn þurftu að
hafa sig alla við til að leggja bar-
áttuglaða Akureyringa norðan
heiða í gær. Leikurinn var lengi
vel í járnum en á síðustu tíu mín-
útum leiksins settu Stjörnumenn í
fluggírinn og sigldu til þriggja
marka sigurs, 29-26.
Akureyringar höfðu undirtökin
í fyrri hálfleik eftir jafnar upp-
hafsmínútur og náðu mest fjög-
urra marka forskoti. Þeir leiddu
16-14 í hálfleik en það forskot
hefði hæglega getað verið stærra.
Stjörnumenn voru sjálfum sér
verstir en heimamenn náðu ekki
að nýta sér það í mun.
Gestirnir léku miklu betur í síð-
ari hálfleik, jöfnuðu leikinn og
þegar Akureyringar náðu að kom-
ast yfir sögðu þeir hingað og ekki
lengra og afgreiddu leikinn. Rol-
and varði vel í síðari hálfleik á
sama tíma og markvarsla Akur-
eyrar var lítil sem engin. Heimir
Örn Árnason fann sig vel á sínum
gamla heimavelli og var marka-
hæstur Stjörnunnar með átta
mörk.
„Ég spila yfirleitt vel hérna
nema í fyrra og ákvað að bæta
fyrir það núna,“ sagði Heimir
glaðbeittur eftir sigurinn.
„Ég sá það í augunum á þeim að
þeir ætluðu að selja sig dýrt og
mér leist ekkert á blikuna í hálf-
leik. Við vorum skelfilegir í fyrri
hálfleik þar sem allir vildu vera
hetjan en við spiluðum sem lið í
seinni hálfleik og þá small þetta,
vörnin batnaði og Roland vaknaði
í markinu. Þegar við komumst á
skrið erum við með gott lið og við
erum alltaf að bæta okkar leik,“
sagði Heimir.
Sævar Árnason, þjálfari Akur-
eyrar, var ekki upplitsdjarfur eftir
fimmta tapið í röð.
„Við erum bara ekki nógu miklir
karlar, þriðja leikinn í röð. Við
erum vel inni í leiknum en gefum
svo eftir. Við förum að klikka á
dauðafærum og guggnum bara.
Við þurfum að vinna betur í okkar
málum en eins og staðan er núna
eru fimm lið betri en við. Við þurf-
um núna bara að æfa betur og
gera betur en við erum ekkert að
láta deigan síga,“ sagði Sævar.
Sætur sigur hjá Stjörnuliðinu
Haraldur Guðmundsson
og félagar í Aalesund spilltu sig-
urveislunni í Bergen með því að
vinna 2-1 sigur á Brann í norsku
úrvalsdeildinni í gær.
Brann nægði eitt stig til að
tryggja sér fyrsta meistaratitilinn
síðan 1963 en með liðinu spila ein-
mitt íslensku landsliðsmennirnir
Kristján örn Sigurðsson, Ólafur
Örn Bjarnason og Ármann Smári
Björnsson.
Íslensku leikmennirnir voru
allir í byrjunarliðinu hjá Brann,
Kristján Örn og Ólafur spiluðu
allan leikinn en Ármann Smári fór
útaf á 53. mínútu. Haraldur
Gumundsson átti mjög góðan leik
í miðju varnarinnar hjá Aalesund
og var einn af bestu mönnum vall-
arins og sá því til þess að Brann
skoraði ekki markið sem þeir
þurftu til þess að vinna titilinn.
Brann getur enn orðið norskur
meistari áður en liðið spilar sinn
næsta leik við Viking í Bergen um
næstu helgi. Stabæk heimsækir
Viking á mánudagskvöldið og þarf
að vinna leikinn til þess að eiga
enn möguleika á titlinum.
Takist það ekki verður Brann
meistari en Viking sem er stigi á
eftir Stabæk á ekki möguleika á
því að verða meistari en getur
hins vegar haft mikil áhrif á þróun
mála.
Engin sigurveisla
Eiður Smári Guðjohnsen kom inn á sem
varamaður í gær þegar Barcelona tapaði óvænt
gegn Villareal í spænsku La liga-deildinni í gær. En
þetta var fyrsti leikur Eiðs Smára á tímabilinu. Emil
Hallfreðsson var á sínum stað í byrjunarliði Regg-
ina sem tapaði naumt gegn Inter í ítölsku serie A-
deildinni í gær.
Eiður Smári Guðjohnsen kom inn á sem varamað-
ur fyrir Deco á 71. mínútu í stöðunni 3-1 og náði því
miður ekki að setja mark sitt á leikinn. Gazorla kom
heimamönnum í Villareal yfir strax á 2. mínútu og
Marcos Senna bætti öðru marki við úr vítaspyrnu.
Bojan Krkic minnkaði svo muninn fyrir Barcelona
áður en Marcos Senna skoraði þriðja markið fyrir
Villareal, enn og aftur úr vítaspyrnu og þar við sat.
Emil Hallfreðsson og félagar mættu Ítalíumeist-
urum Inter á heimavelli sínum í Reggio og það var
einungis mark Adriano fyrir Inter á 18. mínútu sem
skildi liðin að í leikslok. Emil spilaði fyrstu 75 mín-
útur leiksins og var svo skipt útaf. Reggina er sem
fyrr á botni deildarinnar án sigurs og Inter er á
toppnum, nú með fimm stiga forskot á Roma.
Eiður Smári fékk tækifærið
Sjónvarpið fagnar 10
ára afmæli Formúlu 1 um þessar
mundir, en Formúlan flytur sig um
set og verður á Sýn á næsta ári.
Brautryðjandi Formúlunnar á
Íslandi, Gunnlaugur Rögnvalds-
son, er enn að og lýsir hörkuspenn-
andi lokakeppni í dag og í samtali
við Fréttablaðið fór hann í stuttu
máli yfir þetta tímabil.
„Ég fylgdist vel með Formúl-
unni á sínum tíma og fór fjölmarg-
ar ferðir út til þess að ljósmynda
og skrifa greinar um mótin, en
hugmyndin um að berjast fyrir því
að Formúlan yrði sýnd á Íslandi
kom ekki fram fyrr en í eftirminni-
legum kappakstri í Barcelona,“
sagði Gunnlaugur.
„Þetta var þegar Michael Schum-
acher vann sinn fyrsta kappakstur
fyrir Ferrari í grenjandi rigningu
og ég fór að spá af hverju þetta
væri ekki sýnt á Íslandi og skrifaði
bréf strax á staðnum til þess að
kanna möguleikana á að hefja
útsendingar á Íslandi. Nokkrum
mánuðum síðar var ég kominn í
viðræður við íþróttadeild RÚV en
mætti svo sem ekki miklum áhuga
þar,“ sagði Gunnlaugur sem var þó
ekki af baki dottinn.
„Ég hélt áfram að þrýsta á þá
og þá fékkst einhver peningur til
þess að prófa þetta árið 1997 og
ég var sendur á mína fyrstu
keppni á Imola-brautinni á Ítalíu,
þar sem ég gerði kynningarþátt
fyrir RÚV. Ég hafði náttúrlega
enga reynslu af því að vera sjón-
varpsmaður og þetta var mikið
ævintýri fyrir mig. Ég gisti óvænt
á sama hóteli og Ferrari-liðið og
þegar ég labbaði upp í lyftu fyrsta
kvöldið stóð ég allt í einu við hlið-
ina á goðinu sjálfu, Michael
Schumacher, en ég var svo for-
viða og stjarfur að ég kom ekki
upp einu orði,“ sagði Gunnlaugur
og hló við.
Gunnlaugur hefur enn umsjón
með Formúlunni og býður því
spenntur eftir lokakappakstrin-
um í Brasilíu í dag þar sem þeir
Lewis Hamilton og Fernando
Alonso hjá McLaren og Kimi
Raikkönen hjá Ferrari eiga allir
möguleika á því að vinna titilinn.
„Þetta hefur ekki verið jafn
spennandi og nú í langan tíma og
það getur allt gerst. Þetta er sér í
lagi spennandi þar sem tveir öku-
menn frá sama liði eru í barátt-
unni, Hamilton og Alonso, eftir
alla þá pólitík og þau svik sem
hafa átt sér stað hjá McLaren-lið-
inu á tímabilinu. Það á vel við að
enda útsendingar á RÚV með
þessum hætti þar sem stiga-
keppni ökuþóra í Formúlunni
hefur ekki verið jafn spennandi
og nú síðan útsendingar hófust,“
sagði Gunnlaugur en Formúla 1
verður sýnd á sjónvarpsstöðinni
Sýn á næsta ári. En verður Gunn-
laugur þá á sínum stað?
„Ég ætla að klára þetta tímabil
með RÚV og síðan skoða ég bara
mín mál, það er ekkert búið að
ákveða í þeim efnum og ég ætla
ekkert að vera að hræra í tveimur
pottum á sama tíma,“ sagði Gunn-
laugur ákveðinn.
Mikil spenna er fyrir lokakapp-
aksturinn í Formúlu 1 á Interla-
gos-brautinni í Brasilíu á morgun
þar sem Lewis Hamilton, Fern-
ando Alonso og Kimi Raikkönen
eiga allir möguleika á því að
verða meistarar í stigakeppni
ökuþóra. Hamilton stendur best
að vígi fyrir lokarimmuna og er
með 107 stig, þá kemur Fernando
Alonso með 103 stig og Kimi
Raikkönen er svo næstur með 100
stig.
Gunnlaugur Röngvaldsson barðist fyrir því á sínum tíma að keppni í Formúlu 1
yrði tekin til sýningar hér, en Formúlan færir sig yfir til Sýnar á næsta ári.