Fréttablaðið - 17.11.2007, Page 4

4 17. nóvember 2007 LAUGARDAGUR
INNFLYTJENDUR „Mínir dyraverðir
ráðleggja Pólverjunum og Lettun-
um að fara eitthvert annað, enda
hefur margoft kastast í kekki á
milli þeirra og Íslendinganna
þegar menn eru orðnir ölvaðir,“
segir Guðjón Ingólfsson, veitinga-
stjóri Klúbbsins á Stórhöfða.
Guðjón segir deilur manna á
milli iðulega snúast um kvenfólk.
„Íslensku konurnar koma til
íslensku karlmannanna og kvarta
undan ágengum útlending og þá er
fjandinn laus. Þetta er kannski
elsta sagan í bókinni en þetta
hefur verið að færast mikið í vöxt
upp á síðkastið,“ segir Guðjón, en
hann hefur fjölgað starfsmönnum
á vakt um helming vegna tíðra
árekstra milli Íslendinga og
erlendra verkamanna.
Fyrir fjórum vikum var sex
pólskum verkamönnum meinað
um inngöngu á Klúbbinn þar sem
staðurinn hafði verið leigður undir
einkasamkvæmi.
„Mennirnir voru ekki klæddir
við hæfi, voru í úlpum og vinnu-
klossum og vegna afmælisins sem
þarna var í gangi var þeim ekki
hleypt inn. Þeir komu svo fleiri til
baka nokkru síðar og þá enduðu
viðskipti þeirra og dyravarðanna
minna með því að einn þeirra sló
dyravörð í höfuðið með kylfu,“
segir Guðjón. Dyravörðurinn var
fluttur á slysadeild í kjölfarið með
áverka á höfði og hefur atvikið
verið kært til lögreglu.
Guðjón segir erlenda verka-
menn velkomna á Klúbbinn, en
þeim sé ráðlagt að fara annað.
„Þeir eiga ekkert frekar sök á
þessum látum undanfarið heldur
en Íslendingarnir, það er bara svo
eldfimt ástand inni á börum hér í
borginni út af þeim að það þarf
lítið út af að bregða svo að allt fari
í háaloft,“ segir Guðjón. Hann
segir ástandið svipað á mörgum
skemmtistöðum í Reykjavík.
„Þróunin hefur verið sú að nú
eru til barir sem einungis erlendir
verkamenn sækja og sárafáir
Íslendingar láta sjá sig þar.“
Ari Schröder, barþjónn á Café
Amsterdam við Hafnarstræti,
kannast við ástandið en segir engin
alvarleg mál hafa þó komið upp.
Hann segir að í mörgum tilfellum
sé betra að eiga við erlendu verka-
mennina heldur en landa sína.
„Ef maður byrstir sig við þá átta
þeir sig á að þeir séu á þunnum ís,
þótt þeir skilji kannski ekki hvað
maður er að segja enda tala þeir
oft og tíðum litla sem enga ensku,“
segir Ari. „Þeir koma frá öguðum
löndum og skilja þegar maður er
ákveðinn við þá, á meðan Íslend-
ingurinn rífur bara kjaft á móti.“
Á heimasíðu talsmanns neyt-
enda kemur fram að það brjóti í
bága við hegningarlög að draga
hóp útlendinga í dilka vegna fram-
komu sumra landa þeirra, en sjálf-
sagt sé að bregðast við áreiti til-
tekinna einstaklinga með útilokun
frá skemmtistað eða þvíumlíkt.
aegir@frettabladid.is
Ráðleggja útlending-
um að fara annað
Skemmtistaðir sem erlendir verkamenn sækja hafa fjölgað starfsmönnum.
Árekstrar milli íslenskra og erlendra gesta eru tíðari en áður. Hópur pólskra
verkamanna efndi til slagsmála nýverið og var dyravörður sleginn illa í höfuð.
KLÚBBURINN Á STÓRHÖFÐA Ítrekað hefur kastast í kekki á milli erlendra verka-
manna og Íslendinga og nú er svo komið að dyraverðir staðarins ráðleggja erlendum
verkamönnum að fara eitthvert annað til að skemmta sér. F70131107 KLUBBURINN
LÖGREGLUMÁL Eldur kom upp í íbúð-
arhúsi í Reykjadal í Þingeyjar sýslu
snemma í gær morgun.
Það tók slökkviliðsmenn skamma
stund að ráða niðurlögum eldsins
en húsið er töluvert skemmt. Einn
var í húsinu og komst hann
ómeiddur út af sjálfsdáðum.
Að sögn lögreglunnar á Húsavík
eru orsakir eldsins í rannsókn þó
vitað sé að upptökin hafi orðið í
uppþvottavél. Ferðaþjónusta hefur
verið rekin í húsinu, sem er nokkuð
gamalt. - sþs
Kviknaði í út frá uppþvottavél:
Eldur í gömlu
íbúðarhúsi
LANDBÚNAÐUR Riða hefur greinst í
kind á bænum Skollagróf í
Hrunamannahreppi. Halldór
Runólfsson yfirdýralæknir segir
að um 150 kindur séu á bænum og
til standi að farga þeim.
Um er að ræða sjaldgæft
afbrigði af riðu, kallað Nor98.
Halldór segir það aðeins hafa
fundist einu sinni áður hér á landi.
Málið verði þó ekki meðhöndlað
öðruvísi en hefðbundin riðusmit.
Eftir að sauðfé á bænum hefur
verið fargað verður svæðið
hreinsað og tré rifið út. Svæðið
verður því næst sótthreinsað og
bannað að halda fé þar í tvö ár. - bj
Riða í Hrunamannahreppi:
Farga verður
150 kindum
SÓTTHREINSUN Eftir að fé á bænum
Skollagróf hefur verið fargað þarf að
sótthreinsa svæðið. FRÉTTABLAÐIÐ/VILHELM
DÓMSMÁL Hæstiréttur í Nýju-Dehli
á Indlandi hefur farið fram á að
Gunnari Stefáni Wathne verði
sleppt úr gæsluvarðhaldi, en hann
hefur setið í fangelsi þar í landi
síðan 21. september.
Þá hefur dómurinn lagt til að
Gunnar verði settur í farbann og
gert að tilkynna sig inn til
lögreglustöðvar í borginni tvisvar í
viku.
Gunnar Stefán var handtekinn á
flugvellinum í Nýju-Dehli í
september, en bandarísk lögreglu-
yfirvöld höfðu gefið út handtöku-
skipun á hendur honum. Hann er
grunaður um að hafa stundað
peningþvott fyrir Bandaríkjamann
sem var sakfelldur í heimalandi
sínu árið 2003 fyrir framleiðslu á
ofskynjunarfíkniefninu LSD. -æþe
Gunnari Wathne sleppt:
Laus en verður
settur í farbann
Verkfalli Alko að ljúka
Verkfalli starfsmanna Alko, finnsku
áfengisverslananna, sem hófst á
fimmtudagsmorgun, mun ljúka í dag.
Starfsmenn kröfðust launahækkana,
styttri vinnutíma og aukins starfshlut-
falls. Af 340 verslunum tókst einungis
að halda fjörutíu opnum í verkfallinu.
FINNLAND
GENGIÐ 17.11.2007
GJALDMIÐLAR KAUP SALA
HEIMILD: Seðlabanki Íslands
118,1038
GENGISVÍSITALA KRÓNUNNAR
60,99 61,29
124,19 124,79
88,98 89,48
11,936 12,006
11,083 11,149
9,585 9,641
0,5539 0,5571
96,4 96,98
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
ALÞINGI Sett verða á fót embætti héraðssak-
sóknara sem sækja munu öll meiriháttar
sakamál, verði frumvarp Björns Bjarnasonar
dómsmálaráðherra um meðferð sakamála að
lögum.
Frumvarpinu, sem lagt hefur verið fram á
Alþingi, er ætlað að leysa af hólmi lög um
meðferð opinberra mála frá árinu 1991.
Verði frumvarpið að lögum verður skipan
ákæruvaldsins breytt verulega, og tekin upp
þrjú stig í stað tveggja í dag.
Lögreglustjórar munu eftir sem áður sækja
minniháttar mál fyrir dómstólum. Héraðssak-
sóknarar munu sækja öll meiri háttar sakamál.
Hlutverk ríkissaksóknara breytist, og mun
snúast um að setja almennar reglur og hafa
eftirlit með öðrum ákærendum. Þetta þýðir að
málsókn í málum á borð við efnahagsbrot
verður flutt til héraðs-
saksóknara.
Ýmsar aðrar breytingar eru í
frumvarpinu. Til dæmis er
kveðið skýrt á um að hver sem
er geti fengið aðgang að ákæru
þremur sólarhringum eftir að
hún hefur verið birt ákærða,
nema sérstakir hagsmunir
standi í vegi fyrir því.
Þá munu sakborningar eiga
kost á því að skýra sín sjónar-
mið fyrir héraðsdómi með skriflegri greinar-
gerð, líkt og í Hæstarétti.
Í greinargerð með frumvarpinu kemur fram
að ætlunin sé að leggja fram sérstakt frumvarp
um nálgunarbann, og var það frumvarp rætt á
fundi ríkisstjórnarinnar í gær. - bj
Skipan ákæruvalds verður breytt verulega samkvæmt frumvarpi dómsmálaráðherra um meðferð sakamála:
Stærri mál sótt af héraðssaksóknurum
BJÖRN
BJARNASON
Í nýjasta tölublaði LH Hesta, sem
fylgir Fréttablaðinu, birtist texti
um hrossakjötsát, sem tekinn
var af Vísindavef Háskóla Íslands.
Vegna mistaka láðist að geta þess
hvaðan textinn var fenginn. Ritstjórn
Vísindavefsins er beðin afsökunar á
mistökunum.
LEIÐRÉTTING
DÓMSSTIGUM EKKI FJÖLGAÐ
Ekki er lagt til í frumvarpi um meðferð sakamála
að tekin verði upp þrjú dómstig hér á landi sökum
kostnaðar og þess að slíkt myndi auka þann tíma
sem þarf til að fá úrlausn mála. Slík breyting er þó
eina leiðin til að ráða bót á einum helsta vanda í
íslensku sakamálaréttarfari, að því er fram kemur í
greinargerð.
Gerð er krafa um milliliðalausa sönnunarfærslu.
Það þýðir að þar sem vitni eru ekki kölluð fyrir
Hæstarétt getur rétturinn ekki metið vitnisburð
þeirra öðruvísi en héraðsdómur. Því vísar Hæsti-
réttur málum þar sem mat á vitnisburði orkar
tvímælis aftur í heim í hérað. Sú aðferð er óheppi-
leg, að því er segir í greinargerðinni.
Skoða tómstundaþátttöku
Hafnarfjarðarbær ætlar að láta
rannsaka hvort börn sem af erlendu
bergi eru brotin stundi íþrótta- og
æskulýðsstarf í bænum. Leita á leiða
til úrbóta ef þess er þörf.
HAFNARFJÖRÐUR