Fréttablaðið - 17.11.2007, Side 20

17. nóvember 2007 LAUGARDAGUR
H
arry Potter og dauðadjásnin,
sjöunda og jafnframt síðasta bókin
um galdrastrákinn Harry Potter,
kom í íslenskar bókaverslanir á
fimmtudag. Útgáfudagurinn var
sjálfsagt engin
tilviljun. Snæbjörn
Arngrímsson,
forleggjari hjá
Bjarti sem gefur út
bókaflokkinn, á
einmitt afmæli 15.
nóvember og varð
46 ára í ár.
Snæbjörn er
prestssonur og á
það sammmerkt
með systkinum
sínum að öll
hneigjast þau til
lista og bókmennta;
Hafliði bróðir hans
er leikhúsmaður en
Kristín systir hans
vinnur á bókasafni
og er listakona.
Menningu var
haldið mátulega að
þeim systkinum á
heimili þeirra í
æsku en rík áhersla
var lögð á menntun,
án þess þó að þau
væru beitt óhóf-
legri pressu.
Fjölskyldan flutti
til Reykjavíkur
þegar Snæbjörn
var ungur. Hann
var glaðlynt barn
sem lítið þurfti að
hafa fyrir. Hann
þótti svo sem ekki
bókhneigðari en
önnur börn en varði
flestum stundum í
íþróttaiðkun,
aðallega handbolta
og fótbolta þar sem
hann stóð á milli
markstanganna hjá
Fram. Hann spilar
enn fótbolta, hefur
reyndar fært sig
fram í vörnina.
Snæbjörn þykir
afskaplega geð-
góður maður en
sýnir hins vegar á
fótboltavellinum að
hann hefur ríkt
keppnisskap.
Eftir að hafa
lokið stúdentsprófi
frá Menntaskólan-
um í Hamrahlíð
lagði Snæbjörn
land undir fót og
settist á skólabekk
í Freiburg í
Þýskalandi og
ætlaði að læra
sálfræði. Hann lauk
því námi þó ekki en
síðar skráði hann
sig í Háskóla
Íslands og lauk BA-
gráðu í bókmennta-
fræði. Snæbjörn
stóð að bókmennta-
tímaritinu Bjartur og Frú Emilía sem síðar varð
að bókaforlaginu Bjarti, sem hefur frá upphafi
lagt áherslu á þýddar og frumsamdar fagur-
bókmenntir. Upphaflega var forlagið rekið af
hugsjón einni saman. Snæbjörn er sagður
þriggja manna maki í vinnu, hann allt í senn
þýddi bækur, braut um og hannaði kápur.
Snæbjörn er sagður hugsjónamaður í bókaút-
gáfu. Hann hefur aftur á móti sýnt – þótt hann
beri það ef til vill ekki með sér – að hann er
slyngur „bisness-
maður“, til dæmis
þegar hann tryggði
forlaginu útgáfu-
réttinn að bókunum
um galdrastrákinn
Harry Potter.
Fyrsta bókin sló í
gegn svo um
munaði og allar
götur síðan hafa
bækurnar, ásamt
bókum Dan Brown,
verið gullkálfur
fyrir Bjart sem og
gert forlaginu
kleift að gefa út
fagurbókmenntir
sem fer ekki jafn
mikið fyrir á
vinsældalistunum.
Snæbjörn fagnar
því hins vegar að
bækur J.K.
Row ling og Dans
Brown hafi virkjað
allstóran hóp fólks,
ekki síst barna, til
að lesa meira.
Samstarfsmenn
Snæbjörns bera
honum vel söguna.
Vandamálin eru að
hans mati til að
leysa þau. Hann
nýtur líka mikils
trausts höfunda
innan vébanda
forlagsins, sem
segja hann heiðar-
legan fram í
fingurgóma. Náin
samstarfskona
telur að lýsingar-
orðið „framarlega“
eigi best við
Snæbjörn en orð
eins og bjartsýni,
glaðlyndi og
gamansemi eru
iðulega nefnd
þegar þeir sem til
þekkja eru beðnir
að lýsa Snæbirni.
Fæstir hafa helstu
lesti hans á
hraðbergi, þó er
nefnt að hann eigi
til að vera óstund-
vís og færist
stundum fullmikið í
fang. Fáir geti
haldið jafn mörgum
boltum á lofti og
Snæbjörn og hann
láti annríki sitt
aldrei bitna á
öðrum.
Þótt bókaflokkur-
inn um Harry
Potter sé á enda
kominn horfir
Snæbjörn björtum
augum fram á
veginn. Sjálfur
segist hann leggja áherslu á að gefa fyrst og
fremst út bækur sem honum finnist
skemmtilegar; það sé hins vegar vís leið til
glötunar að veðja eingöngu á mögulegar
metsölubækur.
MAÐUR VIKUNNAR
Ljúflingurinn sem datt
í lukkupottinn
SNÆBJÖRN ARNGRÍMSSON
ÆVIÁGRIP
Snæbjörn Arngrímsson er fæddur 15. nóvember 1961 á Odda
á Rangárvöllum. Foreldrar hans eru séra Arngrímur Jónsson og
Guðrún Hafliðadóttir, sem er látin. Snæbjörn er yngstur þriggja
systkina, Hafliði er elstur og Kristín í miðið. Um miðjan sjöunda
áratuginn flutti fjölskyldan suður til Reykjavíkur, í Álftamýrina
nánar tiltekið, en séra Arngrímur var lengi sóknarprestur í
Háteigskirkju. Snæbjörn lauk stúdentsprófi frá Menntaskólanum
í Hamrahlíð, síðar BA-prófi í bókmenntafræði frá Háskóla Íslands.
Upphaflega stóð hann að útgáfu tímaritsins Bjartur og Frú Emilía
sem síðar þróaðist út í bókaforlagið Bjart. Síðar hóf forlagið
útrás á Norðurlöndum undir nafninu Hr. Ferdinand. Snæbjörn
býr í Kaupmannahöfn þar sem hann stýrir skrifstofum forlagsins
í Danmörku og Noregi. Kona hans er Susanne Torpe, en hún
er einnig framkvæmdastjóri Hr. Ferdinand. Saman eiga þau tvö
börn en Snæbjörn á þrjú börn frá fyrra sambandi.
VANN SÉR TIL FRÆGÐAR
Lét drauminn rætast og keypti sér bóndabýli í Púglíu á Ítalíu og
gerðist ólífubóndi.
HVAÐ SEGJA AÐRIR?
„Hans helsti galli væri líklega að hugsa alltaf síðast um sjálfan sig
en hann setur yfirleitt alltaf einhvern annan en sjálfan sig í fyrsta
sætið.“
Jón Karl Helgason samstarfsmaður í DV 21. desember 2004.
HVAÐ SEGIR HANN?
„Þegar ég keypti réttinn að Harry Potter var þetta óþekkt bók. Ég
man að ég var á bensínstöð þegar ég rak augun í forsíðugrein
um Harry Potter í Time. Þá vissi ég að þetta var eitthvað merki-
legt.“ Í Fréttablaðinu 12. mars 2007.
Þú færð allt fyrir jólin í
Rúmfatalagernum!
499,- 299,-
2.290,-
590,-
890,-
199,-
499,-
99,-
499,-
Auglýsingasími
– Mest lesið