Fréttablaðið - 31.12.2007, Page 2

2 31. desember 2007 MÁNUDAGUR
VEÐUR Árið sem nú er að líða telst
það tíunda hlýjasta frá upphafi
mælinga á velflestum veður-
mælingastöðvum um sunnan- og
vestanvert landið. Árið 2007 mælist
í fjórtánda til fimmtánda sæti yfir
hlýjustu árin Norðaustanlands.
Samkvæmt upplýsingum frá
Veðurstofu Íslands var hitinn í
Reykjavík 1,2 stigum fyrir ofan
meðallag og er það lítillega hærra
en árið 2006. Það er þó aðeins kald-
ara en árið 2004 og meira en hálfu
stigi kaldara en meðalhiti ársins
2003 sem var metár í hitamæling-
um í Reykjavík.
„Árið 2007 var
hlýtt og blautt,“
segir Trausti
Jónsson, veður-
fræðingur á
Veðurstofu
Íslands, en
úrkoman var
óvenjumikil á
mestöllu Suður-
og Vesturlandi.
„Þetta er með
blautustu árum
hérna í Reykja-
vík,“ og telur
Trausti að þar sem mikillar úrkomu
sé spáð þessa síðustu helgi ársins
sé trúlegt að úrkoman fari nálægt
metum á einhverjum stöðvum. Er
það ekki síst athyglisvert í ljósi
þess að fádæma þurrt var langt
fram eftir sumri á mestöllu land-
inu. Var úrkoman norðaustanlands
hins vegar nær meðallagi þegar
litið er á árið í heild.
Á Suður- og Vesturlandi hefur
úrkomutíð staðið nær samfellt frá
því í ágúst og hefur úrkoma síð-
ustu fimm mánuði ársins aldrei
mælst meiri í Stykkishólmi þar
sem mælt hefur verið frá árinu
1857. Þá er úrkoman í Reykjavík
mun meiri en nokkru sinni á sama
tímabili ársins en í Reykjavík eru
til samfelldar mælingar frá árinu
1921 auk mælinga á árunum 1885
til 1906. Sömuleiðis hefur úrkoma
ekki mælst meiri frá ágúst til árs-
loka í Vestmannaeyjum þar sem
samfelldar mælingar eru til frá
árinu 1881.
Í Reykjavík var júlímánuður sá
næsthlýjasti frá upphafi sam-
felldra mælinga og aðeins júlí 1991
var hlýrri.
Þótt haustið hafi verið nokkuð
blautt norðanlands þornaði þegar
leið á vetur og var nóvember til
dæmis einn hinn þurrasti sem
þekkist á Akureyri. Hefur hiti í
vetur lengst af verið í ríflegu með-
allagi en tíð verið rysjótt og sér-
lega stormasöm eftir 20. nóvem-
ber. Þá segir Trausti mjög snjólétt
hafa verið það sem af er vetri.
„Þetta er svona svipað og verið
hefur undanfarin ár,“ segir Trausti
að lokum. olav@frettabladid.is
Tíunda hlýjasta árið
frá upphafi mælinga
Óvenjumikil úrkoma var á mestöllu Suður- og Vesturlandi á árinu sem er að
líða og hitinn lítillega hærri en árið 2006. Fjórtánda til fimmtánda hlýjasta árið
norðaustanlands. Hitinn í Reykjavík var 1,2 stigum fyrir ofan meðallag.
GOTT VEÐUR Í REYKJAVÍK Frá Austurvelli sumarið 2007. FRÉTTABLAÐIÐ/VILHELMTRAUSTI JÓNSSON
Veðurfræðingur
FRÉTTABLAÐIÐ/GVA
PAKISTAN, AP Nítján ára gamall sonur Benazir Bhutto,
Bilawal Zardari, var í gær valinn til að taka við
formennsku í stærsta stjórnmálaflokki Pakistans.
Þar með er þeirri hefð viðhaldið að Bhutto-ættin
haldi um stjórnartaumana í Þjóðarflokknum, sem afi
Bilawals stofnaði fyrir 40 árum. Á fundi flokks-
stjórnarinnar í gær var þó jafnframt ákveðið, að
ekkill Bhutto, Asif Ali Zardari, stýrði flokknum
fyrst um sinn, fyrir hönd sonarins og sem
meðformaður.
Enn fremur var ákveðið að flokkurinn myndi taka
þátt í komandi þingkosningum, sem áformaðar eru
8. janúar. Hvatning flokkstjórnar Þjóðarflokksins til
að staðið verði við þá dagsetningu virtist í gær eyða
vangaveltum um frestun þeirra í kjölfar morðsins á
Bhutto. Flokksstjórnin hvatti jafnframt hinn
aðalstjórnarandstöðuflokkinn, sem fyrrverandi
forsætisráðherrann Nawaz Sharif fer fyrir, til að
taka líka þátt. Talsmenn hans sögðust í gærkvöld
ætla að hlýða því kalli. Þar með virðist þeirri hættu
bægt frá, að stjórnarandstaðan í heild sinni snið-
gangi kosningarnar.
„Hin langa barátta flokksins fyrir lýðræði mun
halda áfram af endurnýjuðum krafti,“ sagði Bilawal
á blaðamannafundi. „Móðir mín sagði alltaf að
lýðræði væri besta hefndin.“ - aa
FEÐGAR Í FÓTSPOR BHUTTO Asif Ali Zardari, ekkill Benazir
Bhutto, og sonur þeirra, Bilawal, á blaðamannafundi í Nau-
dero við Larkana í Pakistan í gær. FRÉTTABLAÐIÐ/AP
Flokksstjórn Þjóðarflokks Pakistans felur syni og ekkli Benazir Bhutto flokksforystuna:
Sniðganga ekki kosningarnar
Mörg beinbrot í asahláku
Mikið álag var á slysa- og bráðamót-
töku Landspítalans í mikilli asahláku í
gærmorgun. Gert var að beinbrotum
milli tíu og tuttugu einstaklinga, að
sögn vakthafandi læknis. Algengustu
brotin voru ökklabrot, úlnliðsbrot og
axlarbrot.
LÖGREGLUFRÉTTIR
VEÐUR Mikið annríki var hjá björg-
unarsveitarmönnum, slökkviliði,
lögreglu og starfsmönnum sveitar-
félaga í miklu vatnsveðri sem
gekk yfir landið í gær. Yfir 320
björgunarsveitarmenn stóðu vakt-
ina og fóru í yfir 220 útköll um
land allt.
Ástandið var verst á höfuð-
borgarsvæðinu, þar sem vatns-
elgur flæddi um göturnar í asa-
hláku og frárennsli fylltust.
Björg unar sveitir fóru í um 120
útköll á höfuðborgarsvæðinu.
„Þetta hafa mest verið útköll
vegna vatnstjóns og foks,“ segir
Ólöf Snæhólm Baldursdóttir, upp-
lýsingafulltrúi Landsbjargar. Hún
segir að ekki hafi heyrst af meiðsl-
um á fólki, tjónið hafi fyrst og
fremst verið á eignum fólks.
„Það hefur flætt mikið í Reykja-
vík og víðar, upp úr niðurföllum,
klósettum og þess háttar,“ segir
Ólöf. Vegna vatnsaga í holræsa-
kerfi borgarinnar leituðu rottur
upp á yfirborðið í borginni, eink-
um í eldri hverfum.
Björgunarsveitarmenn hafa
undanfarna daga undirbúið flug-
eldasölu sveitanna fyrir áramótin,
en vegna veðurs þurftu sumar
sveitir að kalla til gamla félaga til
að standa vaktina í flugeldasölum
á meðan björgunarsveitarmenn
fóru í útköll.
„Við erum ávallt viðbúin,“ segir
Ólöf, sem segir óveðrið varla
koma niður á flugeldasölu. Lík-
legra sé að það minni landsmenn á
mikilvægi björgunarsveitanna.
- bj
Björgunarfólk stóð í ströngu í miklu vatnsveðri sem gekk yfir í gær:
Flæddi upp úr niðurföllum og klósettum
FLÓÐ Vatn flæddi um götur í Mosfellsbæ í gær þegar úrhellið bræddi snjó og niður-
föll stífluðust. Lögregla þurfti að loka götum og borgarstarfsmenn unnu hörðum
höndum að því að hreinsa úr niðurföllum. FRÉTTABLAÐIÐ/VALLI
VEÐUR Slökkvilið og
björgunarsveitir fóru víða í gær
til að bregðast við leka í
fyrirtækjum og heimahúsum.
Talsvert vatn hafði lekið upp úr
niðurföllum í lager í kjallara
Húsgagnahallarinnar við
Bíldshöfða, en að sögn slökkviliðs
virtist tjónið minna en óttast var.
Aðkoman var einnig slæm í
Múlakaffi, þar sem vatn í kjallara
náði um 90 sentimetra hæð þegar
að var komið. Tjónið þar var
einnig minna en búist var við.
Víða flæddi upp úr niðurföllum
og inn í hús á höfuðborgarsvæðinu
og ekki óalgengt að vatnshæðin
væri 40 til 50 sentimetrar að sögn
slökkviliðsins. - bj
Vatn lak víða í veðurofsanum:
Leki á lager og
hjá Múlakaffi
VATNSLEKI Björgunarsveitarmenn,
slökkvilið og starfsmenn brugðust hratt
við leka í Húsgagnahöllinni.
FRÉTTABLAÐIÐ/VALLI
ÍRAK, AP Ár er liðið síðan Saddam
Hussein, fyrrum einræðisherra
Íraks, var hengdur í Baghdad. Á
dánardegi hans í gær söfnuðust
hundruð manna saman við gröf
hans í heimabæ hans, Tikrit.
Grafhýsi Saddams var þakið
blómum, fánum Íraks og mynd-
um af brosandi einræðisherran-
um. Sumir héldu þrumandi ræður
meðan aðrir vottuðu virðingu
sína í hljóði.
Öryggisráðstafanir voru í
hámarki en í fyrra braust út alda
óeirða eftir hengingu Saddams.
Áttatíu manns létust í sprenging-
um og öðrum árásum þann dag.
- eá
Öryggisráðstafanir í Tíkrit:
Ár liðið frá af-
töku Saddams
SADDAM SYRGÐUR Íraki grætur við
blómum þakta gröf Saddams Hussein í
Tikrit í gær. FRÉTTABLAÐIÐ/AP
BJÖRGUN „Ég hugsa nú að allir
björgunarsveitarmennirnir sem
tóku þátt í aðgerðunum upp á jökli
hafi sofnað strax og heim var
komið,“ sagði Björn Björnsson,
varaformaður björgunarsveitar-
innar Oks í Reykholtsdal, skömmu
eftir að ellefu ferðalöngum hafði
verið bjargað niður af Langjökli í
gær.
Ferðalangarnir höfðu setið fastir
í bílum sínum frá því í fyrrakvöld.
Björn segir ferðalangana hafa
verið vana og velútbúna. Bilanir í
bílum og erfið færð hafi orðið til
þess að það komst ekki niður af
jöklinum áður en veðrið tók að
versna.
Auk björgunarmanna frá
björgunarsveitinni Oki komu menn
frá björgunarsveitinni Heiðari frá
Varmalandi fólkinu til hjálpar í
fyrrinótt. „Veðrið á jöklinum var
engu líkt, um og yfir 100 metra
vindhraði á sekúndu,“ segir Björn
um aðstæður en ferðalangar og
björgunarsveitarmenn komu í ekki
í Húsafell fyrr en um klukkan
fjögur í gærdag. - kdk
Björgunarafrek í fárviðri:
Ellefu bjargað
af Langjökli
ÓÁRENNILEGUR JÖKULLINN Varafor-
maður björgunarsveitarinnar Oks í
Reykholtsdal segir veðrið á Langjökli í
fyrrinótt hafa verið engu líkt.
FRÉTTABLAÐIÐ/VILHELM
Gunnar, er gott að hossast í
Kópavogi?
„Það er auðvitað best að hossast
þar.“
Sviðsstjóri þjónustusviðs Strætó hefur
farið þess á leit við yfirvöld í Kópavogi
að hraðahindrunum þar verði fækkað.
Vagnstjórar á ákveðnum leiðum í Kópa-
vogi fari yfir 500 hraðahindranir á vakt.
BELGÍA, AP Ótti við hryðjuverk
setur mark sitt á áramótafögnuð í
Brussel. Meðal öryggisráðstafana
í nafni hryðjuverkavarna hefur
árvissri flugeldasýningu í
miðborginni á gamlárskvöld verið
aflýst og vinsælum jólamarkaði
lokað.
Yfirvöld óttast hryðjuverka-
árás eftir að lögregla handtók
fjórtán manns í síðustu viku,
grunaða um að áforma að frelsa
al-Kaída-liðann Nizar Trabelsi úr
belgísku fangelsi. Vegna skorts á
sönnunum var hinum grunuðu
sleppt sólarhring síðar. Yfirvöld
telja sig hafa upplýsingar um
ráðagerð þeirra um að frelsa
fangann með sprengiefnum og
öðrum vopnum. - eá
Hryðjuverkaótti í Brussel:
Áramóta-
fögnuði aflýst
JÓLAMARKAÐI LOKAÐ Í kvöld verður
jólamarkaðnum lokað snemma í stað
þess að vera opinn fram eftir.
FRÉTTABLAÐIÐ/AP
SPURNING DAGSINS