Fréttablaðið - 31.12.2007, Blaðsíða 46

Fréttablaðið - 31.12.2007, Blaðsíða 46
38 31. desember 2007 MÁNUDAGUR Félag íslenskra samtímaljósmyndara, FÍSL, var stofnað á dög- unum en að sögn eins stofnmeðlimanna, Katrínar Elvarsdóttur, er markmið þess að gera ljósmyndamiðlinum hátt undir höfði hérlendis. „Það gildir að öllu leyti, hvort sem átt er við sýningahald, bókaútgáfu, fyrirlestra og þar fram eftir götum,“ segir hún og bætir við að greinaskrif finnskrar blaðakonu um bágborna stöðu ljósmyndunar á Íslandi hafi orðið til þess að FÍSL var stofnað. Allir sem lokið hafa háskólaprófi í ljósmyndun frá viður- kenndum háskóla eða hafa aðra sambærilega menntun sam- kvæmt yfirlýsingu frá viðkomandi skóla geta sótt um aðild að félaginu. Auk þess er áhugi á samtímaljósmyndun lykilatriði, en að sögn Katrínar er hann það eina sem sameinar átta stofnmeð- limi FÍSL, sem eru eins ólíkir og þeir eru margir. Sannast það kannski best á meðfylgjandi myndum. - rve Ljósmyndamiðlinum gert hátt undir höfði Stofnað hefur verið Félag íslenskra samtímaljósmyndara. BRAGI JÓSEFSSON. Bragi Jósefsson (fæddur 1961) útskrifaðist úr Rochester Institude of Technology í New York árið 1986. Bragi hefur síðan unnið sem atvinnuljósmyndari og er með eigin ljósmynda- rekstur í Reykjavík. Hann hefur fengist við margvísleg verkefni í gegnum tíðina, þó mestmegnis fyrir tímarit. Hann hefur haldið nokkrar einkasýningar, verið með í samsýningum og hlotið fjölda verðlauna á hinni árlegu Blaðaljósmyndasýningu. MYND/ÍVAR BRYNJÓLFSSON PÉTUR THOMSEN Pétur Thomsen (fæddur 1973) útskrifaðist með MFA- gráðu frá École Nationale Supérieur de la Photographie árið 2004. Pétur hefur sýnt töluvert erlendis, þar á meðal í Sviss, Tókýó, Madrid og New York. Samskipti manns og náttúru eru Pétri hugleikið viðfangsefni og hefur hann því einbeitt sér að landslagsmyndum. Myndir Péturs frá Kára- hnjúkum hafa vakið athygli erlendis. MYND/PÉTUR THOMSEN KATRÍN ELVARSDÓTTIR Katrín Elvarsdóttir (fædd 1964) útskrifaðist með BFA-gráðu frá Art Institute of Boston árið 1993. Síðan þá hefur hún tekið þátt í fjölda samsýninga og haldið einkasýningar í Bandaríkjunum, Dan- mörku og á Íslandi. Ljósmyndir hennar hafa hlotið fjölda viðurkenninga og í haust var hún tilnefnd til Heiðursverðlauna Myndstefs. Katrín býr og starfar í Reykjavík. MYND/KRISTINN ÞÓRISSON ÍVAR BRYNJÓLFSSON Ívar Brynjólfsson (fæddur 1960) lauk námi frá San Francisco Art Institute árið 1988. Hann hefur sett upp fjölda einkasýninga og á síðasta ári kom út eftir hann bókin Specimina Commercii, þar sem alls kyns verslunarhúsnæði á höfuðborgarsvæðinu eru viðfangsefnið en Ívar sækir það gjarnan í nánasta umhverfi sitt. MYND/ÍVAR BRYNJÓLFSSON EINAR FALUR Einar (fæddur 1966) er með MFA í ljósmyndun frá School of Visual Arts í New York. Þaðan útskrifaðist hann árið 1994. Einar hefur sýnt á einka- og samsýningum víðs vegar um heim, þar á meðal í Reykjavík, New York, París og Bonn, og verk eftir hann hafa birst í ýmsum tímaritum, svo fátt eitt sé nefnt. MYND/ÁRNI SÆBERG ÞÓRDÍS ERLA ÁGÚSTSDÓTTIR Þórdís Erla Ágústdóttir (fædd 1961) útskrifaðist með BA-gráðu frá École Nationale de la Photographie í Arles í Frakklandi árið 1989 og hefur síðan starfað sem ljósmyndari í Frakklandi og á Íslandi. Þórdís hefur tekið þátt í fjölda samsýninga í Frakklandi, Þýskalandi og á Íslandi. Verk hennar fjalla um ummerki tímans, sjóndeildar- hringinn og óendanleikann, sjónarsvið hinnar skipulögðu náttúru og víðáttunnar, líkamann í mismunandi samhengi, manneskjuna og samfélagið og senur og aðstæður úr daglegu lífi fólks. Þórdís býr og starfar í Reykjavík. MYND/KÁRI HARÐARSSON SPESSI Spessi (fæddur 1956) lauk námi við AKI - Akademi for Bild und Kunst í Hollandi árið 1994. Hann hefur haldið fjölda einkasýninga í New York, Stokkhólmi, Oulu, Kaupmannahöfn og víðs vegar á Íslandi og tekið þátt í samsýningum á Íslandi og Finnlandi svo fátt eitt sé nefnt. MYND/PÉTUR GEIR BÁRA KRISTINSDÓTTIR Bára (fædd 1960) lærði ljósmyndun í Gautaborg í Svíþjóð árin 1987 til 1989. Hún starfaði sem aðstoðarljósmyndari þar og í Bandaríkjunum næstu þrjú ár. Bára flutti aftur til Íslands árið 1992 og kom sér þá upp eigin ljósmyndastúdíói. Ekkert er henni óviðkomandi í myndsköpun, sem sést af ólíkum viðfangsefnum, allt frá fjölskyldum og til gróðurhúsa, sem hún reynir þó að nálgast á sinn persónulega hátt. MYND/BÁRA KRISTINSDÓTTIR
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.