Fréttablaðið - 31.12.2007, Blaðsíða 44
36 31. desember 2007 MÁNUDAGUR
JÚLÍ Norður-Kóreumenn tilkynntu Bandaríkjamönnum um miðjan júlí að þeir hefðu lokað kjarnorku-
veri sínu í Youngbyon og heimilað alþjóðlegum eftirlitsmönnum aðgang að verinu. Allt var þetta í
samræmi við samkomulag sem gert var við Norður-Kóreumenn í febrúar um lokun kjarnorkuversins í
staðinn fyrir rausnarlega efnahagsaðstoð frá Vesturlöndum, einkum í formi eldsneytis.
ÁGÚST Gríðarlega harður jarðskjálfti reið yfir Suður-Ameríku um miðjan júlí og átti
hann upptök sín skammt frá Líma, höfuðborg Perú. Yfir 500 manns létu lífið og
ríflega 34 þúsund heimili voru rústirnar einar.
SEPTEMBER Um miðjan september þrömmuðu hundruð búddamunka í mótmælaskyni um götur
Rangún, höfuðborgar Mjanmar, sem áður hét Búrma. Á næstu vikum óx mótmælendum ásmegin
uns allt að hundrað þúsund manns efndu til mótmæla 23. september. Þremur dögum síðar braut
herforingjastjórn landsins mótmælin á bak aftur af mikilli hörku og voru hundruð munka handtekin
í kjölfarið. Þetta voru umfangsmestu mótmæli gegn herforingjastjórninni síðan þúsundir manna létu
lífið í átökum við herinn 1988.
OKTÓBER Hinn 17. október samþykkti yfirgnæfandi meirihluti tyrkneskra
þingmanna þingsályktun sem heimilaði tyrkneska hernum að ráðast á
stöðvar kúrdískra skæruliða í norðurhluta Íraks. Þett gerðist í kjölfar þess að
skæruliðar kúrda höfðu um nokkra hríð gert skyndiárásir yfir landamærin á
tyrknesk skotmörk. Fulltrúar Íraka og Bandaríkjamanna mótmæltu hernaðar-
áformum Tyrkja sem sögðu á móti að þolinmæði þeirra væri á þrotum.
NÓVEMBER Pervez Musharraf hershöfðingi, forseti Pakistans, tilkynnti í byrjun nóvember að neyðar-
lög hefðu verið sett í landinu. Öll opinber pólitísk andstaða við Musharraf var barin niður í kjölfarið
og fjöldi lögfræðinga og hæstaréttardómara var handtekinn. Talið er að forsetinn hafi gripið til
þessara aðgerða þar sem yfir vofði að hæstiréttur Pakistans myndi ógilda endurkjör hans til forseta-
embættisins á grundvelli þess að pakistönsk lög banna hershöfðingjum að gegna embættinu. Mikil
mótmæli brutust út í kjölfarið.
DESEMBER Andstæðurnar voru augljósar í lok ársins. Á sama tíma og Sameinuðu
þjóðirnar og aðrar stofnanir vöruðu enn á ný við hættuástandi í Afríku sökum þurrka og
hungursneyðar, bentu bandarísk stjórnvöld á hættuna vegna offitu barna.