Fréttablaðið - 31.12.2007, Side 33

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Þegar litið er um öxl á áramótum er oft margs
að minnast. Hafdís Jónsdóttir, eða Dísa í World
Class eins og flestir þekkja hana, hefur til
dæmis opnað fjórar nýjar líkamsræktarstöðvar
með eiginmanni sínum.
„Það sem stendur helst upp úr núna er að World Class
hefur opnað fjórar nýjar stöðvar. Við höfum unnið að
undirbúningi allt árið og nú í lok árs er þetta loksins
að klárast,“ segir Dísa ánægð. Þrjár af stöðvunum
opnuðu í desember og sú fjórða opnar í janúar. „Þetta
er það sem stendur upp úr viðskiptalegs eðlis en það
sem er hvað markverðast persónulega er góð heilsa
allra í fjölskyldunni sem skiptir mestu máli,“ segir
Dísa einlæg. Aðspurð hvort hún leggi það í vana sinn
að strengja áramótheit segir Dísa: „Já, ég lofa sjálfri
mér alltaf að reyna að gera betur og verða betri
manneskja. Bæta sjálfa mig og verk mín.“
Síðustu áramót eru Dísu afar minnisstæð þar sem
hún eyddi þeim í Suður-Afríku með fjölskyldunni.
„Það var mjög ólíkt því að vera heima. Þar var hiti og
sól og við fórum í safaríferð að skoða dýrin, þessi
stóru sem við sjáum ekki á Íslandi eins og gíraffa,
ljón, flóðhesta og svoleiðis,“ segir Dísa sællar minn-
ingar. „Um kvöldið borðuðum við góðan mat og nutum
þess að vera saman. Það voru engir flugeldar eða
neitt slíkt heldur var einfaldlega setið úti í léttum
klæðnaði og borðað.“ Það sem skiptir Dísu einna
mestu máli er í raun ekki hvar áramótin eru haldin
heldur með hverjum og þá er gott að vera í faðmi
fjölskyldunnar. hrefna@frettabladid.is
Áramót í Afríku
Dísa er þakklát fyrir gott heilsufar fjölskyldunnar og heitir því ár hvert að bæta sig í hverju því sem hún tekur sér fyrir hendur.
FRÉTTABLAÐIÐ/ANTON BRINK
Öryggisgleraugun eru nauðsynleg
bæði ungum og öldnum um áramót. Ekki
aðeins þeir sem
skjóta eiga að
vera með slíkan
búnað heldur
einnig þeir sem
á horfa.
Sprengingar geta vakið
ótta hjá ungum börnum. Best
er að skilja barnið ekki eitt
eftir í augnablik heldur vera
með það í fanginu allan tím-
ann sem sprengingarnar eru.
Hávaðinn sem fylgir flugeldunum
getur valdið óbætanlegum heyrnar-
skaða og því er ráð að nota
eyrnatappa. Ekki má
gleyma að setja eyrna-
tappa í eyrun á litlu
börnunum.