Fréttablaðið - 02.01.2008, Page 12

12 2. janúar 2008 MIÐVIKUDAGUR
nær og fjær
„ORÐRÉTT“
„Mér finnst margt
af þessu vera
löngu tímabærar
breytingar,“ segir
Sigurður Péturs-
son sagnfræðing-
ur á Ísafirði um
þær breytingar
sem urðu á stjórn-
arráðinu nú um
áramótin. „Stjórn-
kerfið hefur verið
ótrúlega íhalds-
samt og margt
er þarna verið að laga að breyttum
atvinnu og samfélagsháttum.“
„Mikilvægast er að skipta heilbrigðis-
og tryggingaráðuneytinu upp, að
lífeyristryggingarnar fari í félagsmála-
ráðuneytið. Ég held að ansi margir
séu búnir að bíða eftir þessari upp-
stokkun og vonandi að ríkisstjórnin
geti ráðið við það verkefni.“
„Sem sveitarstjórnarmaður bind ég
vonir við færslu sveitarstjórnarmála
til samgönguráðuneytis. Það er
spurning hvort sveitarstjórnarmálin
fái þá meiri vigt en áður.“
„Auðvitað þyrfti að ganga enn
lengra í sameiningum og fækkun
ráðuneyta en jafnframt aðskilja lög-
gjafar- og framkvæmdavald með því
að ráðherrar gegni ekki þingmanns-
störfum jafnhliða.“
SJÓNARHÓLL
BREYTINGAR Á STJÓRNARRÁÐINU
Gott skref
í rétta átt
SIGURÐUR
PÉTURSSON
Sagnfræðingur
á Ísafirði.
„Það er það helst að frétta að það er búið að
vera brjálað að gera í desember,“ segir Ragnar
Bjarnason söngvari. „Ég gaf út hljómdisk fyrir
jólin og hann seldist bara nokkuð vel. Ég held
að hann hafi komist í fjórða sætið á
metsölulista. Það er gaman að segja
frá því að þar söng með mér ungur
piltur og við höfum svo sungið
saman við nokkur tækifæri. Hann
heitir Árni Þór Lárusson og er 13
ára svo það eru 60 ár á milli okkar,“
segir Ragnar og hlær við.
„Svo er alltaf nóg að gera
hjá okkur Þorgeiri Ástvalds
en við höfum verið að
skemmta saman. En svo
hefur mér líka gefist tími
til að kíkja í bók en ég er
mikill lestrarhestur. Ég var
til dæmis að klára bókina Útkallið sem Óttar
Sveinsson skrifaði. Það er alveg ótrúlegt að lesa
um þessi björgunarafrek þegar þeir björguðu
danskri áhöfn við Reykjanes, maður var bara
með lafandi hökuna af undrun yfir þessum
snillingum sem við eigum í þessum björg-
unarsveitum. En nú var ég að byrja á bók
Hrafns Jökulssonar, Þar sem vegurinn endar,
og svo bíður náttúrulega bókin um Guðna
Ágústsson, maður verður að lesa hana.
Svo á gamlárskvöld var ég í fríi og þá
sprengdi ég vel upp, það var aldeilis
„sjó“ í lagi.“ Aðspurður hvort hann
hafi strengt einhver áramóta-
heit kveður hann nei við: „Ég
strengdi þess heit í tíu ár í röð
að hætta að reykja og svo tókst
það. Eftir það hef ég enga þörf
fyrir svona lagað.“
HVAÐ ER AÐ FRÉTTA? RAGNAR BJARNASON SÖNGVARI
Enga þörf fyrir heitstrengingar
KLIPPIÐ HÉR!
- Ekkert hlé á góðum myndum
Ekkert hlé Minna af auglýsingum Engin truflun321
2 fyrir 1 allar frumsýningarhelgar gegn framvísun þessarar úrklippu.
www.graenaljosid.is - Skráning í Bíóklúbb Græna ljóssins margborgar sig
„Það sem Haynes hefur gert hér,
er í raun að búa til Bob Dylan lag og
þar að auki eitt hans besta!“
- Jeff Beresford-Howe, Film Threat
„Frumlegasta og
skemmtilegasta mynd ársins!“
- Stephanie Zacharek, Salon.com
KVIKMYND EFTIR TODD HAYNES UM
MÖRG ANDLIT OG ÆVISKEIÐ BOB DYLAN
Tónlistin úr myndinni
fáanleg í næstu plötubúð
ÉG ER EKKI ÞAR FRUMSÝND 4. JANÚAR Í REGNBOGANUM
„Kvikmynd ársins!“
- J. Hoberman, Village Voice
Í nóvember síðastliðnum
brann fjósið í Stærri-Ár-
skógi með 166 nautgripum
inni en aðeins 34 sluppu. Sá
dagur situr vissulega enn
í Guðmundi Geir Jóns-
syni bónda en viðbrögð
sveit unga urðu til þess að
hann sannfærðist um að
kærleikurinn gæti sigrað
bálið.
Það var í óveðri miklu hinn 17.
nóvember sem sjálfvirki mjalta-
þjónninn gaf frá sér viðvörunar-
hljóð svo Guðmundur dreif sig út í
storminn og yfir í fjósið. Þegar
hann nálgaðist sá hann eldinn
standa út úr því. „Á svona stundu
upplifði ég það hvað maðurinn
getur verið vanmáttugur þegar
hann stendur frammi fyrir svona
afli eins og eldurinn er. Kvígurnar
sem höfðu möguleika á því að
koma sér út gerðu það en eldurinn
breiddist svo hratt út að ég gat
ekki komið hinum til bjargar.
Það var náttúrulega hræðileg
tilfinning að geta ekkert gert og
vissulega fyllist ég stundum
sjálfsásökunum eins og verða vill
þegar einhver finnur til vanmáttar
síns. En svo er það fyrst og fremst
sveitungum mínum að þakka að
reiðin fékk ekki að gerjast, þeir
veittu mér mikinn stuðning strax.“
Það yljaði Guðmundi um hjarta-
rætur þegar einn nágranni kom til
hans og sagði: „Láttu þér ekki
detta í hug að þú sért að fara að
byggja fjósið aleinn.“ „Hefði ég
ekki fengið þessi hlýju viðbrögð
frá þeim hefði mér eflaust fallist
hendur eftir þetta áfall og lík-
legast ekki reist fjósið að nýju.“
Sú var hreint ekki raunin því
þremur dögum eftir brunann var
Guðmundur búinn að panta nýtt
hús fyrir fjós og nokkrum dögum
síðar var hafist handa við fram-
kvæmdir. Nú er húsið komið til
landsins og Guðmundur hyggst
koma því á grunninn 8. janúar
næstkomandi og mjólkin verður
aftur farin að renna á brúsa í
Stærri-Árskógi í febrúar ef
áætlanir ganga eftir.
Enda sátu sveitungar með
hlýjan hug ekki við orðin tóm
heldur sýndu vilja sinn í verki.
„Ég fékk að hýsa kvígurnar sem
sluppu úr eldinum á Kálfskinni.
Svo var stofnaður söfnunarreikn-
ingur og nú eru komnar rúmar
tvær milljónir inn á hann. En það
voru ekki aðeins bændur sem tóku
sig til því tveir tónlistarmenn, þeir
Kristján Guðmundsson og Aron
Birkir Óskarsson, héldu styrktar-
tónleika á Dalvík þar sem söfnuð-
ust um 700 þúsund krónur.“
Á síðasta kvótaári voru 360.000
lítrar af mjólk framleiddir í
Stærri-Árskógi en þá var Guð-
mundur með um sextíu mjólkandi
kýr. En hvað hyggst hann fram-
leiða mikið á þessu kvótaári sem
lýkur í september? „Það er mjög
erfitt að segja til um það, ég stóð
uppi með aðeins 34 kvígur eftir
brunann en svo hafa nokkrir vel-
unnarar tekið sig til og safnað
alveg ótrúlega mörgum gripum
sem þeir eru til í að láta mig hafa
eða selja mér og einnig hefur Bún-
aðarsamband Eyjafjarðar komið
mjög rausnarlega til móts við mig
og þetta er alveg ómetanlegt fram-
tak hjá þeim og er ég öllum alveg
sérstaklega þakklátur. En það er
nokkuð snemmt að segja hvað ég
get farið að framleiða mikið.“
En hvað er honum nú efst í huga
þegar hörmungarnar eru afstaðn-
ar og búið er að snúa vörn í sókn?
„Lífið er einn skóli,“ segir Guð-
mundur og verður hugsi. „Ég tel
mig hafa verið lánsaman mann ef
frá er talinn þessi atburður. Ég á
yndislega fjölskyldu og góða vini.
En ég hef þó venjulega ekki feng-
ið neitt upp í hendurnar. Ég hef
ævinlega þurft að berjast fyrir
öllu í lífinu. Svo upplifi ég það nú
að menn eru boðnir og búnir að
eigin frumkvæði að greiða götu
mína eftir þetta áfall og það er
stórkostlegt að finna fyrir þess-
um hlýhug. Þó ég hafi fundið fyrir
mætti eldsins þá sé ég það nú að
máttur kærleikans er jafnvel ívið
meiri. Svo finn ég til þakklætis að
ekki skyldu hafa orðið slys á fólki;
hvorki hér á bænum eða á því
góða fólki sem vann við slökkvi-
störf.
En svo sá ég þarna svart á hvítu
hvað það er mikilvægt í dreifbýlinu
þar sem það tekur slökkvilið um
20 til 30 mínútur að komast á vett-
vang að það séu til staðar bruna-
hanar og aðrir nauðsynlegir hlutir
svo fólk geti hafist handa við
slökkvistörf strax því úrslitin geta
ráðist af fyrstu mínútunum.
Reyndar var brunaslanga hér en
hún var einmitt þar sem eldurinn
kom upp svo ekki var hægt að
komast að honum.“
Guðmundur segir erfitt að meta
tjónið í fjárhæðum en það gæti
verið vel á annað hundrað milljón-
ir króna. Styrktarreikningurinn er
í Sparisjóði Norðlendinga og er
númer hans 1145-15-520040 og
kennitala Guðmundar er 150172-
3069. jse@frettabladid.is
Kærleikurinn eldinum yfirsterkari
FJÖLSKYLDAN Á STÆRRI-ÁRSSKÓGI Eftir að hafa misst megnið af bústofni sínum í nóvember hefur nú fjölskyldan snúið vörn í
sókn. Freydís Inga Bóasdóttir er lengst til vinstri en Bríet Una er í fangi föður síns, Guðmundar Geirs Jónssonar.
BRUNARÚSTIR EINAR Fjósið og byggingar sem því fylgdu voru um 1.100 fermetrar, en
eldurinn skildi eftir svartar rústir. Nýja fjósið sem reist verður í næsta mánuði verður
450 fermetrar.
MICROSOFT
BOB:
STÝRIKERFI Í BOBBA
■ Árið 1995 kynnti Microsoft nýtt
stýrikerfi sem kallaðist Microsoft
Bob. Bob var ætlað að veita
notendum eins einfalt viðmót og
frekast var unnt. Í stað glugganna
sem þekktust úr Windows sást
á skjánum litskrúðugt herbergi í
teiknimyndastíl og gegndi hver
hlutur í herberginu ákveðnu
hlutverki. Alltaf var notendum svo
innan handar hjálparhella í formi
einhvers dýrs eða persónu, sem
leiðbeindi þeim um kerfið. Bob
fékk skelfilegar viðtökur, lenti í 7.
sæti á lista tímaritsins PC World
yfir verstu vörur allra tíma og var
valin versta vara áratugarins af
vefnum CNET.com.
Alltaf níu ára
Ég hef aldrei skynjað aldur-
inn og læt mér líka algerlega
á sama standa um hann. Er
ævinlega sá sami þegar ég lít
í spegilinn. Alltaf níu ára.“
GUÐMUNDUR ANDRI THORSSON
Í VIÐTALI Í TILEFNI ÞESS AÐ HANN
VARÐ FIMMTUGUR Á GAMLÁRSDAG.
Fréttablaðið 31. desember
Leikur að málinu
„Það var mjög skemmti-
legt að fá að leika sér með
tungumálið og blanda saman
dönsku og íslensku á eins vit-
lausan hátt og mögulegt var.“
CHARLOTTE BÖVING LEIKKONA UM
LEIK SINN Í SKAUPINU.
Fréttablaðið 31. desember