Fréttablaðið - 13.01.2008, Blaðsíða 11

SUNNUDAGUR 13. janúar 2008 11
Tilkynningar um
merkis atburði, stórafmæli
og útfarir má senda
á netfangið
timamot@frettabladid.is.
Auglýsingar sendist á
auglysingar@frettabladid.is
eða hringja í síma
550 5000.
Tjugondag Knut raskas julen ut
segja Svíar því þótt í flestum lönd-
um ljúki jólunum á þrettándanum
þá halda þau áfram einni viku leng-
ur í Svíþjóð, Finnlandi og hluta af
Noregi, eða til 13. janúar.
Ástæðan er sú að ofantaldar þjóð-
ir halda upp á nafnadaga og 7. jan-
úar, sá næsti á eftir þrettánda-
degi jóla var lengst af nafnadagur
Knúts. Á 17. öld færðist hann á 13.
janúar og þar sem hendingar eins
og Knut kör julen ut og fleiri slík-
ar sem tilheyrðu þeim degi sátu
svo fast í þjóðarsálinni þá færð-
ust jólalokin með Knútsdeginum
til 13. janúar.
Lúsíudagurinn markar hins
vegar upphafið á jólunum, eða að-
ventunni hjá mörgum á þessum
slóðum en sá dagur er 13. desem-
ber og má því nánast segja að jólin
vari í heilan mánuð! En Lúsíudag-
urinn ber nafn sitt í höfuð á ljós-
dýrlinginum Lúsíu sem er vernd-
ari blindra og sjónskertra. Hún
birtist með ljóskrans á höfði ásamt
þernum sínum þennan dag, syng-
ur lög Lúsíu og býður brauð sem
táknar sól og yl á þessum skammd-
egisdögum á norðurhveli jarðar.
Jólin framlengd
í Skandinavíu
JÓLATRÉN fá að vera lengur í stofum í
Svíþjóð, Finnlandi og hluta Noregs en
annars staðar í heiminum.
Um þessar mundir vinnur ferða-
máladeild Háskólans á Hólum að
skipulagningu náms á sviði nátt-
úru- og ævintýratengdrar ferða-
þjónustu á Grænlandi.
Forsvarsmenn ferðaþjónustufyr-
irtækja og atvinnuþróunarfull-
trúar í Suður-Grænlandi (Qaqort-
oq Development Group) segja
mikla möguleika í ferðaþjónustu á
þessum slóðum en segja tilfinnan-
legan skortur á menntuðu fólki á
Grænlandi í greininni.
Baldvin Kristjánsson, leiðsögu-
maður í Suður-Grænlandi, og Tina
Jensen, atvinnuþróunarfulltrúi
Qaqortoq, hafa verið í forsvari
heimamanna fyrir uppbyggingu
ferðaþjónustunámsins. Þau hrif-
ust af starfseminni á Hólum og því
námi sem boðið er þar og sáu að
svipað nám myndi mjög vel henta
hjá þeim. Guðrún Þóra Gunnars-
dóttir deildarstjóri ásamt Ingi-
björgu Sigurðardóttur lektor hafa
unnið við verkefnið fyrir hönd
Hóla og voru nýverið á Grænlandi
við undirbúning. Áætlað er að
námið hefjist haustið 2008.
Ferðamáladeild Hólaskóla býður
upp á háskólanám í ferðamála-
fræði með áherslu á náttúru og
menningu, annars vegar diploma-
nám sem er eitt ár og hins vegar til
B.A. gráðu sem eru 3 ár.
Meginmarkmið ferðmáladeildar
er að afla og miðla þekkingu um
ferðamál, til að auka fagmennsku,
nýsköpun og tryggja sjálfbæra
uppbyggingu ferðaþjónustu á Ís-
landi að því er kemur fram á
heimasíðu skólans. Stefnt er að
mæta þessum markmiðum með
kennslu, rannsóknum og þróun-
arverkefnum í víðtæku samstarfi
við atvinnu- og fræðasamfélagið
innan lands sem utan. Allar nánari
upplýsingar er að finna á: www.
holar.is
Hólar með útibú á Grænlandi
ANDSTÆÐUR Grænland býður upp á
margar heillandi slóðir sem hægt er að
bjóða erlendum ferðamönnum.
www.neytendastofa.is
Komdu hreyfingu á hlutina
Ábending með einum smelli
Neytendum eru tryggð margvísleg réttindi í lögum.
Hlutverk Neytendastofu er að tryggja að réttindi neytenda séu virt og stuðla
að bættum hag þeirra.
Með samstilltu átaki geta neytendur haft áhrif á að leikreglum sé fram-
fylgt. Vissir þú að það hefur aldrei verið auðveldara en núna?
Á vef Neytendastofu finnur þú leið til þess: Rafræn Neytendastofa er
þjónustugátt sem öllum stendur opin, alltaf.
Þar getur þú komið á framfæri ábendingum án fyrirhafnar, með skráningu
eða nafnlaust – um það sem vel er gert eða betur mætti fara.
Bætt neytendavernd er hagur allra. Ábending frá þér getur komið
hreyfingu á hlutina!