Fréttablaðið - 15.01.2008, Blaðsíða 10

10 15. janúar 2008 ÞRIÐJUDAGUR
UMHVERFISMÁL Heilbrigðiseftir litið
stöðvaði vinnu við frárennslislögn
frá Einingaverksmiðjunni Borg
og út í sjó á Kársnesi. Engin heim-
ild var fyrir lögninni.
„Það var tiltekt á planinu og
þetta átti að vera svo rosalega fínt
hjá strákunum og þeir grófu
þennan skurð sen þeir áttu náttúr-
lega ekkert að gera,“ segir Þór-
hallur Barði Kárason, einn eig-
enda Borgar, sem beðið hefur
bæjaryfirvöld afsökunar og fyllt í
skurðinn. „Það safnast fyrir vatn
hérna á planinu og það átti að
keyra vatnið undir vegstæðið í
staðinn fyrir að það færi yfir það.
En það verður þá bara að vera
pollur,“ segir Þórhallur.
Kópavogshöfn kvartaði undan
Borg hinn 9. janúar síðastliðinn til
heilbrigðiseftirlitsins, sem sendi
mann á staðinn.
„Krafa er gerð til fyrirtækisins
að umræddar framkvæmdir verði
stöðvaðar nú þegar þar sem öll
fráveita í höfnina er háð tilskild-
um leyfum,“ skrifar heilbrigðis-
eftirlitið til Borgar.
Kópavogsbær hefur gefið Borg
frest til næstu mánaðamóta til að
rýma svæði sem fyrirtækið fékk í
fyrrasumar til afnota til bráða-
birgða utan sinnar eigin lóðar.
Samkvæmt bréfi Kópavogsbæjar
til Borgar verður umrætt svæði
girt og tekið í notkun sem toll-
svæði í næsta mánuði.
Þórhallur segir að eigendur
Borgar hafi vitað í hvað stefndi og
að þessi ákvörðun Kópavogsbæjar
valdi fyrirtækinu ekki óþægind-
um. „Við erum að leigja land undir
þetta í Hafnarfirði,“ segir hann.
Kvartað hefur verið undan
óþrifnaði frá steypustöð Borgar
sem nú hefur lofað að færa sem
mest af starfseminni frá suður-
enda lóðarinnar til að lágmarka
óþægindi fyrir nágrannana.
Ágreiningur er milli Borgar og
Kópavogsbæjar um það hvort
fyrir tækinu sé heimilt að reka
steypustöð. Borg, sem telur sig
hafa slíka heimild meðfram leyfi
til reksturs steypueiningaverk-
smiðju, hefur nú sótt um sérstakt
leyfi fyrir steypustöðinni og bíður
það erindi afgreiðslu hjá bygg-
ingar nefnd Kópavogs.
gar@frettabladid.is
Gerðu fráveitu-
lögn í óleyfi
frá steypustöð
Einingaverksmiðjan Borg hefur beðist afsökunar og
fyllt upp í frárennslisskurð sem grafinn var í óleyfi.
Borg fær frest til mánaðamóta til að rýma svæði
sem fyrirtækið fékk til bráðabirgða.
BORG Einingaverksmiðjan Borg er
umdeild í Kópavogi. FRÉTTABLAÐIÐ/VILHELM
SKURÐURINN Komið hafði verið fyrir niðurfalli og grafinn fráveituskurður frá plani
steypueiningaverksmiðjunnar Borgar þegar heilbrigðiseftirlitið skarst í leikinn.
MYND/HEILBRIGÐISEFTIRLITIÐ
NORÐURLÖND Desembermánuður
hefur verið óvenjuheitur á norður-
slóðum. Í Lapplandi var meðal-
hitastigið 3-4 gráður og almennt
séð var upp undir níu stigum
hlýrra í norðurhluta Finnlands en
langtímameðaltalið segir til um,
að sögn finnska dagblaðsins
Hufvudstadsbladet.
Í Ivalo í Lapplandi var hitastigið
hæst 7,4 gráður sem er met á
þessum stað á þessum árstíma. Að
sögn finnsku veðurstofunnar
hefur aðeins fjórum sinnum verið
svo hlýtt í Sodankylä í Lapplandi
síðustu hundrað árin. Úr koman
var einnig meiri en venjulega í
Lapplandi og þá fyrst og fremst
sem rigning. Í byrjun desember
var snjór um næstum allt Finn-
land en síðan hlýnaði í veðri.
Í Norður-Noregi var desember-
mánuður 2007 næstheitasti desem-
bermánuður frá árinu 1900, segir á
fréttavef norska dagblaðsins Aften-
posten. Hitastigið var almennt
óvenjuhátt í Noregi í fyrra og á
Svalbarða var mun heitara en
venjulega.
Í Osló var hitastigið 5,9 gráðum
hærra en meðaltalið frá árinu
1900. Aðeins árið 1967 var heitara
í desember en þá var 6,2 gráðum
heitara í desember en 30 ára með-
altalið segir til um. Í Osló var
einni og hálfri gráðu heitara en
venjulega í desember 2007.
Margar norskar veður -
athugunar stöðvar skráðu úrkomu-
met í desember. - ghs
Breytingar á veðurfari á Norðurlöndum:
Óvenjuhlýtt á norður-
slóðum í desember
Á FLEYGIFERÐ Japanskar konur fórna
höndum í rússíbanaferð þegar farar-
tækið tekur eina dýfuna. Konurnar eru
klæddar í kimono, sem er japanskur
þjóðbúningur, í tilefni af hátíðarhöld-
um sem marka inngöngu þeirra í full-
orðinna manna tölu við tvítugsaldur.
NORDICPHOTOS/AFP
NEYTENDAMÁL Kærunefnd lausafjár- og
þjónustukaupa hefur komist að þeirri
niðurstöðu að Ikea beri að leggja til nýjar
klæðningar á veggskápa í eldhúsinnréttingu,
hurðir og framhliðar á skúffum og skápum og
gufuvarnarlista fyrir uppþvottavél. Hluta af
nýju hlutunum beri eiganda innréttingarinnar
að greiða að hálfu.
Málavextir eru þeir að Guðjón Einarsson
keypti hvítsprautaða eldhúsinnréttingu hjá
Ikea í nóvember 2002. Í desember 2006
kvartaði hann við Ikea og vildi rifta kaupunum
og fá nýja innréttingu í stað þeirrar sem hann
keypti. Tíu ára ábyrgð var á innréttingunni.
Í rökstuðningi Guðjóns segir að innréttingin
hafi elst hratt og fljótlega hafi hún orðið mött,
skýjuð eða flekkótt. Málning hafi flagnað af
köntum. Þá sé hún gróft sprautuð á mörgum
áberandi stöðum. Vitnað er í húsasmíðameist-
ara sem hafi séð greinilegan litamismun, þá
hafi málning máðst af hlutum og verði
einhverjum þeirra skipt út muni litamunur
alltaf sjást. Þá kemur fram að áberandi
litamismunur hafi verið á nýrri skúffufram-
hlið miðað við innréttinguna. Ikea telur
hinsvegar lélegri umgengni um að kenna.
Ekkert sé óeðlilegt við litamun.
Í álitsorði nefndarinnar kemur fram að
seljandi eigi rétt til úrbóta. Ikea beri að setja
upp nýja hluti en vilji eigandinn það ekki skuli
hann sjálfur sjá um það á sinn kostnað. Báðir
aðilar ætla að hlíta álitinu. Þórarinn Ævarsson,
framkvæmdastjóri Ikea, kveðst samt vera
ósáttur við það, litamunur hafi til dæmis ekki
sést þegar fulltrúi nefndarinnar skoðaði og það
sé Ikea í hag en ekki sé tekið tillit til þess. - ghs
Kærunefnd lausafjár- og þjónustukaupa með álit um eldhúsinnréttingu:
Ikea leggi til nýja hluti í innréttingu
ELDIST HRATT Hvítsprautuð eldhúsinnrétting, sem
keypt var hjá Ikea, eltist hratt. Tíu ára ábyrgð var á
henni. Ikea á að endurnýja hana og eigandi tekur þátt í
kostnaði að hluta.
SVEITARSTJÓRNIR Bæjarráð
Mosfellsbæjar hafnar ósk Glúms
Baldvinssonar um að bærinn
leggi þróunar- og
mannúðarsamtök-
unum IceAid til
starfsmann í hálfu
starfi og skrifstofu
með tölvu og síma.
Glúmur segist í
bréfi til bæjarstjór-
ans hafa stofnað
IceAid árið 2005.
Samtökin hafi
þegar reist
munaðarleysingjahæli í Líberíu
og sinni nú verkefni varðandi
lyfjaframleiðslu fyrir sjúka í
Tansaníu. Meðal ærinna verkefna
fram undan sé að útvega Afríku-
búum gervifætur og dreifa
einnota sprautum til heilbrigðis-
stofnana. - gar
Mannúðarsamtökin IceAid:
Hvorki skrifstofa
né starfsmaður
GLÚMUR
BALDVINSSON
RV Unique örtrefjaræstikerfið
- hagkvæmt, vistvænt og mannvænt
Nána
ri up
plýsi
ngar

veita
sölu
men
n og

ráðg
jafar
RV
RV
U
N
IQ
U
E
10
07
06
Bodil Fur,
sölumaður hjá
RV Unique í Danmörku
UniFlex II H Fiber ræstivagn
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
HAFNFIRÐINGAR!
TIL HAMINGJU