Fréttablaðið - 15.01.2008, Blaðsíða 19
[ ]Góður blýantur kemur sér oft vel við leik og störf og þá ekki síst í námi. Maður veit aldrei hvenær þörf er á að punkta eitthvað merkilegt hjá sér og þá er gott að hafa almennileg skriffæri við höndina.
Nám í Nuddskóla Íslands
er fjölbreytt og þar er tekið
fyrir allt er við kemur nuddi.
Margrét Guðmundsdóttir er
nemi við Nuddskólann og líkar
námið þar vel.
„Vanalega er nuddnámið tvær
annir eða eitt ár en ég er núna á
mínu öðru ári. Ég fékk að skipta
þessu á tvo vetur þar sem ég er
sjúkraliði og bætti þessu við þannig
að ég þurfti að taka nokkrar grein-
ar í Fjölbrautaskólanum í Ármúla,“
segir Margrét en vanalega er það
inntökuskilyrði í Nuddskóla Íslands
að nemendur hafi lokið námi af
námsbraut fyrir nuddara við Fjöl-
brautaskólann í Ármúla eða sam-
svarandi námi úr öðrum skólum.
„Í náminu er farið í svæðanudd,
shiatsu-nudd, sogæðanudd, klass-
ískt nudd, heildrænt nudd og
íþróttanudd. Þetta er heilmikið á
einum vetri þar sem skólinn er frá
fimm til níu þriðjudaga til mið-
vikudaga og svo er kennt aðra
hverja helgi og þá bætist við föstu-
dagur og laugardagur frá níu til
hálffimm,“ útskýrir Margrét
áhugasöm. Nemar útskrifast sem
nuddarar að námi loknu af nudd-
braut Fjölbrautaskólans í Ármúla í
samstarfi við Nuddskóla Íslands
og hljóta þá útskriftarheitið heilsu-
nuddari. Þá hafa nemendur lokið
bóklegum greinum af nuddbraut,
verklegum námsþáttum hjá Nudd-
skóla Íslands og starfsþjálfun á
viðurkenndum nuddstofum undir
handleiðslu viðurkennds nudd-
meistara í Félagi íslenskra heilsu-
nuddara.
„Fornámið á nuddbraut í Fjöl-
brautaskólanum í Ármúla er um
tvö ár og svo er farið í verklegt
nám í Nuddskólanum. Námið hent-
aði mér vel þar sem ég er með stórt
heimili og á fjóra stráka. Það er því
nóg að gera,“ segir Margrét kímin
og er afar ánægð með hversu vel
það fer saman að vinna við nudd og
reka heimili. „Ég fékk herbergi til
leigu í Nuddskólanum og vinn þar
á mánudögum og miðvikudögum
og aðra hverja helgi.“ Margrét er
ánægð með námið og segir að það
hafi í raun komið sér á óvart hversu
viðamikið það er. „Maður lærir svo
margt um líkamann. Vöðvafræðin
er erfið en skemmtileg og námið
mjög gefandi. Maður þarf að jarð-
tengja sig og vera meðvitaður um
að ganga ekki of nærri sér,“ segir
Margrét en það reynir vissulega á
nuddara í starfinu og því mikil-
vægt fyrir þá að huga líka að sjálf-
um sér. „Ég reyni að fara í ræktina
minnst tvisvar til þrisvar í viku og
svo fer ég sjálf í nudd. Til að geta
gefið öðrum þarf maður líka að fá
eitthvað sjálfur. Ég miða oft við um
það bil tíu nudd og þá fer ég sjálf í
nuddtíma,“ segir Margrét, sem
nýtur sín sem nuddari.
hrefna@frettabladid.is
Lærir inn á líkamann
Margrét er sjúkraliði en bætti við sig námi í Nuddskóla Íslands og líkar vel.
FRÉTTABLAÐIÐ/GVA