Fréttablaðið - 15.01.2008, Blaðsíða 12

15. janúar 2008 ÞRIÐJUDAGUR
KÓLUMBÍA, AP Eftir þriggja ára
aðskilnað fékk Clara Rojas að
faðma að sér son sinn sem hún
eignaðist meðan hún var í haldi
uppreisnarhópsins FARC í Kól-
umbíu. Barnsfaðir Rojas er úr
hópi uppreisnarmannanna.
Rojas var aðstoðarkona þáver-
andi forsetaframbjóðanda, Ingrid
Betancourt, þegar þeim var rænt
árið 2001. Árið 2004 eignaðist
Rojas soninn Emmanuel en hann
var tekinn frá henni átta mánuð-
um eftir fæðinguna. Síðar kom
bóndi drengnum í hendur félags-
málayfirvalda í Bógóta, höfuð-
borg Kólumbíu, án þess að upp-
lýsingar fylgdu með um hver
uppruni hans væri og var hann
settur á munaðarleysingjahæli.
Þar hefur hann verið undanfarin
tvö ár.
Í síðustu viku sleppti FARC
Rojas og fyrrverandi þingkon-
unni Consuelo Gonzalez. Nokkr-
um dögum áður hafði DNA-próf
leitt í ljós að drengurinn var í
raun sonur Rojas.
Rojas hefur lítið viljað gefa upp
um föður Emmanuels annað en að
hann hafi verið í hópi uppreisnar-
mannanna og að henni hafi verið
sagt að hann hefði látist. Hún
vissi ekki hvort hann hefði fengið
að vita að hann ætti son.
Emmanuel mun búa hjá móður
sinni meðan verið er að ganga frá
pappírum um að hann verði varan-
lega í hennar umsjá. - sdg
Meðan Clara Rojas var gísl FARC eignaðist hún barn sem var tekið af henni:
Endurheimti son sinn eftir þrjú ár
MÆÐGININ SAMEINUÐ Á NÝ Clara Rojas
faðmaði son sinn að sér þegar hún hitti
hann á munaðarleysingjahælinu.
FRÉTTABLAÐIÐ/AP
SVEITARFÉLÖG Leikskólagjöld hækk-
uðu um 3,5 prósent í Hafnarfirði
um síðustu áramót. Systkina-
afsláttur hélst hins vegar óbreytt-
ur. Gjöld vegna heilsdagsskóla
hækkuðu um fjögur prósent frá
sama tíma. Verð á hádegismat í
grunnskólum bæjarins hækkar
um 3,5 prósent frá næstu mánaða-
mótum.
Leikskólagjöld lækkuðu úr 2.100
krónum á klukkustund í 1.788
krónur í Kópavogi um áramótin.
Mánaðargjald fyrir átta stunda
vistun á dag lækkar því úr 16.800
krónum í 14.300 krónur á mánuði.
Forgangsgjald lækkar en fæðis-
gjald hækkar um fimm prósent.
Heimgreiðslur til foreldra hækka
um 5.000 krónur á barn á mánuði
og fara úr 30 þúsund krónum í
35.000. Niðurgreiðsla á íþrótta- og
tómstundaiðkun hækkaði um 5.000
krónur í Kópavogi.
Á Akureyri hækkaði verð á fullu
fæði á leikskólum um fjögur pró-
sent milli ára og varð 5.127 krónur
frá 1. janúar. Fæði í grunnskólum
hækkaði um sjö prósent og kostar
máltíð í áskrift nú 274 krónur.
Gjöld í tónlistarskóla hækkuðu
um fjögur prósent og gjaldskrá
heimaþjónustu hækkaði um 8,5
prósent. Í Reykjanesbæ hækkuðu
leikskólagjöld um 2,5 prósent,
fóru úr 2.160 í 2.200 krónur. Matur
á leikskólum hækkaði í verði um
2,5 prósent og verð á skólamáltíð-
um hækkaði um fimm krónur mál-
tíðin. Grunnnám í tónlist hækkaði
í verði í Reykjanesbæ.
Í Reykjavík hækkuðu leikskóla-
gjöld um 2,5 prósent frá áramót-
um, að sögn Sigrúnar Elsu Smára-
dóttur, formanns Leikskólaráðs.
Þar með hækkaði matarverð á
leikskólum einnig. Vistunargjöld
og síðdegishressing á frístunda-
heimilum og í frístundaklúbbum
hækkaði um 2,5 prósent.
„Í raun er þetta lækkun því að
verðbólgan hefur verið mun
meiri,“ segir Sigrún Elsa.
Niðurgreiðsla til íþrótta- og
æskulýðsstarfs í Reykjavík rúm-
lega tvöfaldaðist í ársbyrjun, fór
úr 12.000 í 25.000 krónur og fer í
40.000 um næstu áramót. Niður-
greiðslan gildir fyrir börn og ungl-
inga fram að 18 ára aldri. Sigrún
Elsa bendir á að borgaryfirvöld
styrki líka íþróttafélögin, einstaka
klúbba, skátafélög og alls kyns
æskulýðsstarfsemi aðra.
Í Garðabæ hækkuðu niður-
greiðslur vegna íþrótta- og æsku-
lýðsstarfs í 25 þúsund og gilda til
18 ára aldurs. ghs@frettabladid.is
Leikskólagjöld
voru lækkuð
í Kópavogi
Leikskólagjöld hækkuðu í Hafnarfirði, Reykjavík og
í Reykjanesbæ en lækkuðu í Kópavogi. Verð á mat
hækkaði á leikskólum víða. Raunlækkun, að mati
formanns Leikskólaráðs í Reykjavík.
LEIKSKÓLAMATUR HÆKKAR Í VERÐI Foreldrar leikskólabarna í Hafnarfirði, Reykjavík
og Reykjanesbæ greiða hærra verð fyrir leikskólavistunina frá áramótum en í Kópa-
vogi lækkar gjaldið ef matarverð er ekki tekið með í reikninginn. Verð á leikskólamat
hækkar í Kópavogi eins og svo víða. Myndin er úr safni. FRÉTTABLAÐIÐ/ÚR SAFNI
BELGÍA, AP Utanríkisráðherra
Belgíu, Karel de Gucht, hefur
uppálagt utanríkisþjónustu
landsins að gera átak í því að
upplýsa umheiminn um að
belgíska ríkið sé ekki í þann
mund að sundrast.
Að systurflokkum úr hinum
flæmska norðurhluta og frönsku-
mælandi suðurhluta landsins
skyldi ekki takast að mynda
ríkisstjórn eftir kosningar snemm-
sumars í fyrra vakti upp vanga-
veltur innan sem utan Belgíu um
að í klofning landsins stefndi.
Í desember var samið um
bráðabirgðastjórn undir forystu
Guy Verhofstadt. Sú stjórn hefur
hins vegar aðeins umboð til starfa
fram í mars. Þá er ætlast til að
flokkarnir sem fengu þingmeiri-
hluta verði búnir að leysa
ágreining sinn. - aa
Stjórnmálakreppan í Belgíu:
Ímyndarherferð
fyrirskipuð
107 REYKJAVÍK!
TIL HAMINGJU
HELLU-
BÚAR!
TIL HAMINGJU