Fréttablaðið - 15.01.2008, Blaðsíða 42
26 15. janúar 2008 ÞRIÐJUDAGUR
sport@frettabladid.is
HORNFIRÐ-
INGAR!
TIL HAMINGJU
ÁRMÚLA 11 | Sími 568-1500 | Lónsbakka | Sími 461-1070 | www.thor.is
Demants ...
... kjarnaborar: 42 - 400 mm
... slípibollar: 125 og 180 mm
... sagarblöð: 125 - 800 mm
Gæði og gott verð.
Arnór Atlason dró sig endanlega út úr íslenska landsliðshópnum í
gær. Hann er meiddur á liðþófa og þess utan er hann með trosnað
liðband. Það er því ekkert annað í stöðunni hjá honum en að fara í
aðgerð. Arnór hélt utan í morgun til Danmerkur þar sem hann
mun fá bót meina sinna.
„Þetta er alveg hrikalega svekkjandi og í raun alveg ferlegt.
Það fyrsta sem ég hugsaði var að ég verð á flugvellinum með
strákunum þegar þeir fara til Noregs en ég til Danmerkur. Það
verður mjög erfitt að kveðja þá og sjá á eftir þeim í vélina
til Noregs,“ sagði Arnór hundsvekktur við Fréttablaðið í
gær.
„Ég meiðist upprunalega í seinni leiknum við Ungverja
í lok október. Fer svo út í segulómun og annað, en þeir
sjá ekki neitt. Ég hvíli í nokkurn tíma og næ mér svona
þokkalegum. Ég byrjaði svo að spila úti og kenndi mér
einskis meins og ekki heldur á LK Cup með landsliðinu um
daginn. Svo sný ég aðeins upp á hnéð á æfingu þegar við
komum heim og þá er ég sendur aftur í myndatöku og þá
koma meiðslin í ljós. Þetta er mjög svekkjandi og sérstaklega
þar sem ef ég hefði farið í rétta meðferð strax hefði
ég verið klár í slaginn fyrir mánuði síðan,“ sagði
Arnór, sem fann sig mjög vel á LK Cup og voru menn
að binda væntingar við að hann yrði liðinu drjúgur í
Noregi.
„Það þurfti greinilega lítið til að ýfa upp meiðslin og ég er bara
það slæmur núna að ég get gleymt þessu móti, eins erfitt og það
nú er. Ég var að finna mig vel og leit björtum augum á mótið.
Var mjög bjartsýnn. Það er mjög erfitt að sætta sig við þetta
og ég átti mjög erfitt með mig á leiknum gegn Tékkum
á sunnudag,“ sagði Arnór, sem vonast til þess að
komast í aðgerð sem fyrst og hann stefnir svo á að
koma til Noregs þar sem hann getur hvatt félaga
sína til dáða.
„Draumurinn okkar var að komast í undanúrslit
og eigum við ekki bara að segja að við sjáumst í
Lillehammer þar sem undanúrslitin og úrslitin verða
spiluð,“ sagði Arnór.
ARNÓR ATLASON: FER EKKI MEÐ ÍSLENSKA HANDBOLTALANDSLIÐINU Á EM VEGNA MEIÐSLA
Verður erfitt að kveðja strákana á flugvellinum
2
DAGAR
Í EM
Í HANDBOLTA
HANDBOLTI Alfreð Gíslason var
talsvert léttari í lund í gær en eftir
leikinn á sunnudag. Hann fór eftir
leik inn í klefa og tilkynnti sínum
mönnum hverjir færu með til Nor-
egs í dag.
„Ég tek bara tvo markverði út
en Björgvin Gústavsson á að vera
klár í slaginn ef ég þarf að kalla á
hann en hann verður heima og
æfir með sínu liði. Sömu sögu er
að segja af Arnóri Gunnarssyni en
hann er líka til vara þar sem Bjarni
er ekki alveg heill,“ sagði Alfreð
en hann gerir ráð fyrir að hvíla
Sverre Jakobsson í fyrsta leikn-
um.
„Ég er mun ánægðari nú en eftir
fyrri leikinn. Það var margt
jákvætt í þessu og leikur liðsins
miklu heilsteyptari. Það er stíg-
andi í þessu og ég er sáttur við
hversu vel vörn og markvarsla
gekk í dag. Ég er svona hæfilega
bjartsýnn í dag en það er ljóst að
við verðum að bæta okkar leik
fyrir fimmtudag ef við ætlum að
vinna Svía.“ - hbg
Alfreð Gíslason landsliðsþjálfari eftir leikinn í gær:
Hæfilega bjartsýnn
HANDBOLTI Alfreð Gíslason valdi í
gær 16 manna hóp sem tekur þátt
í Evrópumótinu í Noregi sem
hefst á fimmtudaginn. Þeir
Roland Valur Eradze og Arnór
Atlason féllu úr landsliðshópnum
í gær. Roland er illa tognaður í
öxlinni og nær sér ekki í tíma.
Logi Geirsson lék ekki með í gær,
rétt eins og Einar Hólmgeirsson,
en meiðsli þeirra eru minniháttar
og þeir ættu að vera klárir í
leikinn gegn Svíum á fimmtudag.
Björgvin Páll Gústavsson,
markvörður Fram, og Arnór
Gunnarsson, hornamaður Vals,
eru varamenn komi eitthvað upp
á en Alexander Petersson hefur
verið meiddur. - hbg
EM-HÓPUR ÍSLANDS:
Birkir Ívar Guðmundsson mark
Hreiðar Guðmundsson mark
Guðjón Valur Sigurðsson vinstra horn
Hannes Jón Jónsson vinstra horn
Logi Geirsson vinstri skytta
Jaliesky Garcia vinstri skytta
Snorri Steinn Guðjónsson leikstjórn.
Ólafur Stefánsson hægri skytta
Einar Hólmgeirsson hægri skytta
Ásgeir Örn Hallgrímsson hægri skytta
Alexander Petersson hægra horn
Bjarni Fritzson hægra horn
Róbert Gunnarsson lína
Sigfús Sigurðsson lína
Vignir Svavarsson lína
Sverre Jakobsson vörn
EM-hópur Alfreðs Gíslasonar:
Roland fer ekki
með til Noregs
Ísland-Tékkland 33-28 (15-12)
Mörk Íslands (skot): Hannes Jón Jónsson 7
(8), Ólafur Stefánsson 6/1 (9/2), Guðjón Valur
Sigurðsson 6 (10/1), Róbert Gunnarsson 4 (6),
Jaliesky Garcia 4 (8), Snorri Steinn Guðjónsson
3 (7), Alexander Petersson 2 (5), Ásgeir Örn
Hallgrímsson 1 (1), Vignir Svavarsson (1).
Varin skot: Birkir Ívar Guðmundsson 10/1 (29/5,
35%), Hreiðar Guðmundsson 8 (17/2, 47%)
Hraðaupphlaup: 11 (Guðjón 4, Ólafur 3, Alexand
er 2, Róbert, Hannes) Tékkar skoruðu 9 mörk.
Fiskuð víti: 3 (Vignir 2, Róbert).
Utan vallar: 8 mínútur (Tékkar í 12 mínútur)
TÖLFRÆÐIN
> Theodór Elmar til Lyn
Landsliðsmaðurinn Theodór Elmar Bjarnason hefur
skrifað undir samning við norska úrvalsdeildarliðið
Lyn en hann hefur verið í herbúðum skoska liðsins
Glasgow Celtic undanfarið tvö og hálft tíma-
bil. Þetta kom fram á vefsíðunni
Fótbolti.net í gær. Theodór Elmar
er 21 árs og uppalinn í KR þar
sem hann lék allt þar til að hann
fór út til Skotlands. Theodór á
þrjá A-landsleiki að baki og var í
byrjunarliðinu í fyrsta landsleikn-
um undir stjórn Ólafs Jóhann-
essonar sem var gegn Dönum í
nóvember.
HANDBOLTI Strákarnir okkar
kvöddu þjóðina með stæl í gær
þegar Tékkum var rúllað upp í
Höllinni, 33-28. Leikur íslenska
liðsins var betri og heilsteyptari
en á sunnudag og það er full
ástæða til bjartsýni fyrir EM þrátt
fyrir áföll síðustu daga.
Það er óhætt að segja að fyrri
hálfleikur í gær hafi verið mun
betri en á sunnudag. Strax frá upp-
hafi var sóknarleikurinn mun hrað-
ari, ákveðnari og markvissari.
Fyrri hálfleikur var frekar
kaflaskiptur, Ísland leiddi lengst-
um en missti forskotið niður jafn-
harðan. Illa gekk eins og oft áður
að nýta sér liðsmuninn er Tékkar
fengu brottvísanir.
Það var í raun ekki fyrr en
Jaliesky Garcia Padron datt í gír-
inn sem Ísland náði þriggja marka
forskoti sem liðið hélt til hálfleiks,
en staðan var 15-12 í leikhléi.
Birkir Ívar stóð í markinu og varði
ágætlega. 5-1 vörnin með Guðjón
fremstan gekk ágætlega en Íslend-
ingar gáfu of mörg mörk með því
að vera seinir til baka.
Íslenska landsliðið byrjaði síð-
ari hálfleikinn af gríðarlegum
krafti, komst fljótt í 19-13 og
Tékkar tóku leikhlé. Þeir skoruðu í
kjölfarið þrjú mörk í röð og maður
trúði því vart að liðið ætlaði enn og
aftur að klúðra niður forystu. Þá
kom Hannes Jón Jónsson og raðaði
inn mörkum og sá til þess að for-
skotið varð aftur drjúgt. Eftir það
leit íslenska liðið aldrei til baka og
landaði öruggum sigri, 33-28.
Hreiðar kom inn í markið, stóð
sig vel líkt og Birkir en það
ánægjulegasta við síðustu leiki er
hvað „aukaleikararnir“ eru að
koma sterkir inn. Í gær voru það
Vignir og Bjarni og núna kom
Hannes sterkur inn en hann átti
ótrúlega innkomu.
Ásgeir Örn er líka að leika vel
og sérstaklega gaman að sjá hann
svona öflugan í varnarleiknum
þar sem hann skilar hlutverki sínu
vel. Batamerki voru á leik Garcia
og er það vel. Breiddin er lífsnauð-
synleg ætli liðið sér að ná mark-
miðum sínum á EM.
Strákarnir fengu svo sannar-
lega byr í seglin í gær og það er
gott að fara utan með fínt sjálfs-
traust og tvo sigra í farteskinu.
Vonandi verður framhald á næst-
komandi fimmtudag er alvaran
byrjar gegn Svíum.
henry@frettabladid.is
Strákarnir okkar eru á réttri leið
Íslenska handboltalandsliðið fékk byr í seglin fyrir Noregsförina er það vann góðan fimm marka sigur á
Tékkum í Höllinni í gær í síðasta æfingaleiknum fyrir Evrópumótið. Liðið heldur utan til Noregs í dag.
LIFÐI SIG INN Í LEIKINN Alfreð Gíslason sýndi nokkur tilþrif á hliðarlínunni þó að ekki
hafi verið mikið undir í gær, svona til þess að hita líka upp fyrir EM.
FRÉTTABLAÐIÐ/VALLI
FRÁBÆR INNKOMA Hannes Jón Jónsson
kom inn í seinni hálfleik og stal senunni
en hann skoraði þá 7 mörk úr 8 skotum.
FRÉTTABLAÐIÐ/VALLI
ÞRUMUSKOT Snorri Steinn Guðjónsson skorar hér eitt af þremur mörkum sínum í gær. FRÉTTABLAÐIÐ/VALLI