Fréttablaðið - 15.01.2008, Blaðsíða 24
15. JANÚAR 2008 ÞRIÐJUDAGUR4 ● lh hestar
Feðgarnir Herbert Ólafsson
og Ásgeir Herbertsson hafa
opnað hestavörubúð á höfuð-
borgarsvæðinu.
Mikil samkeppni er á hestavöru-
markaði á höfuðborgarsvæðinu.
Reiðtygja- og hestavöruframleið-
andinn Top Reiter opnaði nýja
smásöluverslun í Ögurhvarfi 4
í desember og nú eru starfandi
fimm hestavörubúðir í Reykja-
vík.
Feðgarnir Herbert Ólason og
Ásgeir Herbertsson hafa fram-
leitt reiðtygi undir vörumerkinu
Top Reiter í 22 ár. Þeir eru báðir
búsettir í Þýskalandi en fram-
leiðslan fer nær öll fram í Pól-
landi.
Top Reiter er þekktast fyrir
hnakka og önnur reiðtygi og lík-
lega framleiða þeir meira af reið-
tygjum fyrir íslenska hesta en
nokkurt annað fyrirtæki í heim-
inum. Á síðari árum hafa þeir
feðgar bætt við fleiri vörutegund-
um í framleiðsluna, til að mynda
vönduðum reiðfatnaði.
„Við töldum að það væri pláss
fyrir okkur hérna heima,“ segir
Ásgeir. „Það gefur auga leið að
það vantaði ekki nýja verslun á
þennan markað, en við teljum að
okkar vörur eigi fullt erindi.
Við höfum lagt áherslu á það
síðari ár að auka gæði framleiðsl-
unnar en halda verðinu niðri eins
og kostur er.
Við kaupum nær allt leður af
þekktum framleiðendum í Þýska-
landi og Bretlandi. Efni í reiðfatn-
aðinn kaupum við meðal annars
frá Scholler í Austurríki, svokall-
að Softshell, sem er frábært efni
í reiðbuxur og annan reiðfatnað.
Það er mjög létt, hrindir frá sér
vatni og óhreinindi tolla illa við
það.
Einnig erum við með áspenntu
hlífarnar okkar í stöðugri þróun
og erum komnir með frábært efni,
sem bæði er níðsterkt og situr
mjög vel. En við erum með mörg
fleiri vörumerki en okkar eigin.
En aðalmarkmið okkar er að selja
gæðavöru á sanngjörnu verði.“
Framkvæmdir eru hafnar á
reiðhöll á Flúðum sem mun
rúma 150 manns í áhorfenda-
bekki.
Fyrsta skóflustungan að reiðhöll
á Flúðum var tekin hinn 6. jan-
úar. Reiðhöllin er á svokölluðum
Lambatanga, sem er skammt frá
verksmiðju Límtrés. Reiðhöllin er
22 sinnum 50 metrar að flatarmáli
og áhorfendabekkir verða fyrir
150 manns. Einnig verður í höllinni
hesthús fyrir um tíu til tólf hesta
og félagsaðstaða á efri hæð. Gert
er ráð fyrir löglegum keppnisvelli
með beinni braut við reiðhöllina
ásamt æfingavelli. Það er því ljóst
að hér er um mikið framfaraskref
að ræða fyrir Smárafélaga og aðra
hestamenn á svæðinu.
Að byggingunni standa Hesta-
mannafélagið Smári, Hrossarækt-
arfélag Hrunamanna og Búnað-
arfélag Hrunamanna ásamt sveit-
arfélögum Hreppa og Skeiða. Um
verkið sjá Límtré og Yleiningar
ásamt Gröfutækni ehf. sem sér um
jarðvinnu. Þorsteinn Loftsson húsa-
smíðameistari mun sjá um vinnu
við sökkla og aðra steypuvinnu.
Bjarni Þór Sigurðsson verslunarmaður og Ásgeir Herbertsson í hinni nýju verslun Top
Reiter í Ögurhvarfi 4. MYND/JENS EINARSSON
Orðið gan er notað um hesta sem
eru ofreistir, með „snoppuna upp í
loftið“. Slíkur höfuðburður á hesti er
orðinn sjaldgæfur samhliða fram-
förum í tamningu og þjálfun. Í ís-
lenskri orðabók merkir gan flan
eða æðibunugangur. Er það ná-
skylt kvenkynsorðinu gönur, sem
merkir afskeiðisflan, villigötur
eða ógöngur; að láta hlaupa með
sig í gönur. Að hugtakið hafi verið
yfirfært á hesta í áðurnefndu sam-
hengi er líklegast vegna þess að
þegar hross hlaupa „gönuhlaup“
frjáls í náttúrunni, óttaslegin í æði-
bunugangi, reisa þau gjarnan háls-
inn og teygja höfuðið upp og fram
(gana), meðal annars til að sjá og
heyra betur.
Orðið yfirlína er ekki til í íslenskri
orðabók, en er notað yfir tiltölulega
nýtt hugtak í hestamennsku. Þegar
talað er um yfirlínu hests er átt við
form hestsins: frá lend, um bak,
makka, og fram á snoppu; hvernig
hann ber eigin þunga og knap-
ans uppi. Talað er um að hestur hafi
sterka yfirlínu þegar hann er orð-
inn það þjálfaður að hann getur
lækkað lendina með því að færa
meiri þunga á afturfætur og kreppt
þá um hækilinn, spennt bak- og
kviðvöðva og haldið bakinu uppi
(og látið það fjaðra undir knapan-
um), hvelft makkann og lyft fram-
hlutanum (gengið upp í herðum
og aukið hreyfingar framfóta).
Burður er tískuorð í hestamennsk-
unni. Sagt er að hestur sé kominn í
burð. Er þá átt við að hann sé orð-
inn nægilega þjálfaður til að forma
sterka yfirlínu. Í hefðbundinni
merkingunni er orðið burður oftast
notað um að bera eitthvað: Þetta
er mikill burður. Burðardýr hefur
bæði gamla og nýja merkingu.
Hestburður er það magn sem einn
hestur getur borið (af heyi, koff-
ortum, og svo framvegis). Burður
á líka við um það þegar spendýr
(mörg hver, kvendýr) fæða af sér af-
kvæmi: sauðburður, Krists burð-
ur. Orðið er einnig notað í fleir-
tölu: Að hafa burði (til að bera
mikið). Hestamenn hafa hins vegar
fært orðið í eintölu til að túlka um-
rætt hugtak og hljóma setning-
arnar gjarnan á þessa leið: Hann er
bara ekki kominn í neinn burð, eða:
Hann er kominn í svo ofboðs-
legan burð. Væri kannski réttara
að segja: Hesturinn hefur enga
burði..., eða, hesturinn hefur
burði...?
Ferskir vindar blása nú hjá Hesta-
mannafélaginu Stormi á Vest-
fjörðum. Félagið vígði nýja reið-
höll í mars síðastliðnum, en það er
fyrsta reiðhöllin í „reiðhallarverk-
efni Guðna Ágústssonar“, sem
tekin var í notkun. Höllin var reist
á félagssvæði Storms, á Söndum í
Dýrafirði, sem er í um fimm mín-
útna akstri frá Þingeyri.
„Reiðhöllin hefur blásið nýju
lífi í félagslífið, á því leikur eng-
inn vafi,“ segir Sigþór Gunnars-
son, formaður Storms. „Aðstaða
sem þessi gjörbreytir öllu lands-
lagi í félagsstarfi þar sem iðkun
áhugamálsins er eins háð veðri
og vindum og raunin er í hesta-
mennskunni. Nú er loks hægt að
setja upp dagskrá sem er nokk-
uð öruggt að stenst. Við höfum
þegar haldið nokkur reiðnámskeið
í reiðhöllinni og önnur eru á dag-
skrá í vetur. Einnig er á dagskrá
að halda þar mót og sýningar, sem
er vel framkvæmanlegt, því höllin
er 20 sinnum 40 metrar að flatar-
máli, jafn stór og tamningagerði.“
Um áttatíu félagsmenn eru nú
í Stormi og eru þeir dreifðir um
Vestfirði, flestir á Bolungarvík en
líka á Tálknafirði, í Arnarfirði, á
Flateyri, Suðureyri og Þingeyri.
Ferskir vindar í Stormi
Ungir Stormsfélagar á reiðnámskeiði í nýju reiðhöllinni á Söndum.
MYND/SIGÞÓR GUNNARSSON
Heiðursfélagar Hestamannafélagsins Smára tóku fyrstu skóflustunguna að reiðhöllinni. Frá vinstri: Jóhanna Bríet Ingólfsdóttir,
Haraldur Sveinsson, Rosemarie Þorleifsdóttir, Þorsteinn Vigfússon og Magnús Gunnlaugsson. MYND/SIGURÐUR SIGMUNDSSON
Reiðhöll rís á Flúðum
Top Reiter opnar verslun
Hafrar & bygg