Fréttablaðið - 15.01.2008, Blaðsíða 21

ÍÞRÓTT • MENNING • LÍFSSTÍLL
lh hestar
Hestamiðstöðin á Grænhóli í
Ölfusi er án efa ein sú glæsileg-
asta á landinu. Hún var vígð með
pompi og prakt laugardaginn 29.
janúar síðastliðinn að viðstöddu
fjölmenni.
Gunnar Arnarson og Krist-
björg Eyvindsdóttir létu til skar-
ar skríða á síðastliðnu ári og
reistu glæsilega reiðhöll á búi
sínu á Grænhóli í Ölfusi. Einnig
stækkuðu þau hesthúsið og nú
er hægt að hafa fjörutíu hross
á járnum á Grænhóli, þar af
tuttugu stóðhesta.
Fyrir þá sem ekki til þekkja
er rétt að geta þess að hross fjöl-
skyldunnar eru kennd við Auðs-
holtshjáleigu í sömu sveit, en
sú jörð er einnig í þeirra eigu.
Hrossaræktarbúið Auðsholtshjá-
leiga hefur átta sinnum verið til-
nefnt til ræktunarverðlauna árs-
ins og þrisvar hlotið þann titil.
Nýja reiðhöllin er límtréshús
frá BM Vallá, klætt með hvítum
yleiningum. Þessi hús eru mjög
björt og hlýleg. Gólfflöturinn
er 20 sinnum 50 metrar og lítil
áhorfendastúka í öðrum enda
hallarinnar.
„Þetta mun gjörbreyta vinnu-
aðstöðunni,“ segir Gunnar.
„Þetta þýðir einfaldlega að það
er hægt að taka upp reglulegan
vinnutíma, óháð veðri og vind-
um. Það næst ekki sambærileg-
ur árangur í tamningum þegar
vinna þarf utan dyra í misjöfn-
um veðrum, til dæmis eins og
tíðin er búin að vera í haust, rok
og rigning flesta daga.“ Fram-
kvæmdir við reiðhöllina á Græn-
hóli hófust í apríl á síðasta ári og
ljóst að ekki hefur verið slegið
slöku við. Gunnar segir kostnað-
inn viðráðan legan. „Við höfum
verið heppin. Hrossin hafa byggt
þetta yfir sig sjálf.“
Þórdís Erla og Eyvindur Hrannar, Gunnarsbörn, vígðu höllina á glæstum gæðingum.
Hér eru þau ásamt foreldrum sínum, Gunnari og Kristbjörgu. MYND/JENS EINARSSON
Glæsileg reiðhöll á Grænhóli
Hin danska Samantha Leidesdorff
setti heimsmet í 150 metra skeiði
á Mondrian vom Lucahof síðast-
liðið sumar, 13,75 sekúndur. Fyrra
metið átti Guðmundur Björgvins-
son á Redda frá Lykkegarden,
13,8 sekúndur. Samantha er bú-
sett í Þýskalandi og er kona hins
kunna hestamanns og reiðtygja-
framleiðanda Herberts Ólasonar
(Kóka). Hún á að baki glæsileg-
an keppnisferil, einkum í fimm-
gangi og skeiði. Mondrian er ell-
efu vetra geldingur, undan Glitni
(Andra) frá Stóra-Hofi og Móniku
frá Keldudal. Íslandsmetið í 150
metra skeiði er 13.62 sekúndur.
Það setti Logi Laxdal á Þormóði
Ramma á Meistaramóti Andvara
2001. Svo virðist sem aldrei hafi
verið sótt um staðfestingu til FEIF
á því meti sem heimsmeti.
Heimsmet í
150 m skeiði
Óvenju margir stóðhestar
standa nú vel hvað afkvæmi
varðar.
Landsmótið 2008 verður mót af-
kvæmahesta ef fram fer sem horfir.
Að vísu er aðeins einn hestur sem
þegar hefur áunnið sér rétt til heið-
ursverðlauna fyrir afkvæmi, Kor-
mákur frá Flugumýri, sem einnig
átti þann rétt á LM2006 og er nú
með 119 stig og 61 dæmt afkvæmi.
En hvorki fleiri né færri en fimm
hestar eiga möguleika á vori kom-
anda, þar af eru fjórir synir Orra
frá Þúfu.
Heitastur er Hróður frá Refs-
stöðum, sem nú er með 125 stig í
kynbótamati og 46 dæmd afkvæmi;
hann vantar aðeins fjögur og er
hátt yfir mörkum. Roði frá Múla
er rétt yfir lágmörkum með 119
stig en vantar ekki nema fimm af-
kvæmi, á 45 dæmd. Sær frá Bakka-
koti er með 129 stig og 36 afkvæmi
og Markús frá Langholtsparti 127
stig og 37 afkvæmi. Sveinn-Herv-
ar frá Þúfu á einnig möguleika, er
með 119 stig og 36 dæmd afkvæmi.
Þá má ekki gleyma Dyn frá
Hvammi, með 118 stig og 46 dæmd
afkvæmi, en hann hefur ekki verið
sýndur til fyrstu verðlauna fyrir
afkvæmi og frekar er reiknað með
að eigendur hestsins velji þá leið
fyrst.
Sex stóðhestar hafa áunnið sér
rétt til fyrstu verðlauna fyrir af-
kvæmi eins og staðan er núna í
kynbótamatinu.
Dynur hefur verið nefndur en
síðan eru þeir Huginn frá Haga, 119
- 16, Víkingur frá Voðmúlastöðum,
118 - 36, Töfri frá Kjartansstöðum,
118 - 25, Smári frá Skagaströnd, 114
til 30, og Tývar frá Kjartansstöðum,
113 - 41. Þá eru nokkrir yngri stóð-
hestar heitir í fyrstu verðlaunin.
Aron frá Strandarhöfði er með 122
stig og 11 dæmd afkvæmi, vantar
aðeins fjögur, Þyrnir frá Þórodds-
stöðum, 117 - 19, Stæll frá Miðkoti,
117 - 13, og Asi frá Kálfholti, 112 -
30.
Landsmót afkvæmahesta
Glúmur frá Stóra-Ási, sonur Hróðurs frá Refsstöðum. Hróður hefur sannað sig sem afburða kynbótahestur. MYND/JENS EINARSSON
Samantha Leidesdorff heimsmethafi í
150 m skeiði. MYND/EIRÍKUR JÓNSSONEINARSS
Ný stjórn var kjörin á framhalds-
aðalfundi Hrossaræktarsamtaka
Austurlands á dögunum. Nýja
stjórn skipa þeir Jósef Valgarð
Þorvaldsson formaður, Gunnar
Jónsson varaformaður, Jónas
Hallgrímsson gjaldkeri, Ragnar
Magnússon ritari og Sigurhans
Jónsson meðstjórnandi. Jósef Val-
garð, eða Valli á Víðivöllum eins
og hann er kallaður, var lengst af
formaður HrAust en formanna-
skipti urðu í hittifyrra þegar Guð-
röður Ágústsson á Hryggstekk
bauð sig fram gegn honum. Á síð-
asta aðalfundi hafði Jósef Valgarð
betur með einu atkvæði.
Jósef Valgarð
formaður á ný
Magnús Kjartansson hefur tekið
að sér að stjórna Brokkkórnum
næsta eina og hálfa árið í fjarveru
Gróu Hreinsdóttur sem stjórnað
hefur kórnum um árabil. Fyrsta
æfing með Magga er annað kvöld
kl 20.00 í Fáksheimilinu. Mikil og
stór verkefni eru fram undan hjá
kórnum og má þar nefna söng
á Landsmóti hestamanna næsta
sumar. Í Brokkkórnum er hresst
fólk af báðum kynjum og á öllum
aldri, en ennþá er pláss fyrir góðar
raddir. Sjá www.123.is/brokk
Maggi Kjart-
ans stjórnar
Brokkkórnum
„Ég hefði sett Þórarin Eymunds-
son í topp tíu ef ég hefði tekið þátt
í valinu,“ segir Samúel Örn Er-
lingsson, íþróttafréttamaður með
meiru.“ Margir hestamenn voru
ósáttir við val á íþróttamanni árs-
ins og þeim finnst hestaíþrótt-
irnar fá litla athygli. Samúel Örn
bendir á að flest íþróttafólk upp-
lifi það að finnast „sín grein“ snið-
gengin. Það séu hins vegar marg-
ir að standa sig mjög vel og barátt-
an sé hörð. „Þórarinn lenti í tólfta
sæti, sem er mjög gott. Stigagjöf-
in er þess eðlis að það getur verið
tilviljun háð hvort menn lenda í
topp tíu eða fyrir utan.“
Sjá frétt á bls. 2
Hefði sett Þór-
arin í topp tíu
Íslandsmót í hestaíþróttum verð-
ur haldið í tvennu lagi á þessu
ári eins og undanfarin ár. Hesta-
mannafélagið Fákur tók að sér að
halda bæði mótin og fyrsta áætlun
var sú að halda þau á sömu helgi,
en á hvort á sínum velli. Stjórn
LH sendi fyrirspurn til Fáks og
bað um rökstuðning fyrir breyttu
fyrirkomulagi. Eftir að hafa farið
yfir málið aftur var tekin sú
ákvörðun að halda mótið í tvennu
lagi. Íslandsmót fullorðinna verð-
ur því haldið 24. til 27. júlí, eins og
til stóð, en Íslandsmót barna 14.
til 17. ágúst. Stjórn LH hefur stað-
fest beiðni frá Fáki um nýja dag-
setningu.
Íslandsmótið
í tvennu lagi
Sýningin Æskan og hesturinn er
ein stærsta og best sótta reiðhall-
arsýningin á hverju ári. Sýningin
er haldin í mars ár hvert. Að sýn-
ingunni standa hestamannafélög-
in á suðvesturhorni landsins: Máni
í Keflavík, Sörli í Hafnarfirði, Sóti
á Álftanesi, Andvari í Garðabæ,
Gustur í Kópavogi, Fákur í Reykja-
vík og Hörður í Mosfellsbæ.
Nú hefur verið gefinn út DVD-
diskur frá sýningunni 2007. Öll
sautján sýningaratriðin sem voru
á sýningunni eru á diskinum, sem
er rúmlega klukkustundar langur.
Hagnaður af sölu hans rennur til
æskulýðsstarfa félaganna. Disk-
urinn kostar þúsund krónur og
meðal annars er hægt að nálgast
hann á skrifstofu hestamannafé-
lagsins Fáks (sími 898-8445).
Æskan og
hesturinn á
DVD-disk
ÞRIÐJUDAGUR 15. JANÚAR 2008
Sjónvarpskonan
Brynja Þorgeirs
sér um Meistaradeild VÍS
BLS. 6
Samúel Örn Erlingsson.
MYND/JENS EINARSSON