Fréttablaðið - 26.01.2008, Blaðsíða 22

22 26. janúar 2008 LAUGARDAGUR
timamot@frettabladid.is
Stofnfundur Myndlistarfélagsins
verður haldinn í Deiglunni á Akureyri
klukkan 17 í dag, en á undirbúnings-
fundi í nóvember mættu þrjátíu norð-
lenskir myndlistarmenn til skrafs og
ráðagerða.
„Myndlistarfélagið hefur verið í
undirbúningi lengi, en það voru prakt-
ísk mál sem ýttu á eftir okkur núna.
Nokkrir myndlistarmenn voru í leit að
húsnæði undir vinnustofur en þeir sem
áttu húsnæði til þess arna vildu frekar
leigja félagasamtökum en einstakling-
um. Við ákváðum því að stofna félagið
strax sem sækja mun að aðild að Sam-
bandi íslenskra myndlistarmanna, en
á stofnfundinum verða drög að lögum
félagsins kynnt, kosin stjórn og rætt
um hagsmunamál myndlistarfólks,“
segir Hlynur Hallsson myndlistar-
maður sem er einn af þeim sem eru í
forsvari fyrir undirbúningshópinn.
Þegar Hlynur er spurður út í hið
gamaldags en traustvekjandi nafn
Myndlistarfélagsins segir hann félaga
þess ekki hafa viljað binda sig niður
við ákveðinn landshluta.
„Við ræddum lengi um nöfnin Mynd-
listarfélagið á Akureyri eða Norður-
lands, en á endanum fannst okkur
skemmtilegast að hafa þetta opið með
ákveðnum greini. Þannig útilokum við
ekki norðlenska myndlistarmenn með
búsetu utan Akureyrar, en við skil-
greinum okkar svæði sem allt Norður-
land, þótt við neitum auðvitað engum
um inngöngu í félagið þótt þeir séu
frá Selfossi,“ segir Hlynur sposkur og
hamingjusamur sem myndlistarmað-
ur í norðrinu.
„Það er að mörgu leyti afar gott að
vera myndlistarmaður á Akureyri, en
maður má ekki lokast inni í þessum
heimi. Það er líka nauðsynlegt að kom-
ast út fyrir og þá ekki bara til höfuð-
staðarins heldur einnig til útlanda. Við
njótum þess líka að hér er gestavinnu-
stofa þar sem erlendir listamenn koma
til mánaðardvalar og hittum þá til að
bera saman bækur, en dvölin endar
með sýningu í einu af galleríum bæj-
arins,“ segir Hlynur sem viðurkennir
að norðlensk náttúra og andrúmsloft
sé ríkuleg andagift meðlimum Mynd-
listarfélagsins.
„Það er reyndar aðeins meiri reyk-
mengun hér nyrðra en syðra, en allt í
góðu samkomulagi og hæfilegri sam-
keppni; sem betur fer enginn hasar
á milli okkar. Í félaginu verður vett-
vangur til samfunda því myndlistar-
menn vinna oftast hver í sínu horni og
bæði nauðsynlegt og gaman að koma
saman því þá verða oft til skemmti-
legar hugmyndir til að vinna úr,“ segir
Hlynur kátur og bætir við að engin
hætta verði á hugmyndastuldi manna
í millum þar sem búið sé að gera allt í
myndlist áður.
„Myndlistarfélagið verður lifandi
þrýstihópur en einnig með fyrir-
lestra, sýningar og kynningu á mynd-
list. Listalíf á Akureyri verður sífellt
blómlegra en okkur finnst að bær-
inn ætti að nýta sér það meira. Hér er
mikill áhugi á myndlist og alls opnuðu
átta sýningar hér um síðustu helgi, en
þá var Gilið troðfullt af fólki,“ segir
Hlynur og hlær að þeirri klisju að
listamenn hangi bara á kaffihúsum.
„Við erum alla vega ekki búin að
skipuleggja þaulsetu á kaffihúsum og
bara lítið brot listamanna sem gerir
það að vana sínum. Vonandi getum
við þó sett svip okkar á bæinn og sýnt
öðrum að það er ekki bara í höfuðborg-
inni sem allt gerist.“ thordis@frettabladid.is
MYNDLISTARFÉLAGIÐ: STOFNAÐ Í DEIGLUNNI Á AKUREYRI Í DAG
Selfyssingar velkomnir líka
Í MYNDLISTARFÉLAGINU Hlynur Hallsson myndlistarmaður er einn af stofnfélögum Myndlistarfélagsins en félagið verður stofnað með pompi og
prakt í Deiglunni í dag. MYND/ÞÓRIR TRYGGVASON
MERKISATBURÐIR
1340 Eðvarð III Englandskon-
ungur lýstur konungur
Frakklands.
1790 Mozart frumflytur óper-
una Cosi Fan Tutte í Vín.
1838 Tennessee-ríki bannar
áfengi fyrst Bandaríkja.
1866 Ísafjörður fær kaupstaðar-
réttindi.
1894 Hið íslenska kvenfélag
stofnað í Reykjavík.
1906 Verkamannafélagið Dags-
brún stofnað.
1940 Nasistar banna pólsk-
um gyðingum að ferðast
með lestum.
1968 Breski togarinn Kings-
ton Peridot ferst með 20
manns út af Öxarfirði.
1998 Bill Clinton neitar opin-
berlega að hafa átt í kyn-
ferðislegu sambandi við
Monicu Lewinsky.
PAUL NEWMAN LEIKARI ER 83 ÁRA
Í DAG.
„Ég get ekki lengur unnið sem
leikari á þeim styrkleika sem
ég gæti unað við. Ég er farinn
að tapa minni, missa sjálfs-
traust og allan frumleika. Því
tel ég kvikmyndaleik búið
gaman fyrir mig.“
Bandaríski stórleikarinn Paul New-
man er maðurinn á bak við Paul
Newman-poppkornsveldið. Hann
fékk Óskarsverðlaun fyrir The Color
of Money árið 1987 og heiðurs-
verðlaun Óskarsins 1986.
Það var þennan dag fyrir 53
árum að togarinn Egill rauði
strandaði við Grænuhlíð við
Ísafjarðardjúp með 34 manna
áhöfn. Togarinn hafði verið
við veiðar á Halamiðum þegar
fárviðri skall á að morgni og
sigldi beint í var við Grænuhlíð
þar sem fyrir var fjöldi togara.
Yfirmenn voru allir íslenskir en
nítján af áhöfninni Færeyingar.
Síðdegis skipaði skipstjóri einum af færeysku
hásetunum að stýra togaranum innst undir hlíð-
ina þar sem lagst skyldi við akkeri. Skömmu síðar
strandaði Egill rauði skammt frá landi og sat
þar fastur. Mikið brim gekk yfir togarann og fór
fremri hluti hans brátt á kaf. Áhöfn var öll kölluð
á stjórnpall en á leiðinni þangað hrifu brimskafl-
ar þrjá Íslendinga og einn Færeying fyrir borð. Í
kjölfarið var sent út neyðarkall
og hófu togarar í vari að leita á
strandstað. Varðskipið Ægir kom
einnig fljótlega á staðinn en eng-
inn fékk neitt að gert vegna
brims á staðnum. Þótti ljóst að
eina vonin væri að bjarga mönn-
unum úr landi og þurftu björg-
unarmenn að ganga margra
klukkustunda leið frá Hesteyri.
Eftir mikla erfiðleika tókst að
bjarga öllum úr Agli rauða nema einum sem féll
úr björgunarstól þegar verið var að ferja hann í
land.
Sama dag fórust bresku togararnir Lorella og
Rodrigo úti af Vestfjörðum með allri áhöfn, alls
40 manns. Lorella lagðist á hliðina og Rodrigo
sigldi því til hjálpar, en hafið gleypti bæði skipin
án þess að frekar spyrðist til þeirra.
ÞETTA GERÐIST 26. JANÚAR 1955
45 sjómenn drukkna á Vestfjörðum
FRÁ ÍSAFIRÐI
Japanskt talmál
verður kennt í
fyrsta sinn hjá
Málaskólanum
Lingva á næst-
unni. Í málaskól-
anum er lögð sér-
stök áhersla á að
þjálfa talmál en
kennsla í skólan-
um er hugsuð fyrir
algjöra byrjendur
í tungumálanámi.
Talmál er kennt á
öllum stigum en
ekki er þörf á að
kunna neitt áður
en menn byrja. Kennarar
beita nýstárlegum aðferð-
um til að leyfa öllum að taka
þátt í samræðum með lestri
einfaldra texta og orðalista
sem nemendur læra að nota
strax frá fyrsta tíma. Um er
að ræða kennslu fyrir alla
þá sem hafa hvorki tíma né
vilja til að þurfa
að læra alla mál-
fræði sem liggur
að baki málinu.
Í næstu viku
hefst kennsla í
japönsku sem
miðar að því að
læra að bjarga
sér á japanskri
grundu með ein-
földum setn-
ingum í dagleg-
um samskiptum
fólks. Kennsla
er þegar hafin
í spænsku, ít-
ölsku, ensku og íslensku
fyrir nýja Íslendinga, en
bráðum hefst nám í þýsku,
frönsku og einmitt jap-
önsku undir leiðsögn
Chi haru Kawai, sem er jap-
önsk en hefur verið búsett
hér á landi um nokkurra
ára skeið.
Japanska á
nokkrum vikum
CHIHARU KAWAI Kennir
Íslendingum að tala
japönsku á nokkrum
vikum.
Ferðaáætlun FÍ 2008 er
komin út. Í ferðaáætluninni
er að finna á annað hundrað
gönguferðir um náttúru Ís-
lands.
Ferðum í áætluninni er
skipt í dagsferðir, helgar-
ferðir, sumarleyfisferðir og
svo er einnig að finna jeppa-
ferðir og skíðaferðir.
Páll Guðmundsson fram-
kvæmdastjóri segir að í
ferðaáætluninni sé mikið
úrval af gönguferða, bæði
léttum gönguferðum sem
og krefjandi fjallgöngum á
hæstu tinda landsins.
Páll segir jafnframt fé-
lagið vera að auka framboð
af dagsferðum og um leið er
meira framboð af krefjandi
fjallgöngum.
Léttar gönguferðir eru
einnig í boði þannig að allir
eiga að geta fundið eitthvað
við sitt hæfi að því er fram
kemur í fréttatilkynningu
frá félaginu.
Í ferðum FÍ er að sögn
Páls ávallt lögð áhersla á
trausta og góða fararstjórn
þar sem fararstjórar félags-
ins miðla af þekkingu sinni
og reynslu, tildæmis um
sögu, menningu og náttúru
landsins. Hann segir að sem
fyrr í ferðum FÍ sé sögu
og menningu gerð góð skil
þegar gengið um ákveðið
svæði, auk þess sem þátt-
takendur séu fræddir um
náttúruna.
Hefðbundin sumarleyfis-
ferð FÍ er 4–8 daga göngu-
ferð í náttúru landsins þar
sem gist er í skálum eða
tjöldum, farangur fluttur á
milli staða og þátttakend-
ur bera léttan dagpoka með
nesti og hlífðarfatnaði.
Gönguferðir FÍ um ís-
lenskar óbyggðir njóta vax-
andi vinsælda og sífellt
fleiri sem stunda fjalla-
mennsku.
Allir eru velkomnir í ferð-
ir með FÍ en félagsmenn
njóta sérkjara. Ferðaáætl-
unni er dreift í 66.000 ein-
tökum, meðal annars í pósti
til allra félagsmanna.
Ferðaáætlunin er einnig
á heimasíðu Ferðafélagsins
www.fi.is
Ferðaáætlun
Ferðafélags Íslands
GÖNGUFERÐIR VINSÆLAR Ferðafélag Íslands býður upp á fjölda ferða
á nýbyrjuðu ári.