Fréttablaðið - 26.01.2008, Blaðsíða 27
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Atli Freyr Steinþórsson útvarpsþulur hefur náð
góðum tökum á vetrarakstri með því að nota
snör handtök og innsæi í beygjum eins og fram
kemur í eftirfarandi símaviðtali.
Atli, hvernig bíl átt þú?
„Ha? (Þögn) Hann er nú ekkert voða glæsilegur.
Þetta er smaragðsgræn Toyota Avensis sem ég
keypti í fyrra. Þá þurfti ég að skipta um bíl eftir að
hafa eyðilagt gamla bílinn minn af vangá. Það var
Volkswagen.“
Ertu tilbúinn til að tjá þig meira um það?
„Ja, ég bara kann ekki nógu mikið á bíla. Það er ekki
flóknara en það.“
Hann hefur sem sagt brætt úr sér.
„Já, vegna vanhirðu af hálfu minnar persónu.“
Það getur verið víti til varnaðar fyrir einhverja.
„Já, ég lærði það af þessu kjaftshöggi að það er
ekkert gagnslaust að fara með bíl á smurstöðvar
öðru hverju.“
Góður punktur.
„Ég yrði mjög glaður ef einhverjir værukærir
bókabéusar og menntamenn sem kunna ekkert á
vélar tækju þetta til athugunar.“
Þú ferð þá trúlega vel með þína smaragðsgrænu
Toyotu?
„Já, í kjölfar þessara hremminga hef ég ákveðið að
gera það.“
Er hún ekki mörgum góðum kostum búin?
„Jú, það vantar að vísu geislaspilara í hana. En ég er
með útvarp. Þá get ég farið á mónitorútsendingu
Rásar 1. Alltaf.“
Ertu á snjódekkjum?
„Ég er á heilsársdekkjum. Hef náð ansi mikilli leikni
í að skauta á hringtorgum og víðar svo ég veit ekki
alveg hversu mikil heilsársdekk þau eru. En þetta
hefur gengið ágætlega með snörum handtökum og
innsæi í beygjunum.“
Af hvaða árgerð er bíllinn?
„Ég er bara ekki viss.“
Spáðirðu ekkert í það þegar þú keyptir hann hvort þú
værir að kaupa nýjan eða gamlan?
„Hann er innan við tíu ára, get ég fullyrt. Meira get
ég ekki sagt þér, því miður. En ég ber fullt traust til
hans.“ gun@frettabladid.is
Innsæi í beygjunum
Atli Freyr ber fullt traust til Toyotunnar sinnar þótt hann viti ekki alveg um aldurinn. FRÉTTABLAÐIÐ/VALLI
ÍSLENSKT Í VOGUE
Kápa eftir Védísi Jónsdótt-
ur, hönnuð hjá Ístexi,
birtist á forsíðu Vogue-
knitting fyrir stuttu.
TÍSKA 4
SÓTT Á BRATTANN
Kirkjufell í Grundarfirði þykir
bratt og erfitt uppgöngu en
það er einn af áfangastöð-
um Ferðafélags Íslands á
árinu.
FERÐIR 3