Fréttablaðið - 26.01.2008, Blaðsíða 29
][ Ísveiði getur verið gaman að stunda. Þá skiptir miklu máli að vera vel útbúinn og hafa með sér það sem við á eins og íssög, veiðigræjur, hlýjan fatnað og nesti.
Ferðaáætlun Ferðafélags
Íslands 2008 er komin í dreif-
ingu. Hún vekur jákvæð við-
brögð að sögn framkvæmda-
stjórans Páls Guðmundssonar.
Úrvalið af gönguferðum er mikið
hjá Ferðafélaginu þetta ár eins og
Páll lýsir. „Við bjóðum léttar
gönguferðir en aukum líka úrvalið
af erfiðari ferðum á fjöll landsins,
Hvannadalshnjúk og Hrútfjalls-
tinda í Öræfajökli og Helgrindur
og Kirkjufell á Snæfellsnesi. Ferð-
ir fyrir fólk í góðu formi og með
fjallareynslu. Síðan verðum við
með ferðir fyrir byrjendur, meðal
annars hér í nágrenni Reykjavík-
ur, á fjöll eins og Vífilfell, Úlfars-
fell, Helgafell og Esjuna. Einnig
reynum við að ná til unglinganna
og bjóðum sérstakar ferðir fyrir
þá, til dæmis um Laugaveginn.“
Einstök ferð fyrir afa og ömmur
með barnabörnin er á dagskrá.
„Þetta er fjögurra daga ferð um
Laugaveginn þar sem sem ömmur
og afar eru með fararstjóra frá
okkur og ganga á milli skála með
barnabörnin með sér,“ segir Páll.
„Okkur finnst þetta skemmtileg
hugmynd og það verður gaman að
sjá viðbrögðin við henni.“
Hornstrandir skipa alltaf stóran
sess hjá Ferðafélaginu. „Þar leggj-
um við áherslu á söguna um byggð-
ina, búsetuna, menninguna á
Hornströndum fyrr á tímum,“
lýsir Páll. Hann nefnir líka nýj-
ungar eins og matarferðir. „Við
verðum með sérstakar ferðir þar
sem áhersla er lögð á að smakka
mat úr heimabyggð. Slík ferð er á
Snæfellsnesið. Þar verðum við
fjóra daga og heimsækjum gott
fólk í sveitinni sem opnar mat-
ar kistur sínar fyrir þátttakendum.
Bæði eyjabændur og fólk á fasta
landinu.“
gun@frettabladid.is
Kynslóðirnar saman
www.visitakureyri.is er nýr
ferða- og upplýsingavefur fyrir
Akureyri.
Nýlega kynnti Akureyrarstofa
nýjan ferða- og upplýsingavef.
Hann er á íslensku og ensku og
þar er að finna allar helstu upplýs-
ingar fyrir þá sem ferðast til bæj-
arins. Má þar nefna hótel og gisti-
staði, veitingastaði, afþreyingu og
samgöngur.
Eins og flestir Íslendingar vita
er Hlíðarfjall einn af bestu skíða-
stöðum landsins. Þar er til dæmis
boðið upp á einkakennslu á skíði
og bretti fyrir alla aldurshópa, alla
daga vikunnar. Þá þjónustu þarf
að panta með að minnsta kosti
dags fyrirvara eða í síðasta lagi
upp úr hádegi samdægurs.
Menningarlífið er fjölskrúðugt
á Akureyri allt árið og eru söfn,
sönglist og leiksýningar í boði.
Nefna má að Fló á skinni, einn vin-
sælasti og fyndnasti farsi allra
tíma, verður frumsýndur 8. febrú-
ar. Ljóst er að gríðarlegur áhugi
er á sýningunni. Þegar er uppselt
á 15 sýningar en miðasala er í full-
um gangi því bætt hefur verið inn
aukasýningum. - gun
Akureyrskur
ferðavefur
Hlíðarfjall er vetrarperla Akureyrar.
FRÉTTABLAÐIÐ/STÍGUR HELGASON
Páll Guðmundsson,
framkvæmdastjóri
Ferðafélags Íslands,
lítur bjartsýnn fram á
nýbyrjað ár.
FR
ÉTTA
B
LA
Ð
IÐ
/G
VA
KAUPMANNAHÖFN – LA VILLA
Heimagisting á besta stað í bænum.
Býður alla Íslendinga velkomna.
Geymið auglýsinguna.
www.lavilla.dk. S.0045 3297 5530. GSM. 0045 2848 8905
Fjölbreytt gisting í boði!
Vegna mikillar eftirspurnar
bjóðum við aukaferðir til Kan-
aríeyja um páskana. Í boði eru 2
ferðir, 12. mars í 17 nætur og 19.
mars í 10 nætur. Gríptu tækifærið
og tryggðu þér sæti í frábæra
páskaferð. Ath. mjög takmarkað-
ur fjöldi sæta og gistingar í boði.