Fréttablaðið - 26.01.2008, Blaðsíða 16
26. janúar 2008 LAUGARDAGUR
Grétar Rafn Steinsson varð á dögunum nýjasti
íslenski knattspyrnumaðurinn í ensku úrvalsdeild-
inni, vinsælustu deild í heimi. Grétar Rafn hefur
unnið sig upp jafnt og
þétt frá því að vera
ungur leikmaður á
Siglufirði í að spila í að
margra mati bestu og
skemmtilegustu deild í
heimi. Að baki árangri
Grétars Rafns hefur
legið gríðarleg vinna og
metnaður sem hann
hefur lagt í það að
verða atvinnumaður í
knattspyrnu í hæsta
gæðaflokki.
Grétari Rafni er lýst
sem algjörum sómaná-
unga sem láti vel til sín
taka í góðgerðarmálum
og láti öllum líða vel í
kringum sig.
Grétar Rafn er
þekktur sprelligosi
utan vallar og á það til
að hrekkja liðsfélaga
sína með óútreiknan-
legum brögðum. Í einu
af nokkrum aprílgöbb-
um Grétars Rafns tók
hann sig til og opnaði
öryggisskáp sem hafði
að geyma bíllykla
leikmanna AZ Alkmaar
og ruglaði bíllyklunum
og setti á nýjar
lyklakippur. Grétar
Rafn forðaði sér svo af
vettvangi og skildi
leikmennina eftir í
tómu rugli þannig að
hver og einn þurfti að
hafa uppi á sínum
lyklum og lyklakippum
til þess að komast
sinnar leiðar. Í annað
skipti naut hann
aðstoðar annars
leikmanns við að lyfta
blýþungum bekk sem
var á æfingasvæðinu
og færa hann í veg
fyrir bíl eins leikmanns
AZ Alkmaar, sem vissi
ekki hvaðan á sig stóð
veðrið.
Þó að stutt sé í brosið
og grínið utan vallar er
allt annað uppi á
teningnum innan vallar
hjá Grétari Rafni. Þar
stekkur honum ekki
bros og einbeiting og
óþreytandi sigurvilji
taka öll völd. Fyrrver-
andi þjálfari Grétars
Rafns lýsir honum sem
virkilega fínum strák
með gríðarlegan vilja
og mikinn metnað.
Hann hafi ekki
endilega verið besti
knattspyrnumaðurinn
þó svo að hann hafi
vissulega haft marga
kosti til að bera sem
leikmaður. Fyrst og
fremst hafi ósérhlífnin
og metnaðurinn samt
gert honum kleift að ná
þeim árangri sem hann
hefur náð og opnað
dyrnar fyrir honum að
komast þangað sem
hann er kominn á
sínum ferli.
Keppnisskap og
metnaður Grétars
Rafns einskorðast ekki
við knattspyrnuvöllinn
þar sem fyrrverandi
kennari hans lýsir
honum sem mjög
námsfúsum og
sannkölluðum fyrir-
myndarnemanda. Hann
hafi til að mynda
hafnað tilboði um að gerast atvinnumaður í Noregi á
meðan hann var í framhaldsskóla á Íslandi og borið
það fyrir sig að hann vildi klára námið fyrst.
Grétar Rafn hefur ekki látið mikið mótlæti stöðva
sig og eitt besta dæmið um það er þegar hann sleit
krossband í hné 24. júlí 2003. Grétar Rafn sneri aftur
rétt rúmu hálfu ári síðar og sautján mánuðum eftir að
hann meiddist var hann orðinn atvinnumaður í Sviss.
Þekkt er sagan af tveimur öðrum knattspyrnumönn-
um sem fóru í sams konar aðgerð á sama tíma sem
voru rétt byrjaðir að
stíga í fótinn þegar
Grétar Rafn var búinn
að reima á sig knatt-
spyrnuskóna og farinn
út á völl. Grétar Rafn
æfði þrisvar á dag, var
alltaf inni í tækjasal og
kom sér á mettíma í
gegnum ein erfiðustu
meiðsli sem íþrótta-
maður getur orðið
fyrir. Þeir sem fengu að
skoða æfingapró-
grammið hans spurðu
hann bara hreint út
hvort hann væri
klikkaður.
Enginn uppgjafar-
tónn eða væl heyrðist í
Grétari Rafni því hann
ætlaði sér alltaf að
verða fótboltamaður og
þegar hann var sextán
ára var hann staðráðinn
í að komast út sem
atvinnumaður. Hann
vissi að hann þyrfti að
fórna miklu til þess og
æfði því alltaf meira en
hinir.
Þegar Grétar kom
fyrst upp á Skaga fór
hann þangað upp á
eigin spýtur og bjó
meðal annars í bílskúr í
eitt og hálft ár, en það
hefðu fáir látið bjóða
sér. Hann var ákveðinn
í að sanna sig hjá ÍA og
þetta var eitt skref í átt
að stærri draumum.
Grétar Rafn átti alltaf
draum um að spila í
ensku úrvalsdeildinni
og hann rættist nú í
þessum mánuði þegar
hann gekk til liðs við
enska úrvalsdeildarlið-
ið Bolton. Hann er þó
sjálfur Leedsari en ekki
kom til greina að fara
þangað, þar sem Leeds
er í C-deild. Grétar
Rafn veit hvað hann vill
en hefur jafnframt
skynsemina til þess að
gera sér grein fyrir því
hvernig hann kemst
þangað. Það var
draumur hans að
komast til Englands en
þeir sem þekkja til
stráksins eru sannfærð-
ir um að hann eigi eftir
að láta fleiri drauma
sína rætast og ná enn
lengra.
Karakter Grétars
Rafns inni á velli fer
ekki á milli mála og
hann er mikill leiðtogi á
velli. Grétar Rafn þótti
alltaf góður í fótbolta
en það var fullt af
strákum sem voru
svipaðir að getu. Hann
hafði hins vegar
ódrepandi vilja og
metnað til þess að fara í
gegnum ótrúlega
erfiðar og miklar
æfingar til þess að
komast í eina eftirsótt-
ustu knattspyrnudeild í
heimi. Fyrst og fremst
er það gríðarlegur
sjálfsagi og dugnaður
sem hefur komið
honum svona langt.
Einbeitingin og
dugnaðurinn hafa gert
Grétar að fagnmanni
fram í fingurgóma. Það
er þetta einstaka
hugarfar sem hefur komið honum svona langt og það
þóttust menn sjá frá fyrstu tíð að þessi strákur yrði
einhvern tímann góður. Grétar Rafn er fyrirmynd
ungra knattspyrnumanna sem dreymir um að ná
langt í boltanum en verða jafnframt að átta sig á því
að það krefst mikillar vinnu og getu að halda sínu
striki þótt ýmislegt bjáti á.
MAÐUR VIKUNNAR
Með klikkað keppnisskap og
gríðarlegan metnað
GRÉTAR RAFN STEINSSON
ÆVIÁGRIP
Grétar Rafn Steinsson er fæddur 9. janúar 1982 á Siglufirði þar
sem hann ólst upp og átti heima þar til hann fluttist til Akra-
ness og gekk í raðir Skagamanna í júlí 1998, þá rúmlega sextán
ára gamall. Foreldrar hans eru Steinn Elmar Árnason smiður og
Guðlaug I. Guðmundsdóttir sem vinnur í banka. Grétar Rafn er
millibarn því hann á bæði eldri systur, Fanneyju, sem er þremur
árum eldri og svo yngri systur, Sigurbjörgu Hildi, sem er sex
árum yngri. Grétar gekk í Grunnskólann á Siglufirði og síðan í
Fjölbrautaskóla Vesturlands þaðan sem hann útskrifaðist sem
stúdent. Grétar Rafn giftist á síðasta ári Manúelu Ósk Harðar-
dóttur sem er einu ári yngri en hann og hann á einn fósturson,
Jóhann Grétar Árnason.
Grétar Rafn hóf knattspyrnuiðkun sína með KS á Siglufirði þar
sem að hann hóf að leika með meistaraflokki í 3. deildinni
1997 og var þá C-deildarmeistari með liðinu. Grétar Rafn fór
til ÍA sumarið eftir og lék sinn fyrsta meistaraflokksleik með
Skagamönnum vorið 2000. Sumarið eftir spilaði Grétar lykil-
hlutverk þegar Skagamenn urðu óvænt Íslandsmeistarar. Grétar
Rafn skoraði sex mörk í 18 leikjum en það mikilvægasta var
örugglega sigurmarkið sem hann skoraði á á lokamínútu leiks
liðsins við Fram í 15. umferð. Grétar Rafn lék alls 76 leiki með
Skagamönnum í efstu deild.
Grétar Rafn fór út í atvinnumennsku í ársbyrjun 2005 og samdi
við svissneska liðið Young Boys. Grétar Rafn vann sér fljótt sæti
í byrjunarliðinu og áður en árið var liðið hafði hann verið seldur
til AZ Alkmaar. Grétar Rafn var lykilmaður í liði AZ þau rúmlega
tvö tímabil sem hann lék með liðinu en enska úrvalsdeildarlið-
ið Bolton keypti hann síðan frá AZ fyrr í þessum mánuði.
Grétar Rafn hefur ekki unnið stóran titil síðan hann yfirgaf
Skagann en var ótrúlega nálægt því á síðasta tímabili með AZ,
þegar liðið missti klaufalega af hollenska meistaratitlinum á
lokasprettinum og tapaði síðan í vítaspyrnukeppni í bikarúr-
slitaleiknum.
Grétar Rafn hefur verið fastamaður í íslenska landsliðinu síð-
ustu ár, hann lék sinn fyrsta landsleik vorið 2002 og hefur alls
leikið 24 A-landsleiki og skorað í þeim 3 mörk.
VANN SÉR TIL FRÆGÐAR
Grétar Rafn Steinsson skoraði í sínum fyrsta landsleik aðeins
17 mínútum eftir að hann hafði komið inn á sem varamaður.
En það var ekki gegn hverjum sem var heldur skoraði Grétar
Rafn markið gegn Brasilíumönnum í Brasilíu eftir að hafa sýnt
sannkallaða sambatakta þegar hann einlék í gegnum brasilísku
vörnina. Þetta er eina markið sem Ísland hefur skorað gegn
fimmföldum heimsmeisturum Brasilíumanna. Brasilía vann
leikinn 6-1 og meðal markaskorara þeirra voru Kaká, Gilberto
Silva og Edilson.
Miðlun
Skeifa
n
söluskr
ifstofur16
www.r
emax.
is
Einn ö
flugas
ti faste
ignave
fur lan
dsins
Allar
fastei
gnasö
lur eru
sjálfst
ætt re
knar o
g í ein
kaeign
Fasteig
nablað
150. T
ölublað
- 6. ár
gangur
- 20. J
anúar 2
008
bls.
20ER ÞÍN ATVINNUAUGLÝSING HÉR? MEST LESNA ATVINNUBLAÐ LANDSINS
KÓPAVOGSBÆR
Arnarsmári: 564 5380 • LeikskólakennararÁlfatún: 564 6266 • Deildarstjóri – afleysing í ½ ár • LeikskólakennararBaugur, NÝR LEIKSKÓLI: 570 4350
• LeikskólakennararDalur: 554 5740 • Stuðningur/leikskólakennari/leiðbeinandi
• Matráður frá 1. febrúar 2008Efstihjalli: 554 6150 • LeikskólakennararFagrabrekka: 554 2560 • LeikskólakennariFífusalir: 570 4200 • Deildarstjóri • LeikskólakennararHvarf: 570 4900 • LeikskólakennararNúpur: 554 7020 • LeikskólakennararRjúpnahæð: 570 4240 • LeikskólakennararUrðarhóll – Heilsuleikskóli: 554 7789
• Leikskólakennarar
Nánari upplýsingar á:www.kopavogur.is og www.job.is
NÝJUSTU ÁFANGASTAÐIRNIR, SKÍÐI Í LECH, SVÖLUSTU HÓTELIN O
[ SÉRBLAÐ FRÉTTABLAÐSINS UM FERÐALÖG ]
ferðalög
NÝIR ÁFANGASTAÐIR Á NÝJU ÁRI
BORG HINS EILÍFA VORS
COCHABAMBA Í BÓLIVÍULEYNISTAÐIR
Í PARÍS, BOSTON
& SAN FRANCISCO
ÖÐRUVÍSI FERÐALÖG
OG HVERNIG Á AÐ SKIPULEGGJA ÞAU