Fréttablaðið - 29.01.2008, Blaðsíða 6

6 29. janúar 2008 ÞRIÐJUDAGUR
VINNUMARKAÐUR „Ég tel að það sé
orðin fyllsta ástæða til að tala um
þessar uppsagnir,“ segir Gísli S.
Einarsson, bæjarstjóri Akraness.
Forsvarsmenn þeirra sveitar-
félaga sem þolað hafa uppsagnir
hjá sjávarútvegsfyrirtækjum ættu
að funda á næstunni til að ræða
næstu skref, segir Gísli. Hann hefur
þegar rætt við Samband íslenskra
sveitarfélaga um að koma á slíkum
fundi.
„Það hlýtur að vera krafa sjávar-
útvegsbyggða að tekið verði heild-
stætt á þessu á landsvísu. Sveitar-
stjórnir
viðkomandi
sveitarfélaga
eiga að koma
saman og gera
mjög alvarlegar
kröfur á ríkis-
valdið að taka í
taumana,“ segir
Gísli.
Hann segir að
samkvæmt
sínum upplýsingum hafi um 540
starfsmönnum í fiskvinnslu verið
sagt upp í tengslum við niðurskurð-
inn.
„Það er mikið meira en þriðjungs
niðurskurður í þorskheimildum
gefur tilefni til. Það virðist vera
einhver bylgja hagræðingar í gangi,
sem getur ekki þýtt annað en að
mikið meira sé flutt úr landi af
óunnum fiski,“ segir Gísli.
Bæjarstjórn Akraness fundaði í
gærkvöldi ásamt forstjóra HB
Granda, þingmönnum Norðvestur-
kjördæmis og formanni Verkalýðs-
félags Akraness. Á fundinum var
rætt um þau áform stjórnar HB
Granda um að segja upp öllum
starfsmönnum landvinnslufyrir-
tækisins á Akranesi. HB Grandi
hyggst ekki draga uppsagnirnar til
baka.
Sveitarfélagið mun leggjast eins
þungt á árar og mögulegt er til að
halda vinnslu fyrirtækisins á Akra-
nesi, þó það hafi auðvitað ekki
boð vald, segir Gísli.
„Ef það er eitthvað sem við getum
liðkað fyrir fyrirtækinu erum við
tilbúnir að ræða það við þá,“ segir
Gísli.
„Í okkar tilviki er málið mjög ein-
falt,“ segir Eggert Benedikt Guð-
mundsson, forstjóri HB Granda.
Skerðing á þorskveiðiheimildum
hafi verið svipuð og það magn sem
farið hafi til fiskvinnslu á Akranesi,
og þar hafi verið eini raunhæfi
möguleikinn til að taka á móti skerð-
ingunni. brjann@frettabladid.is
Bæjarstjórinn vill að
ríkið taki í taumana
Bæjarstjóri Akraness vill fund með fulltrúum annarra sjávarbyggða vegna upp-
sagna hjá sjávarútvegsfyrirtækjum. Segir uppsagnir miklu meiri en niðurskurð-
ur á kvóta gefi tilefni til. Ekkert annað kom til greina segir forstjóri HB Granda.
UPPSAGNIR Stefnt er að því að segja upp öllu starfsfólki HB Granda á Akranesi, en
endurráða um þriðjung. Vinna gekk samt sinn vanagang í fiskvinnslunni á Akranesi í
gær. FRÉTTABLAÐIÐ/EIRÍKUR KRISTÓFERSSON
Verkalýðsfélag Akraness sakaði á
sunnudag HB Granda um að fara
ekki að lögum um hópuppsagnir. Því
hafnar Eggert Benedikt Guðmunds-
son, forstjóri HB Granda.
Hann segir að ekki sé gerð krafa
um það í lögum að samráðsferli
vegna hópuppsagna sé um 30
dagar. Krafan sé að uppsagnarfrestur
renni ekki út fyrr en 30 dögum eftir
að samráðsferlið hefjist.
Þegar komi að upplýsingagjöf
vegna hópuppsagnar sé alltaf mats-
atriði hversu langt eigi að ganga.
Ákveðnar fjárhags- og rekstrarlegar
upplýsingar hafi til að mynda ekki átt
erindi inn í þær umræður, enda við-
kvæmar upplýsingar í fyrirtæki sem
skráð sé á markað. Mat félagsins sé
að lagaskilyrði hafi verið uppfyllt.
HAFNAR ÁSÖKUNUM UM LÖGBROT
EGGERT BENEDIKT
GUÐMUNDSSON
TÉKKLAND, AP Jan Svejnar, sem
hefur boðið sig fram til forseta
Tékklands, ætlar að afsala sér
bandarískum ríkisborgararétti
sínum verði hann kjörinn í
embættið.
Svejnar, sem er prófessor í
hagfræði, fæddist í Tékkóslóvakíu
en flúði landið þegar hann var
sautján ára vegna kommúnista-
stjórnarinnar sem þá ríkti. Hann
fékk bandarískan ríkisborgararétt
árið 1981. Tuttugu árum síðar fékk
hann síðan tékkneskan ríkisborg-
ararétt. Núverandi forseti
Tékklands, Vaclav Klaus, verður
andstæðingur Svejnars í kosning-
unum sem fara fram 8. febrúar. - fb
Tékkneskur frambjóðandi:
Afsalar sér
borgararétti
STJÓRNMÁL Það er fagnaðarefni að
Tjarnarkvartettinn svokallaði skuli
sýna órofa samstöðu gagnvart þeim
sundurlausa hópi sem nú hefur
tekið við stjórnartaumunum í
ráðhúsinu, segir í ályktun félags-
fundar Vinstri grænna í Reykjavík.
Fundurinn fagnar því jafnframt
að búið sé að tryggja varðveislu
húsanna við Laugaveg 4 og 6, og að
götumynd þess hluta Laugavegar
verði varðveitt.
Málefni þeirra bygginga hafi þó
verið í ákveðnum farvegi, sem án
vafa hefði leitt til varðveislu þeirra
með hagkvæmari hætti en flaustur
nýs meirihluta hafi leitt til, segir í
ályktuninni. - bj
Félagsfundur VG í Reykjavík:
Fagna samstöðu
kvartettsins
Útafakstur í Svartárdal
Fólksbíll fór út af veginum í Svartár-
dal um klukkan ellefu í gærmorgun.
Nokkur hálka var á svæðinu en að
sögn lögreglu er vegurinn þannig að
vegfarendur þurfa að fara varlega.
Engin slys urðu á fólki.
LÖGREGLUFRÉTTIR
Bíll út af í Dölunum
Fólksbíll fór út af veginum við Fells-
enda í Dölum í gærmorgun. Nokkrar
skemmdir urðu á bílnum en slysið
mátti rekja til mikillar hálku á svæð-
inu. Engin slys urðu á fólki.
NOREGUR, AP Tuttugu og fjórir norskir djúpsjávar-
kafarar hafa kært norsk stjórnvöld fyrir mann-
réttindabrot. Kafararnir biðu allir varanlegt tjón á
heilsu sinni þegar þeir unnu að smíði fyrstu
norsku olíuborpallanna í Norðursjó á áttunda og
níunda áratug 20. aldar.
Kafararnir segja stjórnvöld hafa gerst brotleg
við Mannréttindasáttmála Sameinuðu þjóðanna
þegar þau sendu þá til vinnu á hættulega miklu
hafdýpi. Stjórnin hafi annaðhvort vitað eða átt að
vita hvaða hættur það hefði í för með sér fyrir
kafarana.
Þetta er í annað skipti sem reynt er á lagalega
ábyrgð ríkisstjórnarinnar vegna kafaranna í
borgardómi Óslóar, þar sem málið verður tekið
fyrir. Í ágúst í fyrra dæmdi dómstóllinn þremur
köfurum sem samsvarar 350 milljónum íslenskra
króna í bætur í sambærilegu máli. - gb
Tuttugu og fjórir norskir djúpsjávarkafarar kæra stjórn Noregs:
Sökuð um mannréttindabrot
NORSKUR OLÍUBORPALLUR Kafararnir 24 voru látnir vinna á
hættulega miklu dýpi. NORDICPHOTOS/AFP
PAKISTAN, AP Tugir nemenda og
kennarar voru teknir í gíslingu af
sex vopnuðum mönnum í
norðvesturhluta Pakistans í gær.
Gíslunum var öllum sleppt eftir
fimm tíma umsátur öryggissveita
við skólann.
Atburðarásin hófst með því að
sjö menn rændu heilbrigðisráðu-
naut nágrannaumdæmis ásamt
tveimur ættingjum hans. Eftir
það hófst eltingaleikur og
skotbardagi við lögreglu og
réðust mennirnir síðan inn í
skólann. Einn var skotinn af
lögreglu.
Gegn því að sleppa gíslunum
fengu mennirnir að fara frjálsir
ferða sinna. - sdg
Misheppnuð mannránstilraun:
Eltingaleik lauk
með gíslatöku
TIL BJARGAR Lögreglan mætti á bryn-
vörðum bílum að skólanum þar sem
gíslarnir voru í haldi vopnaðra manna.
FRÉTTABLAÐIÐ/AP
MÖNNUN Ástandið í starfsmanna-
málum hjá Svæðisskrifstofu mál-
efna fatlaðra í Reykjanesi hefur
verið að batna síðustu vikurnar. Í
dag vantar fólk í 22,5 stöðugildi,
eða um 7,5 prósent, en þegar
ástandið var hvað verst á síðasta
ári vantaði fólk í þrjátíu stöðu-
gildi. Fjöldi starfsmanna Svæðis-
skrifstofunnar er um 400, þar af
eru erlendir starfsmenn tæplega
fjörutíu, en stöðugildin eru 280
talsins.
Sigríður Kristjánsdóttir fram-
kvæmdastjóri segir að erfiðlega
hafi gengið að manna starfsstöðv-
arnar til langs tíma en staðan hafi
nú verið betri en um nokkuð langt
skeið. Níu umsóknir hafi borist í
síðustu viku og ástandið hafi ekki
verið jafn gott í rúmt ár. Hagur
Svæðisskrifstofunnar hafi verið
að vænkast í janúar.
„Við vonum bara að þetta sé
forsmekkurinn að því sem koma
skal en auðvitað megum við ekki
hrósa happi of snemma. Árið
2007 var okkur gríðarlega erfitt,“
segir hún. „Við höfum verið að fá
talsvert af umsóknum en það fólk
hefur ekki allt skilað sér í vinnu
til okkar.“
Jón Heiðar Ríkharðsson, fram-
kvæmdastjóri Svæðisskrifstofu
málefna fatlaðra í Reykjavík,
segir að ástandið hafi heldur
batnað síðustu vikurnar. „Staðan
er ekki orðin góð og ekki komin í
besta horf eins og var síðasta vor
en það stendur ýmislegt til bóta.
Við höfum séð breytingar frá
viku til viku eftir áramótin eftir
ládeyðuna í ráðningum kringum
jólin og fyrstu vikuna í janúar.“
- ghs
Fólk vantar enn hjá Svæðisskrifstofu málefna fatlaðra í Reykjanesi:
Vantar enn tugi starfsmanna
VONANDI FORSMEKKURINN „Við vonum
bara að þetta sé forsmekkurinn að því
sem koma skal,“ segir Sigríður Kristjáns-
son framkvæmdastjóri. FRÉTTABLAÐIÐ/GVA
Á Ísland að segja sig úr Atlants-
hafsbandalaginu (NATO)?
Já 31%
Nei 69%
SPURNING DAGSINS Í DAG:
Gekk Spaugstofan of langt
í umfjöllun sinni um Ólaf F.
Magnússon borgarstjóra á
laugardag?
Segðu skoðun þína á vísir.is
KJÖRKASSINN