Fréttablaðið - 29.01.2008, Blaðsíða 22

29. JANÚAR 2008 ÞRIÐJUDAGUR2 ● fréttablaðið ● skipulag & hönnun
Stórar tölvur og snúruflækjur eru oft til vandræða í
vinnuhorni heimilisins .
Fartölvur þurfa ekki mikla umgjörð þegar hægt er að
setjast hvar sem er með þær og vinna, en á mörgum
heimilum eru stórar turntölvur og plássfrekir skjáir til
vandræða og þurfa lausna við.
„Þetta snýst svolítið um að hafa borðplássið óskert
og það er orðið algengara að fólk sé með fleiri en einn
skjá. Við erum til dæmis með lausnir fyrir allt að níu
skjái,“ segir Eyjólfur Eyjólfsson, framkvæmdastjóri
Axis. Hann segir ýmsar lausnir vera á boðstólum til að
hreinsa upp í kringum vinnuborðið og nefnir auk skjá-
haldaranna ýmsa vasa og rennur sem hægt sé að skrúfa
undir borðin.
„Svo er mjög algengt að hengja turntölvuna undir
borðið á rennu þannig að hægt er að draga hana út og
snúa henni þegar þarf að komast til að tengja
einhverjar snúrur. Til að halda
utan um snúrurnar er
hægt að fá rennu eða
stokk sem
festur er undir
borðið og snúrurnar
lagðar í hann. Þá er gert
gat í borðið og sett lok
yfir, snúrurnar eru
svo teknar gegn-
um borðið og í
rennuna,“ segir
Eyjólfur.
Einnig er
hægt að fá eins
konar gorma
eða plaströr sem
hægt er að klemma
utan um snúrurnar
svo minna fari fyrir
þeim. - rt
Skjáhaldarar og snúrustokkar
Snúru-
stokkur
sem skrúfast undir
borðplötuna. Snúrurnar svo
lagðar í stokkinn og honum smellt upp
og lokað.
Það er ekki gott fyrir
tölvurnar að standa
í rykinu á gólfinu en
hægt er að hengja þær
upp undir borði og
draga þær út á rennu
þegar þarf að eiga
eitthvað við þær.
Til að spara borðplássið
er hægt að hengja stóra
skjái upp á stand.
Sniðugir
vasar undir pappír eða
annað smálegt sem ein-
falt er að skrúfa undir
borðplötu.
Þjónustuhönnun er samsláttur
nokkurra hönnunarsviða, þar
sem ýmsum aðferðum er beitt
til að draga gildi fyrirtækis
saman og túlka þau í heild-
rænu útliti. Sigurður Þor-
steinsson hönnuður segir að
Íslendingar séu þegar farnir að
hugsa á slíkum nótum en oft
vanti upp á baklandið.
„Þjónustuhönnun er ekki eitt af-
markað svið heldur afsprengi
nokkurra hönnunarsviða,“ útskýr-
ir Sigurður Þorsteinsson, hönnuður
og mörkunarfræðingur, en mörk-
un er þýðing á enska orðinu brand-
ing. „Þetta byrjaði með því að stór
fyrirtæki leituðu til hönnuða við
svokallað „emotional design,“ það
er hönnun sem framkallar stemn-
ingu eða tilfinningu hjá fólki.
Vegna þess hversu vel gekk fóru
menn út í „experience design“ sem
er að skapa sérstaka upplifun.
„Menn fóru að horfa á fyrir-
tæki og vörumerki sem heildstæða
mynd og stýra öllum snertiflötum
fyrir viðskiptavininn, ekki bara
útliti fyrirtækisins, heldur líka
klæðaburði og framkomu starfs-
fólksins, bæklingum og svo fram-
vegis. Þá setja fyrirtæki í samstafi
við hönnuði gildi fyrirtækisins
niður og teikna þau inn í allt heila
dæmið,“ segir Sigurður og bætir
við að bestu og verstu dæmin
um þetta séu Disney-garðarnir.
Á hinum endanum séu Chanel
og Prada, sem þyki flott á meðan
Disney er talið vera lágkúltúr, þótt
sömu grunnreglurnar séu þar að
verki.
„Apple er líka mjög gott dæmi
um þetta, þar sem tengd er saman
grafísk hönnun, vöruhönnun og
viðmótshönnun, arkitektúr og vef-
hönnun,“ segir hann. „Allt þetta
myndar upplifun sem fólk fær, til
dæmis við að heimsækja Apple-
búðir eða fara á iTunes á netinu.
Þarna er heildarmyndin höfð í há-
vegum.“
Sigurður segir markaðssetningu
hafa þróast í þessa átt hérlendis
síðustu ár, sem sjáist meðal ann-
ars af því hvernig útlit banka og
verslana hafi stórbatnað rétt eins
og almenn grafísk hönnun. „Það
var ákveðin hönnunarvakning á Ís-
landi, sem teygir anga sína víða.
Hins vegar vantar mikið upp á, þar
sem þetta er enn mikið á yfirborð-
inu. Mikil áhersla er á auglýsinga-
herferðir en stundum lítið á bakvið
þær, en þá er hætt við að traust við-
skiptavinar og fyrirtækisins eða
vörumerkisins rofni.“
Sigurður segir þetta meðal ann-
ars stafa af því að auðveldara sé
að breyta útliti á byggingum en
að þjálfa starfsfólkið og þeirra
viðmót. „Hér hafa verið gerð-
ar ýmsar kannanir um þjónustu-
lund Íslendinga þar sem við höfum
lent mjög aftarlega og ljóst að
við megum bæta þann þátt mjög
mikið. Kannski er hún ekki rík í
okkur sem þjóð,“ segir Sigurður,
sem býst við því að Íslendingar
eigi eftir að horfa meira á bakland-
ið á næstu árum.
„Það hefur verið gert heljarinn-
ar átak og stærstu og framsækn-
ustu fyrirtækin hafa verið að gera
mjög góða hluti á síðustu árum,
hvað varða húsnæði og auglýsing-
ar. Menn munu næst hugleiða hvar
þeir geti bætt sig og þá kemur
hitt,“ segir Sigurður og nefnir Bláa
lónið sem dæmi um fyrirtæki sem
þegar er komið langt á veg í þeim
pælingum en hann hefur starfað
náið með markaðsmönnum þess.
„Þar hefur allt verið gert af mikl-
um metnaði, samanber sérstak-
an Bláa lóns-skóli fyrir starfsfólk,
en metnaðurinn hefur verið gagn-
rýndur. Kannski hefði mátt ná
sama árangri með minni tilkostn-
aði og meiri hagnaði, en þá væri
fyrirtækið ekki eins virt og þekkt
úti. Útlendingum finnst upplifunin
ótrúleg.“ - rve
Góð ímynd en lítil þjónustulund
Sigurður Þorsteinsson segir Íslendinga koma illa úr könnunum þar sem þjónustulund er tekin til greina. Hann segir þá hins vegar
mjög færa í ímyndarsköpun. FRÉTTABLAÐIÐ/AUÐUNN
Sigurður segir Disney-skemmtigarða vera dæmi um það þegar menn stýra öllum
snertiflötum við viðskiptavininn.
Sigurður Þorsteinsson hefur unnið náið
með markaðssérfræðingum Bláa lónsins
við að skapa heildræna mynd þar sem
hugað er að hverju smáatriði.
MYND/BLÁA LÓNIÐ