Fréttablaðið - 29.01.2008, Blaðsíða 42
26 29. janúar 2008 ÞRIÐJUDAGUR
sport@frettabladid.is
HANDBOLTI Þar sem Alfreð Gísla-
son er stiginn frá borði bíður
stjórnar Handknattleikssamband
Íslands, HSÍ, nú það verk að ráða
arftaka hans. Sitt sýnist hverjum
líkt og venjulega um hvern eigi að
ráða í starfið en þrír menn hafa
helst verið nefndir í því sambandi
– Geir Sveinsson, Dagur Sigurðs-
son og Aron Kristjánsson.
Þeir sögðust í samtali við Frétta-
blaðið í gær allir vera tilbúnir til
viðræðna við HSÍ um starfið ef
eftir því væri leitað. Þeir hafa
einnig allir skoðanir á því hvernig
eigi að standa að uppbyggingu
næstu ára en sögðust ekki vita
hvaða stefnu HSÍ hefði í málinu.
„Ef HSÍ ætlar að halda áfram að
ráða mann í 50 prósenta starf þá
hef ég ekki áhuga. Ég hef sjálfur
metnaðarfullar áætlanir um
hvernig eigi að byggja upp lands-
liðið og handboltann hér heima til
lengri tíma. Vissulega væri ég til í
að setjast niður með HSÍ og ræða
þau mál en menn yrðu að vera
alveg samstiga um markmiðin og
stefnuna til þess að ég tæki starfið
að mér. Málið snýst um hvaða
stefnu HSÍ hefur í þessum málum
því ef okkar markmið eru ekki
þau sömu gengur dæmið ekki
upp,“ sagði Geir Sveinsson sem
var einnig sterklega orðaður við
starfið þegar Alfreð var ráðinn á
sínum tíma.
Dagur Sigurðsson er fyrrver-
andi landsliðsfyrirliði eins og
Geir. Hann hefur einnig skýra
stefnu hvaða leið eigi að fara. „Ég
hef aldrei farið leynt með að ég
hef áhuga á að þjálfa landsliðið.
Ég tæki samt bara við starfinu á
mínum forsendum og HSÍ þarf að
gera upp við sig hvað það vill að
þjálfarinn geri. Eins og það var
frábært að fá Alfreð þá var það
kannski á kostnað þess að lítið
gerðist hér heima og ég vil sjá það
aukast,“ sagði Dagur.
Aron Kristjánsson er líkt og
Dagur nýkominn heim að utan en
þeir náðu báðir fínum árangri með
félagslið erlendis. Aron hefur
áhuga líkt og Geir og Dagur.
„Það er rosalegur heiður að vera
boðin landsliðsþjálfarastaðan
fyrir alla þjálfara. Ég myndi klár-
lega skoða það vel en að sjálfsögðu
snýst málið um forsendur sem
menn hafa. Þetta snýst líka um
stefnu HSÍ og hvað sambandið
ætlar að gera. Framtíðarstefnan
skiptir máli og við þurfum að
skipuleggja okkur,“ sagði Aron.
Guðmundur Á. Ingvarsson, for-
maður HSÍ, er kominn heim og nú
tekur við hjá honum að ræða við
stjórn HSÍ um framhaldið en það
verður væntanlega gert í vikunni.
„Ég hef haft trú á því að best sé
að hafa þetta sem hlutastarf en
miðað við verkefni ársins kemur
til greina að gera þetta að fullu
starfi og þá með öðrum verkefn-
um fyrir HSÍ,“ sagði Guðmundur
en hann hefur ekki trú á því að
HSÍ hefði efni á að hafa erlendan
þjálfara í fullu starfi hér heima.
Sá yrði að vera í hlutastarfi yrði
sú leið valin. „Nú hlustum við á
hvað menn hafa fram að færa og
vegum það svo og metum,“ sagði
Þríeykið opið fyrir viðræðum
Geir Sveinsson, Dagur Sigurðsson og Aron Kristjánsson segjast allir vera til í að ræða við HSÍ um starf
landsliðsþjálfara. Þeir hafa allir sterkar skoðanir á því hvað eigi að gera í framhaldinu en þá vantar svör frá
HSÍ um framtíðarsýn sambandsins. Formaður HSÍ segir koma til greina að ráða í fullt starf.
HVERN RÆÐUR GUÐMUNDUR? Guðmundur Ágúst Ingvarsson, formaður HSÍ, fær það
vandasama verkefni á næstu dögum að ráða arftaka Alfreðs Gíslasonar. FRÉTTABLAÐIÐ/VALLI
SENDU JA WHF Á NÚMERIÐ
1900 OG ÞÚ GÆTIR UNNIÐ!
Vinningar eru Bíómiðar fyrir tvo, tölvueikir, DVD myndir,
varningur tengdur myndinni og margt fleira!
SMS
LEIKUR
FRÁ GAURNUM SEM FÆRÐI ÞÉR
KNOCKED UP OG SUPERBAD
Vinningar verða afhendir hjá BT Smáralind. Kópavogi. Með því að taka þátt ertu kominn í SMS klúbb. 99 kr/skeytið.
FRUMSÝND 1. FEBRÚAR
> Andri Stefan meiddur
Karlalið Hauka í handknattleik tók þátt í sterku fjög-
urra liða æfingamóti í Frakklandi um síðustu helgi. Þar
mættu Haukar frönsku liðunum Chambery, Dunkerque
og danska liðinu Bjerringbro/Silkeborg. Leikirnir gegn
frönsku liðunum töpuðust en jafntefli náðist gegn
danska liðinu. Góð æfing fyrir Hauka í fríinu en ekki
komu allir heilir heim því Andri Stefan
meiddist á ökkla og kemur ekki í ljós
fyrr en í dag hversu alvarlega hann sé
meiddur.
FÓTBOLTI Dregið var í sextán liða
úrslit ensku bikarkeppninnar í
gær og er boðið upp á sannkallað-
an stórleik á Old Trafford þar
sem Manchester United mætir
Arsenal.
Það er eina virkilega spennandi
viðureignin fyrirfram en leikirnir
munu fara fram 16. og 17. febrúar
næstkomandi. - hbg
ENSKA BIKARKEPPNIN
16-liða úrslit:
Man. Utd - Arsenal
Cardiff City - Wolves
Sheff. Utd - Middlesbrough
Liverpool - Barnsley
Preston - Portsmouth
Coventry City - WBA
Chelsea - Huddersfield Town
Enski bikarinn:
Manchester Utd
mætir Arsenal
HART BARIST Arsenal sækir Man. Utd
heim í bikarnum. NORDIC PHOTOS/GETTY IMAGES
Örn Arnarson náði frábærum árangri á Euro Meet 2008 sem
fór fram í Lúxemborg um helgina þegar hann setti Norður-
landamet í 50 metra baksundi og náði öðru sæti í 100 metra
baksundi.
„Ég get ekki sagt annað en að þetta met hafi komið
skemmtilega á óvart. Þetta var mjög sterkt mót og það
var mjög sterkt fyrir mig upp á framhaldið að ná að
vinna eina grein og ná öðru sæti í annarri grein. Það
er gott fyrir egóið að eiga öll Norðurlandametin. Ég
átti á sínum tíma allt nema 50 metrana í 50 metra
lauginni og þetta var því eina metið sem ég hef
aldrei tekið áður,” segir Örn sem er þegar
búinn að tryggja sér farseðilinn til Peking.
Gamla Norðurlandametið var orðið níu og
hálfs árs gamalt en Örn var þó aldrei með
það í sigtinu því hann var ekki með það á hreinu
hvert metið væri. „Ég vissi ekki hvað Norðurlandametið
var og við skoðuðum það bara eftir að ég var búinn að
synda í gær og það kom því ennþá meira á óvart að
metið skyldi hafa fallið,” segir Örn.
Örn hefur komið sterkur inn á sínum „gamla” heimavelli og er
aftur kominn í hóp bestu baksundsmannanna. „Ég er búinn að
setja fjögur Norðurlandamet á innan við mánuði og það er ekkert
voðalega slæmt. Ég er búinn að stimpla mig inn aftur í bak-
sundinu og þeir eru búnir að sjá það líka hinir,” segir Örn.
„Ég var búinn að vera í mjög þungum æfingum þannig að
ég var ekki að stíla inn á neitt á þessu móti heldur var
aðallega að reyna að fá góða keppni. Þetta er gott fyrir
hausinn því þetta sýnir það að maður kann þetta ennþá.
Eini maðurinn sem ég tapaði fyrir á mótinu er sá sem á
Evrópumetið í 100 metra baksundi og það er ekkert til
þess að skamma sín fyrir.“
Næsta stórmótið hjá Erni er Evrópumeistara-
mótið í 50 metra laug sem fram fer um páskana.
„Það er góður mánuður fram undan af stífri
keyrslu og svo fer maður að létta sig fyrir það mót.
Svo verður þetta bara stanslaus keyrsla fram að Ólympíu-
leikum,” segir Örn.
ÖRN ARNARSON SUNDMAÐUR ÚR SH: Á ÖLL NORÐURLANDAMETIN Í BAKSUNDI
Sýnir að maður kann þetta ennþá
Iceland Express-deild karla:
Stjarnan-Snæfell 94-103
Stig Stjörnunnar: Dimitar Karadzovski 24 (7
stoðs.),Jovan Zdravevski 17, Calvin Roland 17
(10 frák.,), Kjartan Kjartansson 15, Fannar Freyr
Helgason 11, Sævar Ingi Haraldsson 6, Guðjón
Lárusson 5.
Stig Snæfells: Hlynur Bæringsson 31 (12 frák.,
8 stoðs.), Justin Shouse 20 (6 stoðs.), Slobodan
Subasic 15, Sigurður Þorvaldsson 15, Jón
Ólafur Jónsson 11, Magni Hafsteinsson 9, Árni
Ásgeirsson 2.
KR-Þór 96-82
Stig KR: Joshua Helm 26, Avi Fogel 18, Jeremi-
ah Sola 13, Brynjar Þór Björnsson 12, Pálmi Freyr
Sigurgeirsson 9, Darri Hilmarsson 8, Helgi Már
Magnússon 8, Skarphéðinn Freyr Ingason 2.
Stig Þórs: Óðinn Ásgeirsson 23, Luka Marolt 21,
Cedric Isom 19, Magnús Helgason 9, Þorsteinn
Gunnlaugsson 6, Hrafn Jóhannesson 3.
Tindastóll-Fjölnir 96-80
Stig Tindastóls: Philip Perre 22, Svavar Birgis-
son 19, Samir Shaptahovic 17, Ísak Einarsson 9,
Halldór Halldórsson 7, Helgi Viggósson 6, Serge
Poppe 2.
Stig Fjölnis: Anthony Drejaj 28, Kristinn Jónas-
son 11, Níels Dungal 9, Tryggvi Pálsson 6, Hjalti
Vilhjálmsson 3, Helgi Þorláksson 3, Valur Sig. 2.
Hamar-Grindavík 91-93
Stig Hamars: Nicholas King 30, Roman Moniak
21, Roni Leimu 13, Bojan Bojovic 11, Lárus Jóns-
son 10, Svavar Pálsson 4, Viðar Hafsteinsson 2.
Stig Grindavíkur: Páll Axel Vilbergsson 33,
Jonathan Griffin 27, Þorleifur Ólafsson 16, Páll
Kristinsson 7, Adama Darboe 4.
ÚRSLIT
KÖRFUBOLTI Hlynur Bæringsson átti stórleik í
gær í níu stiga sigri Snæfells á Stjörnunni í
Ásgarði í Garðabæ í Iceland Express-deild
karla í körfubolta. Hlynur hefur verið mikið í
umræðunni eftir að Ólafur Stefánsson gaf það
út að hann vildi fá hann í vörn íslenska hand-
boltalandsliðsins en í gær sýndi hann það enn
og einu sinni að hann er á heimavelli í körfu-
boltanum.
Hlynur fór fyrir sínum mönnum og var
aðeins tveimur stoðsendingum frá þrefaldri
tvennu en hann var efstur Snæfellinga í stig-
um (31), fráköstum (12) og stoðsendingum (8),
fékk fimmtu villuna á Calvin Roland og skor-
aði 11 af síðustu 23 stigum liðsins í leiknum.
Leikurinn var jafn og spennandi en ekki var
mikið um varnir, að minnsta kosti ekki fram-
an af. Stjörnumenn voru með frumkvæðið í
byrjun og voru 29-28 yfir eftir fyrsta leik-
hluta. Snæfellingar voru hins vegar komnir
56-58 yfir í hálfleik og voru með frumkvæðið
allan seinni hálfleik. Það héldu flestir að
Hólmarar hefðu gert út um leikinn þegar þeir
komust 12 stigum yfir, 80-92, þegar 3:29 voru
eftir en Stjörnumenn gáfust ekki upp og náðu
að minnka muninn niður í tvö stig áður en
Snæfellingar með Hlyn í fararbroddi kláruðu
leikinn á vítalínunni.
Dimitar Karadzovski og Kjartan Kjartans-
son voru bestir í liði Stjörnunnar ásamt Cal-
vin sem skilaði 17 stigum og 10 fráköstum en
lék aðeins í 22 mínútur vegna villuvandræða.
Hlynur var í sérflokki hjá Snæfelli en Just-
in Shouse sýndi einnig góða takta. Nýi maður-
inn Scott Levin sat í borgaralegum klæðum á
bekknum en verður væntanlega kominn í
slaginn á móti Njarðvík í bikarnum á laugar-
daginn. - óój
Snæfell sótti tvö stig í Garðabæinn í gær í hörkuleik þar sem Stjarnan stóð í gestunum lengi vel:
Stjörnumenn réðu ekkert við Hlyn Bæringsson
FARÐU FRÁ Justin Shouse reynir hér að brjótast í
gegnum vörn Stjörnunnar í gær. FRÉTTABLAÐIÐ/ANTON