Fréttablaðið - 31.01.2008, Blaðsíða 6

6 31. janúar 2008 FIMMTUDAGUR
MENNTAMÁL Menntamálaráðherra
hefur veitt skólameisturum Iðn-
skólans í Reykjavík (IR) og Fjöl-
brautaskólans í Ármúla (FÁ)
áminningu fyrir að ýkja tölur um
fjölda nemenda sem luku prófi
frá skólunum. Þetta er í fyrsta
skipti sem veittar eru áminningar
vegna þess konar brota í starfi.
Skólameisturunum var tilkynnt
formlega um áminningarnar í síð-
ustu viku. Á sama tíma var skóla-
meisturum þriggja annarra skóla
veitt tiltal vegna sömu saka. Það
eru skólameistarar Fjölbrauta-
skólans í Breiðholti, Flensborgar-
skólans og Menntaskólans í Kópa-
vogi.
Allir skólameistararnir munu
halda áfram störfum, segir Þor-
gerður Katrín Gunnarsdóttir
menntamálaráðherra.
„Menntamálaráðuneytið er með
þessu að sinna sínu eftirlitshlut-
verki, og það mun færast í auk-
ana. Við erum sammála um það að
fara eftir þeim leikreglum sem
við búum við til að úthluta fjár-
munum úr ríkissjóði,“ segir Þor-
gerður.
Gísli Ragnarsson, skólameist-
ari FÁ, segist ekki líta svo á að
málinu sé lokið. Hann og Baldur
Gíslason, skólameistari IR, hafi
sent ráðuneytinu bréf vegna máls-
ins, og þar til svar berist vilji hann
ekki tjá sig frekar um málið. Bald-
ur tók í sama streng þegar leitað
var eftir afstöðu hans.
Skólarnir fá greitt fyrir hverja
einingu sem nemendur ljúka með
prófi samkvæmt reiknilíkani.
Skólameistarar hafa gagnrýnt að
ekki sé greitt fyrir þann mikla
fjölda nemenda sem skrá sig í
áfanga en taka ekki próf.
Skólameistarar annarra skóla
hafa fylgst vel með þróun þessa
máls, enda úthlutað úr einum potti
til allra skólanna. Það þýðir að ýki
skólameistarar einhverra skóla
tölur fá þeir skólar meira fé, og
aðrir skólar að sama skapi minna.
Þorgerður Katrín vildi í gær
ekki gefa upp hversu háar upp-
hæðir skólarnir hefðu fengið
umfram það sem þeir áttu rétt á.
Það hlypi þó á milljónum. Spurð
hvort skólarnir þyrftu að endur-
greiða oftekið fé sagði hún það í
skoðun hjá ráðuneytinu.
„Við erum búin að fara vel í
gegnum þetta, og í dag er sameig-
inlegur skilningur um það hvern-
ig eigi að reikna þetta,“ segir Þor-
gerður Katrín. Það séu reglurnar
sem skólameistarar eigi að halda
sig við, umræður um breytingar á
reiknilíkani verði að eiga á öðrum
grundvelli. brjann@frettabladid.is
Áminntir fyrir að
oftelja nemendur
Skólameistarar í tveimur framhaldsskólum hafa verið áminntir og þremur til
viðbótar veitt tiltal fyrir að ýkja fjölda nemenda sem lokið hafi prófi. Fengu
milljónum króna meira til skólastarfsins á kostnað annarra framhaldsskóla.
GÍSLI
RAGNARSSON
BALDUR
GÍSLASON
IÐNNEMAR Menntamálaráðherra hefur veitt skólameisturum Iðnskólans í Reykjavík
og Fjölbrautaskólans í Ármúla áminningu fyrir að ýkja tölur um fjölda nemenda sem
luku prófi frá skólunum. MYNDIN ER ÚR SAFNI.
DÝRMÆTAR
SEKÚNDUR
VINNUMARKAÐUR Rafiðnaðarmenn ætla að
bíða með gerð kjarasamnings fram á
haustið þegar fleiri samningar rafiðnaðar-
manna losna. Guðmundur Gunnarsson,
formaður Rafiðnaðarsambandsins, segir
að þetta hafi verið tilkynnt Samtökum
atvinnulífsins. „Við bíðum eftir þeim og
sláum því öllu saman á frest,“ segir hann.
„Það er ekki haldinn samningafundur,
okkur er ekki sýnd sú kurteisi að talað sé
við okkur. Og við erum ekki þeir einu. Það
er bara talað við eitt samband og það er
Starfsgreinasambandið,“ segir Guðmund-
ur.
Engin stórtíðindi áttu sér stað á samn-
ingafundi atvinnurekenda, Starfsgreina-
sambandsins, SGS, og Flóabandalagsins í
gær. Enn er rætt um samning til eins árs
sem framlengist um tvö ár að ákveðnum
kaupmáttar- og verðbólguforsendum
uppfylltum og er verið að þreifa sig
áfram með það hver viðmiðin verða.
Næsti fundur verður á föstudaginn.
Vilhjálmur Birgisson, formaður
Verkalýðsfélags Akraness, segist reikna
með að strax eftir helgi verði keyrt þétt
á samninga og menn láti reyna á það
hvort náist saman eða ekki.
„Mín skoðun er sú að það eigi að láta
reyna á þetta, hvort leiðir skilji eða
hvort gengið verði frá samningum,“
segir hann. „Samningarnir runnu út 1.
janúar. Það er mín persónulega skoðun
að það sé algjör grunnforsenda að samn-
ingarnir verði látnir gilda frá því þeir
runnu út.“ - ghs
EKKI SÝND KURTEISI
„Okkur er ekki sýnd sú
kurteisi að tala við okkur,“
segir Guðmundur Gunnars-
son, formaður Rafiðnaðar-
sambandsins.
Formaður Rafiðnaðarsambandsins segir aðeins rætt við Starfsgreinasambandið:
Bíða með samninga til hausts
Vilt þú að þingfundum verði
útvarpað?
Já 38%
Nei 62%
SPURNING DAGSINS Í DAG
Borðar þú súrmat?
Segðu skoðun þína á vísir.is
KÓPASKER Tíu mánaða gamalt
barn slapp vel þegar ung móðir
þess velti jeppabifreið við
Kópasker um klukkan sjö á
þriðjudagskvöldið. Valt bifreiðin
eina veltu í aflíðandi beygju
stuttu áður en komið er að
Kópaskeri.
Kvartaði konan undan eymsl-
um í baki og var hún því flutt
með sjúkrabíl á sjúkrahús á
Akureyri til aðhlynningar og
nánari skoðunar. Ungbarnið var í
bílstól og er hann talinn hafa
varnað því að barnið hlyti skaða
af.
Bifreiðin, sem er af Pajero-
gerð, er talin ónýt. - ovd
Móðirin flutt á sjúkrahús:
Ungbarn slapp
vel í bílveltu
KJÖRKASSINN
Lögreglan handtók Annþór Karlsson vegna rannsóknar á fíkniefnasmygli:
Handtaka og húsleit vegna
hraðsendingarsmyglsins
LÖGREGLUMÁL Lögreglan handtók í gær karlmann á
fertugsaldri í tengslum við yfirstandandi rannsókn
á stóru fíkniefnamáli. Þetta fékkst staðfest hjá
embætti lögreglustjórans á Suðurnesjum.
Samkvæmt upplýsingum Fréttablaðsins er sá
handtekni Annþór Karlsson, búsettur í Vogum á
Vatnsleysuströnd. Lögregla hóf þegar húsleit á
heimili hans að lokinni handtöku í gær.
Handtakan tengist rannsókn lögreglu á fíkni-
efnasmyglsmáli sem kom upp um miðjan nóvem-
ber síðastliðinn. Þá lagði Tollgæslan á Suðurnesj-
um hald á tæp fimm kíló af amfetamíni og 600
grömm af kókaíni sem komu með hraðsendingu til
landsins frá Þýskalandi.
Fimm karlmenn voru handteknir nýlega vegna
málsins, en tveimur þeirra sleppt að loknum
yfirheyrslum. Hinir þrír sitja nú í gæsluvarðhaldi.
Það rennur út yfir tveimur þeirra á morgun.
Hinn þriðji, starfsmaður hraðflutningafyrirtæk-
isins sem sendingin kom með, kærði gæsluvarð-
haldsúrskurðinn til Hæstaréttar. Lögreglustjórinn
á Suðurnesjum kærði á móti og setti fram kröfu
um tveggja vikna gæsluvarðhald, eða til 8 febrúar.
Hæstiréttur féllst á það.
VOGAR Húsleit var gerð á heimili Annþórs Karlssonar í gær.