Fréttablaðið - 05.02.2008, Blaðsíða 6
6 5. febrúar 2008 ÞRIÐJUDAGUR
Tvöfaldir Vildarpunktar
T
B
W
A
\R
E
Y
K
JA
V
ÍK
\
S
ÍA
\
9
08
00
68
Notar þú þriðju kynslóðar (3G)
farsímatækni?
Já 12%
Nei 88%
SPURNING DAGSINS Í DAG:
Vilt þú láta taka upp evru
á Íslandi?
Segðu skoðun þína á visir.is
UPPLÝSINGAR Persónuvernd telur
að gæta eiga betur að einkalífs-
vernd þeirra sem nefndir eru í
dómum í sakamálum.
Þetta kemur fram í umsögn
Persónuverndar um nýtt frum-
varp um meðferð sakamála sem
Björn Bjarnason dómsmálaráð-
herra hefur lagt fram.
„Eins og gefur að skilja verður
ekki undan því vikist að afhenda
upplýsingar um þá háttsemi sem
ákært er fyrir. Að öðru leyti eru
upplýsingar af viðkvæmu tagi,
sem er að finna í gögnum frá
dómstólum, til dæmis um heilsu-
hagi, oft og einatt þess eðlis að
rétt er að afmá þær úr gögnum
dómstóla áður en þau eru afhent
utanaðkomandi aðilum eða birt
opinberlega,“ segir í umögn Per-
sónuverndar. „Er þá eðlilegt að
litið sé til þess hvort þær séu
nauðsynlegar þeim sem fær gögn
afhent – eða kynnir sér dóm á til
dæmis vefsíðu – til að átta sig á
því hvers vegna dómstóll hafi
komist að tiltekinni niðurstöðu.“
Sem dæmi um tilvik þar sem
reynt geti á þetta atriði nefnir
Persónuvernd þegar í dómum eru
birtar mjög ítarlegar heilsufars-
upplýsingar, svo sem um andlegt
heilsufar hins
ákærða eða
áverka brota-
þola í smæstu
smáatriðum.
„Er þá álitamál
hvort í raun
þurfi að veita
aðgang að þess-
um upplýsing-
um til að utan-
aðkomandi geti
áttað sig á dómsforsendum,“
segir Persónuvernd og bætir við:
„Að auki er það mikið álitamál
hversu langt skuli ganga í að
afhenda eða birta persónuauð-
kenni sakborninga, brotaþola og
vitna, svo sem nöfn og kennitölur,
og hvort slíkt sé í raun almennt
nauðsynlegt til að tilganginum
með því að gera gögn dómstóla
aðgengileg verði náð. Sé ákærði
mjög ungur að árum getur verið
sérstaklega umdeilanlegt að gera
persónuaðkenni hans aðgengileg.
Sé um að ræða sifjaspell getur og
birting nafna og kennitalna verið
mjög viðkvæm, en til þess og
ýmissa fleiri atriða hefur raunar
lengi verið litið við birtingu dóma
hér á landi,“ segir stofnunin og
bendir á að það séu viðkvæmar
persónuupplýsingar hvort menn
hafi verið grunaðir, kærðir,
ákærðir eða dæmdir fyrir refsi-
verðan verknað.
Persónuvernd gerir sérstaka
athugasemd við að í frumvarpi
dómsmálaráðherra sé ekki getið
um birtingu dóma á heimasíðum
dómstólanna á netinu. „Í ljósi
þess að slík birting hefur nú tíðk-
ast um nokkurt skeið má hins
vegar telja æskilegt að um hana
sé fjallað í lögum um meðferð
sakamála,“ segir stofnunin.
gar@frettabladid.is
Minna verði upplýst
úr sakamáladómum
Persónuvernd telur að draga eigi úr upplýsingagjöf til almennings úr dómum í
sakamálum til að vernda einkalífshagsmuni þeirra sem þar eru nefndir. Ákær-
ur og dómar fyrir refsiverða verknaði séu viðkvæmar persónuupplýsingar.
HÉRAÐSDÓMUR REYKJAVÍKUR Ákærðir menn í sakamálum vilja iðulega síður þekkjast eins og þessir sakborningar í Pólstjörnu-
málinu. Persónuvernd segir álitamál hvort birta eigi nöfn manna í dómum. FRÉTTABLAÐIÐ/EYÞÓR
SIGRÚN
JÓHANNESDÓTTIR
KJARAMÁL Lítið þokaðist á
samningafundi Samtaka atvinnu-
lífsins, SA, Flóabandalagsins og
Starfsgreinasambandsins, SGS,
hjá ríkissáttasemjara í gær.
Næsti fundur hefur ekki verið
boðaður fyrr en á fimmtudaginn.
Á meðan ætla fulltrúar atvinnu-
rekenda að ræða við önnur
landssambönd innan ASÍ.
„Þetta gengur alltof hægt, því
miður,“ segir Sigurður Bessason,
formaður Eflingar.
Ekki hefur enn verið rætt um
neinar launatölur heldur aðeins
um samningsumgjörðina.
Sigurður segir að atvinnurekend-
ur hafi borið upp hugmynd um
„ákveðna hugmyndafræði við
sjálfan samninginn en ætluðu í
framhaldinu að ræða það við
önnur landssambönd“.
- ghs
Kjaraviðræðurnar:
Vinnuveitendur
ræða við aðra
SRÍ LANKA, AP Íbúar Srí Lanka
fögnuðu í gær 60 ára sjálfstæðis-
afmæli þjóðarinnar. Þrátt fyrir
hertar öryggisaðgerðir tókst þó
ekki að koma í veg fyrir spreng-
ingu í strætisvagni sem varð tólf
manns að bana. Sautján manns
særðust.
Þúsundir hermanna stóðu vörð
og var mörgum götum í höfuð-
borginni Kólombó lokað. Sömu-
leiðis var lokað fyrir sendingu
smáskilaboða milli farsíma fram
eftir morgni.
Mahinda Rajapaksa, forseti Srí
Lanka, sagði í sjónvarpsávarpi að
efnahagsörðugleikar og vandamál
tengd öryggi yrðu bráðlega að
baki. Ítrekaði hann loforð
stjórnar sinnar um að brjóta á
bak aftur baráttu uppreisnar-
manna Tamíltígra.
- sdg
Sprenging skyggði á hátíðina:
Sjálfstæði á Srí
Lanka í 60 ár
KJÖRKASSINN
SLÖKKVILIÐ Eldur kom upp í húsi
númer 34 á Hverfisgötu síðdegis í
gær. Það var mannlaust en úti-
gangsmenn hafa haldið þar til. Allt
tiltækt lið Slökkviliðs höfuðborg-
arsvæðisins var sent á staðinn en
tilkynning um brunann barst
skömmu fyrir klukkan sex. „Þegar
ég fór inn kom reykur út úr glugg-
um á annarri og þriðju hæð,“ segir
Jón Helgi Guðmundsson, varð-
stjóri slökkviliðsins sem fór fyrst-
ur inn. „Þá var eldur í gólfi og á
veggjum en hann hafði ekki náð
víða. Við vorum um það bil korter
að slökkva eldinn. En þetta er
gamalt hús og það getur leynst
eldur í timbri hér og þar.“
Hann segir eldsupptök ekki
liggja fyrir en ljóst sé að eldurinn
kom upp á annarri hæð.
Hverfisgötu var lokað meðan á
slökkvistarfinu stóð. Nokkurn tíma
tók að rífa gólf en þar undir þiljum
leyndist nokkur eldur. Lögreglu-
menn sem voru að rannsaka vett-
vang tóku síðan eftir því að eldur
hefði komið upp aftur milli þilja á
annarri hæð og varð því slökkvilið-
ið að koma öðru sinni. Greiðlega
gekk að slökkva eldinn sem var
lítils háttar að sögn slökkviliðsins.
Ekki er langt síðan síðast kvikn-
aði í þessu húsi en þá var talið að
um íkveikju hefði verið að ræða.
- jse
Eldur kom upp í húsi númer 34 við Hverfisgötu í Reykjavík síðdegis í gær:
Eldsvoði í afdrepi útigangsmanna
REYKKAFARI TIL Í SLAGINN Húsið var fullt af reyk á annarri og þriðju hæð þegar
slökkviliðið kom að. Víða leyndist eldur og glæður eins og verða vill þegar bruni
kemur upp í gömlu húsi. FRÉTTABLAÐIÐ/ANTON
SLYS „Þetta er nú ekki það versta
sem ég hef lent í,“ segir Jón Árni
Guðmundsson, 56 ára Selfyssing-
ur sem fluttur var með þyrlu
Landhelgisgæslunnar í fyrrakvöld
eftir hafa velt vélsleða sínum við
Landmannahelli.
Eftir slysið þurfti Jón Árni að
skríða með opið beinbrot á fótlegg
í um það bil klukkustund að skála
þar sem fólk hringdi eftir hjálp.
Fyrir tilviljun var Flugbjörgunar-
sveitin á Hellu á ferð í næsta skála
og hlúðu vanir björgunarmenn því
að Jóni þar til þyrlumenn fluttu
hann á sjúkrahús þar sem hann
gekkst undir aðgerð.
Þótt Jón Árni geri lítið úr
þrekraun sinni sver hann það af
sér að vera harðjaxl heldur sé
hann augljóslega mikill klaufi og
nefnir því til stuðnings að þetta sé
í þriðja sinn sem hann brotni á
sama fótlegg. Hann hyggist fara í
fleiri vélsleðaferðir eftir að fótur-
inn hafi jafnað sig og búið sé að
kaupa nýjan sleða.
„Ég vil svo koma á framfæri
innilegum þökkum til björgunar-
mannanna í Flugbjörgunarsveit-
inni á Hellu og svo auðvitað til
þyrlumannanna,“ segir Jón Árni
sem nú dvelur á Landspítalanum í
Fossvogi. - kdk
Maðurinn sem fluttur var með þyrlu eftir vélsleðaslys er á batavegi:
Segist vera klaufi en ekki harðjaxl
Á BATAVEGI EFTIR VÉLSLEÐASLYS
Jón Árni Guðmundsson þakkar björg-
unarsveitarmönnum og þyrlumönnum
björgunina. Myndin tengist ekki fréttinni
með beinum hætti.