Fréttablaðið - 05.02.2008, Blaðsíða 17

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Sandra Erlingsdóttir dansar afró og hipphopp-
dans fimm daga vikunnar og segir nauðsynlegt
fyrir alla að dansa.
„Ég var bara að koma heim frá Afríku núna í vikunni
og búin að vera þar í heilan mánuð að læra meira í
afróinu,“ segir Sandra Erlingsdóttir en hún er búin
að dansa frá því hún man eftir sér og kennir bæði
afródans og hipphopp í Kramhúsinu.
„Ég hef alltaf verið í dansinum, var í djassballett
þegar ég var yngri en færði mig yfir í hipphopp og
afró þegar ég var svona fimmtán ára.“
Sandra var við nám í gullsmíði í New York í þrjú ár
og komst þar í kynni við hipphoppið og var líka í
dansskóla á kvöldin meðfram náminu. Eftir að hún
kom heim frá New York fór hún að kenna dans og
segir dansinn vera aðalatvinnu sína núna.
„Ég var búin að æfa í Kramhúsinu síðan ég var
fimmtán ára þannig að ég þekkti það vel og var búin
að vera í afródansi í þrettán ár líka en allt hipphopp
kemur út frá afró og maður á mun auðveldara að
dansa hipphopp ef maður hefur prófað afródansinn
áður,“ útskýrir Sandra og segir sömu grunnatriði í
hipphopp-dansi og afródansinum, til dæmis það að
vera alltaf boginn í hnjánum svo það sé auðveldara
að hreyfa sig. Hún segir dansinn vera mjög góða
hreyfingu og mælir með honum fyrir fólk á öllum
aldri sem vill fá útrás fyrir daglegt amstur. „Þetta
geta allir, í tímunum hjá mér er til dæmis fólk sem
hefur aldrei dansað áður og er að pluma sig vel, en
það byrjar auðvitað í byrjendahóp.“
Sandra segist dansa hipphopp undir áhrifum frá
krump, dansstefnu sem á upptök sín í Los Angeles og
snýst um að fá útrás fyrir reiði. „Krump er einn af
nýjustu stílunum í hipphoppinu og er mun harðari en
aðrir stílar. Krump er dansað við harðari hipphopp-
tónlist, ekki við R&B tónlist og núna er ég til dæmis
að dansa við tónlist eftir 50 Cent, Hi-Tec og Jay Dilla,“
útskýrir Sandra. Hún hefur verið dugleg að sækja
æfingabúðir bæði í Afríku og New York til að halda
sér við og segir ekki á döfinni að snúa sér að ein-
hverju öðru. „Nei ég hætti aldrei að dansa. Maður
heldur sér ungum í anda með því að dansa og þetta er
nauðsynlegt fyrir alla til að fá útrás fyrir þetta dag-
lega líf, sérstaklega í skammdeginu.“
heida@frettabladid.is
Hipphopp heldur manni
lengur ungum í anda
Sandra Erlingsdóttir segist fá útrás með því að dansa hipphopp. FRÉTTABLAÐIÐ/AUÐUNN
FJÖLSKYLDUHELGI
Hólmfríður Petersen, fram-
kvæmdastjóri Vindáshlíðar,
og Hrund Þórarinsdóttir
djákni standa fyrir helgar-
námskeiði fyrir foreldra og
börn með áherslu á góð
samskipti.
HEILSA 2
TANNVERNDARVIKA
Í tilefni vikunnar er nýr
margmiðlunardiskur um
munnhirðu kominn
út sem verður kynnt-
ur á opnum fundi í
fræðslusal Barna-
spítala Hringsins í dag.
HEILSA 3
Með breyttu hugarfari getur þú öðlast
það líf sem þú óskar þér.
NLP er notað af fólki um allan heim sem
hefur náð frábærum árangri í lífinu.
Námskeið í NLP tækni verður haldið
22.-24.feb. og 29.feb.-02.mars 2008.
www.ckari.com; Mail: rosa@ckari.com; Sími: 894-2992
Kári Eyþórsson MPNLP
„Hugurinn ber þig alla leið“
- Er sjálfstraustið í ólagi?
- Viltu betri líðan?
- Skilja þig fáir?
- Viltu vinna bug á einhverju í fari þínu?
- Gengur öðrum betur í lífinu en þér?
- Gengur illa að klára verkefni?
- Er erfitt að höndla gagnrýni?
© cKari.com