Fréttablaðið - 05.02.2008, Blaðsíða 24

● fréttablaðið ● dýrin stór og smá 5. FEBRÚAR 2008 ÞRIÐJUDAGUR4
Boxertíkin Emma hefur varla
sleppt úr degi í vinnunni í tíu
ár. Nú hefur hún þó minnkað
við sig og vinnur aðeins
hálfan daginn.
„Ég eignaðist hana Emmu í gegn-
um vinkonu mína,“ útskýrir Sigur-
jón Fjeldsted trésmiður það hvern-
ig boxertíkin Emma varð hluti
af fjölskyldu hans fyrir rúmum
tíu árum. „Ég átti annan hund af
labradorkyni sem veiktist mikið
þegar hann var ungur. Ég ákvað
því að söðla alveg um og vinkona
mín reddaði mér þessum boxer-
hvolpi,“ segir Sigurjón en Emma er
aðeins ein af níu hvítum boxerum á
landinu og sú fyrsta sem fæddist á
Íslandi. „Þegar við frúin sáum hana
var nafnið komið,“ segir Sigurjón
og bætir við þeirri skemmtilegu
staðreynd að þrír af þessum níu
hvítum boxerhundum heiti einmitt
Emma.
„Hún þótti auðvitað mjög spes
til að byrja með og fólk átti það til
að banka upp á heima hjá manni og
biðja um að fá að sjá hvíta boxer-
inn,“ segir Sigurjón. Hann segir
að hvítu hundarnir séu gjarnir á
að fæðast blindir og heyrnarlausir
en það sé þó allt í lagi með Emmu
sem fæddist með eitt blátt auga og
annað brúnt. Brúna augað missti
hún þó ekki alls fyrir löngu þegar
hún greindist með krabbamein
í því. Sigurjón segir það þó hafa
ótrúlega lítil áhrif á líf hennar að
vera eineygð.
Sigurjón er beðinn að lýsa skap-
gerð Emmu: „Emma er yndisleg-
ur hundur, hún þarf ekki að vera
í ól enda eltir hún mann og maður
getur skilið hana eftir fyrir utan
búð. Svo getur hún verið í krakka-
hóp og maður þarf ekki að hafa
neinar áhyggjur. En það er kannski
lýsandi einkenni fyrir boxerinn að
vera haldinn slíkri stóískri ró,“ segir
Sigurjón en játar því þó að sumir séu
hræddir við útlit boxersins enda hafi
tegundin upphaflega verið hugsuð
sem varðdýr. „Hún er samt voðalega
blíð og góð og um leið og fólk kynn-
ist henni sér það hvað hún er yndis-
leg þótt hún sé kannski ófríð upp að
vissu marki,“ segir hann glettinn.
Nú er farið að síga á seinni hluta
ævi Emmu. Hún er á ellefta ári en
yfirleitt er talað um að hundar af
þessu kyni verði um átta til tíu ára.
„Allur sá tími sem við fáum með
henni héðan í frá er bara bónus,“
segir Sigurjón en Emma hefur fylgt
honum til vinnu á hverjum degi í
þessi tíu ár. „Hún hefur kannski
misst úr einn eða tvo daga öll þessi
ár en núna er hún bara farin að
vinna hálfan daginn,“ segir Sigurjón
sem fer heim með Emmu í hádeginu
þar sem hún sefur í körfunni sinni
þangað til dóttir Sigurjóns kemur
heim. „Ef ég fer ekki heim í hádeg-
inu er hún orðin verulega pirruð út
í mann upp úr tvö,“ útskýrir Sigur-
jón kíminn. - sg
Farin að vinna aðeins hálfan daginn
Emma fæddist með eitt blátt auga og annað brúnt. Það brúna missti hún vegna krabbameins en Sigurjón segir það lítið há
henni að vera eineygð. FRÉTTABLAÐIÐ/GVA
Falleg hundarúm í miklu úrvali.
Dýrabær
Smáralind og Hlíðasmára 9,
www.dyrabaer.is