Fréttablaðið - 13.02.2008, Blaðsíða 50
26 13. febrúar 2008 MIÐVIKUDAGUR
sport@frettabladid.is
Í gær var tilkynnt val á úrvalsliði umferða 10 til 17
í Iceland Express-deild kvenna í körfubolta. Liðið
skipa Valsstúlkurnar Signý Hermannsdóttir og
Molly Peterman, Grindavíkurstúlkurnar Jovana Lilja
Stefánsdóttir og Tiffany Roberson og Sigrún Sjöfn
Ámundadóttir úr KR. Enn fremur var Signý
valin besti leikmaður umferðanna og Igor
Beljanski, þjálfari Grindavíkur, var valinn
besti þjálfarinn.
Eftir erfiða byrjun á keppnistímabil-
inu í haust hefur Valsliðið verið á mikilli
siglingu undanfarið og unnið sex af
síðustu átta leikjum í deildinni og þar
hefur Signý farið á kostum.
„Þetta er mjög skemmtileg við-
urkenning og ég deili verðlaunum
mínum að sjálfsögðu með Valsliðinu í
heild sinni. Það tók sinn tíma að fá hlutina
til að smella saman hjá okkur en þetta hefur
gengið vel undanfarið og við ætlum bara að halda áfram á sömu
braut,“ sagði Signý sem telur líkur Valsliðsins á að komast í úrslita-
keppnina ágætar.
„Það eru sex leikir eftir og sex stig í næsta lið
þannig að það er vissulega möguleiki fyrir hendi
og við höfum sýnt og sannað hvers við erum
megnugar,“ sagði Signý og Igor Beljanski, sem
hefur stýrt Grindavíkurliðinu til sigurs í sjö af
síðustu átta leikjum, tekur undir með henni.
„Valsliðið er búið að hleypa deildinni upp
og gera hana meira spennandi og það er
ómögulegt að spá fyrir um hvernig þetta
fer allt saman. Ég er alla vega mjög
ánægður með Grindavíkurliðið og mér
finnst stelpurnar vera að uppskera
fyrir allt erfiðið sem þær eru búnar
að leggja á sig. Þær eru að gera allt
rétt í augnablikinu þannig að ég er
mjög ánægður,“ sagði Igor.
SIGNÝ HERMANNSDÓTTIR OG IGOR BELJANSKI: BESTI LEIKMAÐUR OG ÞJÁLFARI UMFERÐA 10-17 Í KVENNAKÖRFUNNI
Ómögulegt að spá fyrir um hvernig deildin fer
> Stórleikur á Nesinu í kvöld
Undanúrslitaleikirnir í Eimskips-bikar kvenna fara fram
í kvöld. Þá tekur Valur á móti Fylki í Vodafone-höllinni
en út á Nesi taka Gróttustúlkur á móti Íslandsmeistur-
um Stjörnunnar. Grótta hefur komist tvisvar í úrslit
á síðustu þrem árum en tapað í bæði skiptin. „Við
erum gott bikarlið og ætlum að halda
hefðinni við, komast í úrslit og klára
svo úrslitaleikinn,“ sagði Anna Úrsula
Guðmundsdóttir, leikmaður Gróttu.
Leikurinn á Nesinu hefst klukkan
19 en á Hlíðarenda byrjar leik-
urinn klukkan 20.
HANDBOLTI Framarar komust í bikarúrslita-
leikinn annað árið í röð eftir 27-24 sigur á
Akureyri í Safamýrinni í undanúrslitaleik SS-
bikars karla í gær.
Framarar voru nærri því búnir að kasta frá
sér sigrinum í lokin þegar fjórir tapaðir bolt-
ar í röð sáu til þess að Norðanmenn náði að
minnka muninn í eitt mark úr 24-20 í 24-23, en
vöknuðu þá við vondan draum og tryggðu sér
sæti í Höllinni. Magnús Erlendsson varði 12
af 16 skotum sínum á síðustu 22 mínútunum
og sá til þess að Fram er á leiðina í úrslitaleik-
inn í fjórða sinn frá 2002.
„Framarar eru mjög gott lið sem refsar
fyrir hver einustu mistök þannig að við
megum ekki vera að henda boltanum í hend-
urnar á þeim. Þetta eru örugglega einhver tíu
mörk sem þeir skora eftir að þeir ná af okkur
boltanum eftir illa spilaðar sóknir,“ sagði
Rúnar Sigtryggsson, spilandi þjálfari Akur-
eyrar, sem spilaði mikið í sókninni í gær og
það var mikill munur á sókninni þegar hann
var með. „Ég missti allavega ekki boltann en
það verða fleiri að rísa upp. Við áttum enginn
einhvern stjörnuleik en við börðumst en kom-
ust bara ekki lengur í dag,“ sagði Rúnar.
Fram byrjaði betur en Akureyri var 8-10
yfir um miðjan fyrri hálfleik þegar Rúnar
settist á bekkinn og horfði upp á sína menn
glutra boltanum sex sóknir í röð. Staðan var
13-13 í hálfleik og Fram var með frumkvæðið
í upphafi seinni hálfleiks en náði ekki alvöru
tökum á leiknum fyrr en Magnús fór í gang í
markinu.
Það fór ekki milli mála þegar Einar Ingi
Hrafnsson kallaði eftir markvörslu í stöðunni
17-16 þegar markverðir Fram höfðu aðeins
varið 8 bolta (af 24, 33 prósent). Kall Einars
kveikti greinilega í Magnúsi Erlendssyni sem
varði 12 af síðustu 20 skotum Akureyrarliðs-
ins.
„Það hlýtur að hafa kveikt í honum. Vörnin
small ekki í fyrri hálfleik og þá fylgir ekki
markvarslan. Um leið og við náðum barátt-
unni í vörninni síðustu 20 mínúturnar þá
vorum við ekki stöðvaðir. Það er gríðarlegur
styrkur hjá okkur. Það er einhver þjóðsaga
sem segir að maður vinni ekki tvisvar í röð í
deild og bikar en við jörðuðum þá þjóðsögu í
dag. Nú er bara að klára dæmið og skíta ekki
á sig eins og í fyrra,” sagði Einar Ingi kátur í
leikslok. - óój
Framarar eru komnir í Höllina annað árið í röð eftir annan sigur sinn á Akureyri á fjórum dögum:
Magnús svaraði kalli Einars og fór í gang
KOMNIR Í HÖLLINA Jóhann Gunnar Einarsson lék vel
fyrir Fram og fagnar hér sigri í leikslok.
FRÉTTABLAÐIÐ/VALLI
Eimskipsbikar karla:
Fram-Akureyri 27-24 (13-13)
Mörk Fram (skot): Jóhann Gunnar Einarsson
7/1 (10/1), Stefán Stefánsson 5 (5), Hjörtur Hin-
riksson 4 (5), Andri Berg Haraldsson 4/1 (8/1),
Einar Ingi Hrafnsson 3 (4), Björn Guðmundsson
2 (4), Rúnar Kárason 2 (7), Halldór Jóhann
Sigfússon 0 (9/1).
Varin skot: Björgvin Páll Gústavsson 4 (14/1,
29%), Magnús Erlendsson 16/1 (30/1, 53%).
Hraðaupphlaup: 9 (Stefán 4, Jóhann 2, Hjörtur,
Andri, Einar Ingi).
Fiskuð víti: 3 (Halldór 2, Einar Ingi).
Utan vallar: 8 mínútur (Andri Berg fékk rautt
spjald á 26. mín.)
Mörk Akureyrar (skot): Einar Logi Friðjónsson
9 (18), Ásbjörn Friðriksson 5/1 (8/2), Magnús
Stefánsson 3 (5), Nikolaj Jankovic 2 (2), Goran
Gusic 2 (5), Rúnar Sigtryggsson 2 (7), Andri Snær
Stefánsson 1 (1), Jónatan Þór Magnússon (2),
Hörður Fannar Sigþórsson (2).
Varin skot: Sveinbjörn Pétursson 21/1 (48/3,
44%)
Hraðaupphlaup: 7 (Einar 2, Ásbjörn 2, Andri,
Magnús, Jankovic).
Fiskuð víti: 2 (Hörður, Ásbjörn).
Utan vallar: 8 mínútur (Jankovic fékk rautt
spjald á 26 mín.)
Víkingur-Valur 32-38 (30-30, 25-25)
Mörk Víkings (skot): Ásbjörn Stefánsson 10/7
(15/8), Þórir Júlíusson 7 (14), Gunnar Bergmann
Jónsson 5 (8), Hreiðar Haraldsson 4 (5), Kristinn
Guðmundsson 4 (11), Sveinn Þorgeirsson 1 (2),
Hjálmar Þór Arnarson 1 (2), Pálmar Sigurjónsson
(2)
Varin skot: Erlingur Reyr Klemenzson 24/3
(61/5 39,3%), Björn Viðar Björnsson 0 (1/1 0%)
Hraðaupphlaup: 4 (Þórir 2, Hreiðar, Gunnar)
Fiskuð víti: 8 (Sveinn 2, Hreiðar 2, Pálmar 2,
Þórir, Gunnar)
Utan vallar: 14 mínútur
Mörk Vals (skot): Baldvin Þorsteinsson 10/3
(15/5), Arnór Þór Gunnarsson 7 (9), Fannar Þór
Friðgeirsson 6 (9), Elvar Friðriksson 6 (13/1),
Sigfús Páll Sigfússon 3 (6), Ernir Hrafn Arnarson
3 (8), Ingvar Árnason 2 (3), Gunnar Harðarson 1
(1), Kristján Þór Karlsson (1), Hjalti Þór Pálmason
(1)
Varin skot: Ólafur Haukur Gíslason 16/1 (28/4
57,1%), Pálmar Pétursson 12 (32/4 37,5%)
Hraðaupphlaup: 12 (Baldvin 4, Arnór 3, Fannar
2, Gunnar, Elvar, Ernir)
Fiskuð víti: 6 (Sigfús 2, Ingvar, Elvar, Arnór,
Fannar)
Utan vallar: 14 mínútur
ÚRSLIT
HANDBOLTI Valur vann Víking í tví-
framlengdum undanúrslitaleik
Eimskipsbikarsins, 38-32, í frá-
bærum leik. Víkingar voru betri
aðilinn lengst framan af leik þrátt
fyrir að missa sinn besta leik-
mann, Sverri Hermannsson, hægri
skyttu liðsins útaf vegna meiðsla á
fimmtu mínútu.
Það var ljóst frá fyrstu mínútu
að Víkingur ætlaði að selja sig
dýrt. Gríðarleg barátta var í liðinu
og greinilegt að fyrstu deildar
liðið bar enga virðingu fyrir
Íslandsmeisturum Vals. Mikið
jafnræði var með liðunum allt þar
til Víkingar skoruðu fimm mörk í
röð og breyttu stöðunni úr 6-7 í 11-
7. Valsmenn náðu að minnka mun-
inn í tvö mörk fyrir hlé, 14-12, með
því að skora tvö síðustu mörk hálf-
leiksins.
Fyrri hálfleikur var mikil
skemmtun og ekki var sá síðari
síðri. Víkingar héldu frumkvæð-
inu fyrsta korterið, 21-18, eða allt
þar til Sveinn Þorgeirsson fékk að
líta sína þriðju brottvísun á 45.
mínútu fyrir litlar sakir. Víkingar
skoruðu ekki næstu sjö mínútur
leiksins og Valsmenn jöfnuðu
metin, 21-21.
Síðustu mínútur leiksins voru
æsispennandi. Valur komst yfir,
22-23, þegar sex mínútur voru
eftir en liðin skiptust á að skora
þar til staðan var 25-25 og þrjár
mínútur voru eftir. Hvorugu lið-
inu tókst að bæta við marki í
venjulegum leiktíma en mikil
dramatík var á lokasekúndunum.
Elvar Friðriksson, skytta Vals,
fékk dæmdan á sig ruðning þegar
20 sekúndur voru eftir. Víkingur
brunaði í sókn og fékk aukakast
þegar leiktíminn rann út.
Þórir Júlíusson skaut í stöng úr
aukakastinu og þaðan í bakið á
Pálmari Péturssyni, markverði
Vals, en þaðan fór boltinn aftur-
fyrir endamörk.
Jafnt var á öllum tölum fyrri
framlengingar. Víkingar voru
fyrri til að skora í fyrri hálfleik og
Valsmenn í þeim síðari en Þórir
Júlíusson jafnaði metin fyrir Vík-
ing, 30-30, þegar tvær sekúndur
voru eftir á leikklukkunni.
Valur skoraði tvö fyrstu mörk
síðari framlengingarinnar og var
það of mikill munur fyrir útkeyrða
Víkinga að brúa. Valur vann að
lokum sex marka sigur, 38-32.
Óskar Bjarni var gríðarlega
ánægður með að vera kominn í
úrslit bikarsins en að sama skapi
ekkert alltof kátur með leik sinna
manna í leiknum.
„Það má kalla þetta vanmat að
vissu leyti. Þeir byrja mjög vel og
þá hikum við og eigum erfitt með
þetta. Ég er mjög stoltur af liðinu
að hafa unnið þennan leik og komið
svona til baka. Þeir voru að spila
mjög vel en það var algjört bull að
koma okkur í þessa stöðu. Ég tek
ofan fyrir Víkingum, þeir voru
betri í þessum leik. Við vorum
bara lélegir. Svona er bikarinn það
er gaman af þessu.“
Ásbjörn Stefánsson fór mikinn í
liði Víkings og var að vonum sár í
leikslok með að tapa á þennan hátt.
„Við höfðum trú á því að geta sigr-
að frá því að það var dregið í und-
anúrslit. Við komum hrikalega vel
stemmdir í leikinn.
Það var mikil blóðtaka fyrir
okkur að missa skytturnar okkar,
Svein og Sverri en að lokum mun-
aði hálfum sentímetra á því hvort
liðið færi áfram þegar skotið í lok
venjulegs leiktíma fer í stöngina. Í
framlengingunni er það breiddin
sem skilur liðin að,“ sagði Ásbjörn
sem vildi að lokum þakka fyrir frá-
bæran stuðning áhorfenda í leikn-
um sem fjölmenntu í Víkina. - gmi
Víkingar hársbreidd frá Höllinni
Íslandsmeistarar Vals komust heldur betur í hann krappan er þeir mættu 1. deildarliði Víkings í undanúr-
slitum Eimskipsbikarsins í gær. Leikurinn var tvíframlengdur og Valur hafði að lokum sigur, 32-38. Vík-
ingar hefðu getað tryggt sér sigur undir lok venjulegs leiktíma en skot Þóris Júlíussonar fór í stöngina.
GRÁTLEGT Víkingar voru eðlilega svekktir
eftir leikinn í gær. FRÉTTABLAÐIÐ/VALLI
FÖGNUÐUR Fannar Friðgeirsson og félagar í Val fögnuðu hreint ógurlega eftir dramat-
ískan sigur á Víkingi í gærkvöld. FRÉTTABLAÐIÐ/VALLI