Fréttablaðið - 13.02.2008, Blaðsíða 54
30 13. febrúar 2008 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
LÖGIN VIÐ VINNUNA
„Þetta kemur sér óneitanlega vel. Við ættum
allavega að geta farið í sólarlandaferð í
sumar,“ segir Íslendingur sem vann tólf
milljónir króna á vef Betsson spilavítisins.
Íslendingurinn, sem er fjölskyldumaður á
fertugsaldri, vill ekki koma fram undir nafni.
Hann féllst þó á að ræða við Fréttablaðið
símleiðis og gat ekki leynt ánægju sinni þegar
blaðamaður náði af honum tali. „Þetta er
auðvitað frábært. Ég var að spila fyrir smá
upphæð í einhverjum spilakassa á síðunni og
þá kom þessi stóri vinningur,“ segir hann.
Vinningshafinn hafði ekki enn fengið
vinninginn greiddan út þegar Fréttablaðið
ræddi við hann. Hann átti þó von á því að það
gerðist á hverri stundu.
Samkvæmt upplýsingum frá Betsson er
vinningur Íslendingsins fjórði stærsti
gullpotturinn í sögu fyrirtækisins. Svo
skemmtilega vildi til að sama dag vann annar
Íslendingur stóran pott hjá Betsson. Sá lagði
eitt þúsund krónur undir og vann tæplega 1,2
milljónir króna. Báðir spiluðu þeir í svokölluð-
um Arabian Nights-leik.
Þessir tveir vinningar Íslendinganna falla
þó algerlega í skuggann af vinningi hins 27
ára gamla Niklas Karlsson í Svíþjóð. Hann
gerði sér lítið fyrir og vann 110 milljónir
króna í spilavíti Betsson í síðustu viku.
Sænskir fjölmiðlar hafa mikið fjallað um þann
risavinning og sagði Karlsson í viðtölum að
hann ætlaði að láta langþráðan draum sinn
rætast, að losa sig við yfirdráttinn og kaupa
sér íbúð. Þá ætlaði hann að bjóða fjölskyldu
sinni almennilega út að borða.
- hdm
Íslendingur vann 12 milljónir á netinu
HEPPINN SVÍI Hinn 27 ára gamli Niklas Karlsson vann
110 milljónir króna í spilavíti Betsson á netinu. Tveir
Íslendingar fengu stóra vinninga hjá Betsson á síðustu
dögum. Annar fékk 1,2 milljónir króna en hinn tólf
milljónir.
„Mín frétt eða færsla birtist 11.00
í morgun [gær] en þeirra birtist
11.18. Það væri makalaus tilviljun
ef bæði ég og RÚV höfum rambað
á þetta á nákvæmlega sama tíma.
Annars skiptir það mig engu máli.
Þeir vinna þá bara svona,“ segir
Ómar Örn Ólafsson, bloggari á
Eyjunni, en þar sér hann jafn-
framt um auglýsingar. Honum
finnst fyndið hversu feimnir
sumir fjölmiðlamenn eru að vitna
í heimildir.
Ómar Örn greindi frá miklum
líkindum merkis kínverska fyrir-
tækisins Sutor og svo „lógós“ Sím-
ans. En félagi hans, sem starfar
erlendis, sendi honum ábendingu
þessa efnis. Ómar Örn hefur reikn-
að það út að líklega hafa Kínverj-
arnir leitað í smiðju Símamanna
en samkvæmt eftirgrennslan hans
var fyrirtæki Kínverjanna „brand-
að“ árið 2006. „Einhver höfundar-
réttur hefur verið brotinn og það
lítur út fyrir að Sutor sé að stela
frá Símanum.“
RÚV greinir svo frá því að
Hjörvar Harðarson, grafískur
hönnuður hjá Ennemm auglýs-
ingastofu, hafi teiknað merki
Símans. En nú tekur þetta sér-
kennilega mál enn einn snúning-
inn. Samkvæmt frétt DV í upp-
hafi árs 2004 – í tengslum við það
þegar Brynjólfur Bjarnason
kynnti nýja ímynd Símans – þá er
nýja merki Símans sláandi líkt
merki heimsmeistaramótsins í
sundi sem haldið var í Barcelona
árið 2003. Í þeirri frétt segir
Sveinn Jóhannsson hjá Góðu
fólki ekkert nýtt undir sólinni.
„En ég veit að merki Símans er
alíslenskt frá a til ö.“ - jbg
Stolin frétt af stolnu vörumerki
ÓMAR ÖRN Birti frétt um stolið lógó
en lenti í því að frétt hans var stolið 18
mínútum síðar.
SLÁANDI LÍKINDI Merkin eru nánast
alveg eins þannig að ljóst er að höfund-
arréttur hefur verið brotinn.
LÁRÉTT
2. sæmd 6. bókstafur 8. samhliða 9.
upphrópun 11. í röð 12. ósa 14. útlit
16. rás 17. sefa 18. niður 20. 950 21.
nabbi.
LÓÐRÉTT
1. kofi 3. hljóm 4. tréspíritus 5. svelg
7. ákafur 10. viljugur 13. belja 15.
hefðarkona 16. espa 19. tveir eins.
LAUSN
LÁRÉTT: 2. sómi, 6. ká, 8. með, 9. úff,
11. tu, 12. rjúka, 14. ásýnd, 16. æð,
17. róa, 18. suð, 20. lm, 21. arða.
LÓÐRÉTT: 1. skúr, 3. óm, 4. metanól,
5. iðu, 7. áfjáður, 10. fús, 13. kýr, 15.
dama, 16. æsa, 19. ðð.
Fjölmiðlakonan Jóhanna Vilhjálms-
dóttir hefur hætt störfum í
Kastljósinu. Þórhallur Gunnarsson,
ritstjóri Kastljóss, tilkynnti
starfsfólki sínu þetta í gærmorgun.
Hann segir ákvörðun Jóhönnu hafa
verið í deiglunni í einhvern tíma.
„Hún hættir af persónulegum
ástæðum og ég hef í sjálfu sér engu
við það að bæta,” segir Þórhallur.
Jóhanna er dóttir Vilhjálms Þ.
Vilhjálmssonar borgarfulltrúa en
eins og flestir vita hefur staðið
nokkur styr um aðkomu hans að
REI-málinu svokallaða undanfarn-
ar vikur. Aðspurður hvort ofan-
nefndar aðstæður hefðu eitthvað
með ákvörðun Jóhönnu að gera
kveðst Þórhallur ekki geta svarað
því. „Ég veit það ekki og held að
það væri betra að spyrja hana út í
hverjar hinar persónulegu ástæður
séu,“ segir hann. Ekki náðist í
Jóhönnu í gær.
Þórhallur segist ekki vita hvort
Jóhanna muni snúa sér að störfum
á öðrum vettvangi, en mun fara að
huga að því að fylla skarð hennar.
„Það er vandfyllt skarð, því hún er
gríðarlega öflug fjölmiðlakona,“
segir Þórhallur. Jóhanna
hefur verið starfsmað-
ur Kastljóssins frá
því að ný útgáfa þess
leit dagsins ljós í
október 2005. - sun
Jóhanna kveð-
ur Kastljósið
SEGIR UPP
STÖRFUM
Jóhanna
Vilhjálms-
dóttir hefur
hætt störfum
í Kastljósinu.
„Ég hef iTunes opið í tölvunni
minni og stilli á random. Það
er alls konar tónlist inni í því úr
öllum stefnum, allt frá þunga-
rokki upp í blús og djass og
teknó og ambient-tónlist.“
Inga Dóra Guðmundsdóttir myndlistar-
kona.
Forvitnileg ritdeila er sprottin upp
milli tónlistamannanna
Guðmundar R.
Gíslasonar, söngvara
SúEllanar, og Einars
Ágústs Víðissonar,
fyrrum söngvara Skít-
amórals. Á bloggsíð-
unni ingvarvalgeirs.
blog.is rífast
sveitung-
arnir frá
Neskaup-
stað hástöfum um útvarpsstöðvar
á Íslandi. Upphaf deilunnar má
rekja til ummæla Guðmundar um
afmælisþætti Rásar 2 sem Hjálmar
Hjálmarsson stýrir en þar eru
gamlir útvarpsmenn fengnir í viðtöl.
Guðmundur segir það í góðu lagi
að Rásar 2-fólk tali við hvað annað,
það geri starfsfólk útvarps-
stöðva í eigu 365 nær
eingöngu. „Svo er
Bylgjan náttúrlega bara
sorgleg, hef ekki hlust-
að á FM,“
segir
Guð-
mundur meðal
annars. Einar
Ágúst svarar
Guðmundi og
virðist telja þetta bitur ummæli
í ljósi þess að tónlist hans hafi
ekki fengið spilun á umræddum
stöðvum.
Augljóst er af umræðum þeirra
Guðmundar og Einars Ágústs að
tónlist þeirra hefur hlotið náð fyrir
augum tónlistarstjóra hvor á sínum
staðnum. Guðmundur er ósáttur
við Bylgjuna og vill meina að þar
ráði klíkuskapur för. Einar Ágúst
segir tónlist Guðmundar hins vegar
ekki nógu góða fyrir Bylgjuna. Einar
Ágúst kennir persónulegri óvild
Ólafs Páls Gunnarssonar á Rás
2 um að tónlist sín fái ekki spilun
þar. „Óli Palli er einfaldlega bara
vitleysingur og dónalegur besserv-
isser. Enda hef ég
bara engan áhuga á
því að vera spilaður
þar ef persónulegur
óþroski hans er að
koma í veg fyrir að
mín lög heyrist þar,“
skrifar Einar
Ágúst og er
mikið niðri fyrir.
- hdm
FRÉTTIR AF FÓLKI
„Maður fær náttúrlega alls konar gagnrýni fyrir
verk sín og það er bara gangur lífsins. Og eins
veðrið, stundum er sól og stundum rigning og ekkert
við því að segja. En þegar farið er að hafa sögusagn-
ir eftir látnum manni um að maður sé að sýna öðru
fólki yfirgang og djöfulsskap þá getur maður ekki
látið slíkt kyrrt liggja,“ segir rithöfundurinn Einar
Kárason sem skrifar stutta grein í nýjasta Tímarit
Máls og menningar undir fyrirsögninni: „Fúl-
mennska í Höfða“. Þar svarar hann sögu sem birtist
í ævisögu Elíasar Marar eftir Hjálmar Sveinsson um
að hann hafi með valdi hent ljóðskáldinu Jónasi
Svafár út úr Höfða í gleðskap Rithöfundasambands-
ins á vegum Reykjavíkurborgar árið 1990 en Einar
var þá formaður þess.
Einar kveðst síður en svo hafa beitt einhverju
valdi. Honum hafi verið gert af gestgjöfunum að sjá
til þess að Jónas myndi yfirgefa samkvæmið enda
hafi hann verið hroðalegur til reika. „Mann í svona
ástandi getum við ekki haft hér í húsi; annaðhvort
verður honum komið í burtu eða veitingum verður
hætt og veislunni slitið,“ á að hafa verið sagt við
Einar sem taldi sig reyndar vera kominn í frí frá
sínu embætti sem formaður eftir stíf fundarhöld en
varð þess snemma ljóst að Jónas var á hans ábyrgð
kominn. Honum tókst að lempa Jónas með sér fram
að dyrum en lengra vildi ljóðskáldið ekki fara. Einar
segir frá því í grein sinni að hann hafi þá fengið
aðstoð þáverandi borgarstjóra, Davíðs Oddssonar.
„Davíð sá vandræði mín og sýndi það drenglyndi að
leggja mér lið: hann kom og sagði okkur að hann
væri búinn að hringja í bílstjórann hans Kjarvals,“
skrifar Einar en sá ku hafa keyrt listmálarann
Jóhannes Kjarval út um allar trissur. Davíð á síðan
að hafa sagt að mönnum þætti heiður að fá að setjast
í sæti Kjarvals og að bílstjórinn hefði lag á svona
köllum. Og hvarf Jónas með leigubílnum um leið og
hann birtist. „Ég var ágætlega málkunnugur Elíasi
og það fóru ekkert annað en hlýleg orð okkar á milli.
Og mér þykir ótrúlegt að ef hans hefði
notið við hefði þessi slúðursaga verið
sett á prent. En Elías er látinn,
maður sem var þekktur fyrir
vandvirkni og smekkvísi en slíku
er því miður ekki til að dreifa í
bók Hjálmars,“ segir Einar.
Hjálmar Sveinsson,
höfundur bókarinnar um
Elías Mar, segir viðbrögð
sín við grein Einars einfaldlega vera þau að menn
upplifi vissa atburði á ólíkan hátt. „Elías sagði mér
þessa sögu þegar við ræddum um atómskáldin og
hann sagði mér frá því að Jónas hefði búið í kjallar-
anum á Höfða,“ segir Hjálmar og bætir því við að
Elías hafi alla tíð verið þekktur fyrir að vera orðvar
maður. „Ég skil það hins vegar vel að ef minning
Einars um þennan atburð er gerólík því sem Elías
minnti, vilji hann leiðrétta það,“ heldur Hjálmar
áfram og tekur fram að Elías
hafi nefnt það sérstaklega
þegar hann rifjaði þetta
upp að honum hafi
mislíkað þetta athæfi.
freyrgigja@frettabladid.is
EINAR KÁRASON: DAVÍÐ ODDSSON HJÁLPAÐI TIL VIÐ DYRAVÖRSLUNA
Rithöfundur ber af sér
fólskulega framkomu
ORÐVAR OG SMEKKVÍS Hjálmar segir Elías hafa verið orðvaran
en Einar telur að smekkvísi Elíasar hefði aldrei leyft að slík
slúðursaga hefði ratað á prent.
MISMUNANDI UPPLIFUN
Hjálmar Sveinsson segist skilja
að Einar vilji leiðrétta
eitthvað ef hann
muni atburðinn á
annan hátt.
HENTI ENGUM ÚT MEÐ VALDI
Einar Kárason skrifar stutta
grein í Tímarit Máls og
menningar um atvik sem átti
sér stað í Höfða í kringum
1990.