Fréttablaðið - 20.02.2008, Blaðsíða 2
2 20. febrúar 2008 MIÐVIKUDAGUR
SVEITARSTJÓRNIR „Ég er alveg arfavitlaus út af
þessum fasteignagjöldum,“ segir Jósef Ásmundsson.
Jósef og kona hans búa í nýju húsi í Kjarrhólma á
Selfossi. Húsið er 210 fermetrar og fasteignamat
þess var 29,9 milljónir króna um síðustu áramót.
Lóðin er metin á fjórar milljónir. Fasteignagjöld,
lóðarleiga, fráveitugjald og sorphirðugjald nema
samtals tæplega 270 þúsund
krónum á þessu ári. Þetta telur
Jósef vera alltof hátt.
Fyrir eign af þessari stærð með
jafn háu fasteigna- og lóðarmati
þyrfti hins vegar að greiða
samtals tæpar 147 þúsund krónur
í Reykjavík. Upphæðin er þannig
83 prósentum hærri í Árborg af
eign sem er talin jafn verðmæt
hjá Fasteignamati ríkisins. Þá
segist Jósef hafa fengið uppgefið
dæmi frá Ráðhúsinu í Reykjavík
um 240 fermetra hús sem hefði 50
milljóna króna fasteignamat en bæri þó aðeins um
210 þúsund krónur í gjöld.
„Það er óeðlilegt að í sveitarfélagi þar sem verið
hefur mikil uppbygging og gatnagerðargjöldin hafa
streymt inn séu fasteignagjöld svona miklu hærri en
í Reykjavík,“ segir Jósef.
Eins og víða annars staðar hækkaði fasteignamat í
Árborg um 12 prósent um síðustu áramót. Tillaga
frá fulltrúum sjálfstæðismanna um að lækka
álagningarhlutfall fasteignagjaldanna var felld í
bæjarstjórninni fyrir jól. Sagði meirihluti Fram-
sóknarflokks, Samfylkingar og Vinstri grænna það
ekki skynsamlegt að lækka tekjur sveitarfélagsins á
tímum mikils vaxtar og uppgangs.
„Framkvæmdaþörf er gríðarleg og framundan eru
stór verkefni við uppbyggingu grunn- og leikskóla
svo dæmi séu tekin. Þá er minnt á að fasteignagjöld
voru lækkuð um 25% á árinu 2006,“ sagði meirihluti
bæjarstjórnar.
Ásta Stefánsdóttir bæjarritari segir Árborg hafa
haft umtalsverðan kostnað á undanförnum árum af
endurnýjun fráveitulagna. Því verki sé hvergi nærri
lokið.
„Ný hverfi hafa risið og byggð í dreifbýli orðið
þéttari. Íbúar eru nú innan við átta þúsund og á
síðastliðnum fimm árum fjölgaði þeim um 23
prósent. Slíkar aðstæður kalla á talsverðar fram-
kvæmdir við lagningu fráveitu og vatnsveitu,“ segir
Ásta Stefánsdóttir. gar@frettabladid.is
Íbúi arfavitlaus yfir
gjöldunum í Árborg
Eigendur fasteigna í Árborg borga nær tvöfalt hærri gjöld til sveitarfélagsins
heldur en greitt er af jafn dýrum eignum í Reykjavík. Óeðlilegt segir Jósef Ás-
mundsson. Stór verkefni framundan segir bæjarstjórnin og neitar lækkun.
JÓSEF
ÁSMUNDSSON
KJARAMÁL Algert afnám stimpil-
gjalda af fasteignaviðskiptum,
sem ríkisstjórnin hefur boðað,
hefur ekki verið tímasett. Slíkar
breytingar þarf að gera þegar
aðstæður á fasteignamarkaði
leyfa, segir Ingibjörg Sólrún
Gísladóttir utanríkisráðherra.
Í aðgerðum ríkisstjórnarinnar,
sem ætlað er að greiða fyrir gerð
kjarasamninga, var meðal annars
kynnt að til stæði að fella niður
fasteignagjöld af kaupum á fyrstu
fasteign. Í stjórnarsáttmála ríkis-
stjórnarinnar er algert afnám
stimpilgjaldanna boðað á kjör-
tímabilinu og segir Ingibjörg að
staðið verði við það loforð.
„Það eru bara níu mánuðir búnir
af kjörtímabilinu og mér sýnist að
um 80 prósent af því sem er í
stjórnarsáttmálanum sé komið til
framkvæmda eða komið vel á veg.
Eitthvað verðum við að aðhafast
næstu þrjú árin,“ segir Ingibjörg.
Flestar aðgerðir ríkisstjórnar-
innar vegna kjarasamninga eru í
samræmi við það sem fram kemur
í stjórnarsáttmálanum. Ingibjörg
Sólrún segir það einnig í samræmi
við sáttmálann að vinna að stöð-
ugleika í kjaramálum, og það sé
gert með því að útfæra loforðin í
samráði við aðila vinnumarkaðar-
ins.
Ekki er von á fleiri útspilum frá
ríkisstjórninni vegna annarra
samninga sem nú eru lausir, eða
losna á næstunni, segir Ingibjörg
Sólrún. Boðaðar aðgerðir komi
öllu launafólki til góða og ættu að
liðka fyrir öðrum samningum. - bj
Formaður Samfylkingar segir að tímasetja þurfi afnám stimpilgjalda:
Stimpilgjöld afnumin þegar
aðstæður á markaði leyfa
LAUSIR SAMNINGAR Ríkisstjórnin ætlar
sér ekki að koma með fleiri útspil í
tengslum við samninga annarra en ASÍ,
segir Ingibjörg Sólrún Gísladóttir utanrík-
isráðherra. FRÉTTABLAÐIÐ/VÖLUNDUR
RÁÐHÚS ÁRBORGAR Meirihluti bæjarstjórnar þarf á tekjum
að halda og felldi tillögu um lækkun fasteignagjalda.
FASTEIGNAGJÖLD Í REYKJAVÍK
Miðað við fasteignamat 29.930.000 kr. og lóðarmat 4.030.000.
Fasteignaskattur 0,214 % 64.050 kr.
Lóðarleiga* 0,08 % 3.224 kr.
Holræsagjald 0,105 % 31.427 kr.
Vatnsgjald Gjaldskrá 531.608 kr.
Sorpgjald Gjaldskrá 16.300 kr.
Samtals 146.609 kr.
FASTEIGNAGJÖLD Í ÁRBORG
Miðað við fasteignamat 29.930.000 kr. og lóðarmat 4.030.000.
Fasteignaskattur 0,276 % 82.607 kr.
Lóðarleiga* 1,00 % 40.300 kr.
Fráveitugjald 0,275% 82.308 kr.
Vatnsgjald Gjaldskrá 50.881 kr.
Sorpgjald Gjaldskrá 12.500 kr.
Samtals 268.598 kr.
*Lóðarleiga er hlutfall af lóðarmati.
Jón, er þetta ekki orðið von-
laust?
„Mér líst vel á að hækka standard-
inn. Nú þurfa allir kraftaverkamenn
að spýta í lófana og fara að gera
eitthvað af viti.“
Páfagarður hefur hert reglur um það
hverja hægt er að taka í dýrlingatölu.
Menn þurfa að hafa gert mörg kraftaverk
til þess. Jón Gnarr er kaþólskur.
noatun.is
LÉTTIR ÞÉR LÍFIÐ
Langa
roð- og beinlaus
998
Þú sparar 300 kr.
kr.
kg.
mikla í Nóatúni!
Fiskivikan
ALÞINGI Þingmenn úr flokkum
vilja að samgönguráðherra láti
kanna hagkvæmni lestarsam-
gangna milli
Keflavíkurflug-
vallar og
Reykjavíkur
annars vegar og
léttlestakerfis
innan höfuð-
borgarsvæðis-
ins hins vegar.
Vilja þeir að
allar hliðar
málsins verði
kannaðar og að
niðurstöður
liggi fyrir í árslok.
Í greinargerð með þingsálykt-
unartillögunni kemur fram að
eldri úttektir hafi leitt í ljós að
verkefnin væru óhagkvæm.
Aðstæður hafi hins vegar breyst
og því hugsanlegt að niðurstöð-
urnar verði aðrar nú. - bþs
Þingmenn allra flokka:
Kostir og gallar
lesta kannaðir
ÁRNI ÞÓR
SIGURÐSSON
PAKISTAN, AP Stjórnarflokkur
Pervez Musharraf, forseta
Pakistans, lýsti yfir ósigri í gær
eftir að ljóst var að tveir stærstu
stjórnarandstöðuflokkar landsins
hlutu flest atkvæði í þingkosn-
ingunum á mánudaginn. Flokkur
Benazir Bhutto, sem var myrt í
desember, fékk flest atkvæði.
Þar næst kom flokkur Nawas
Sharif og flokkur Musharrafs
þriðji.
Úrslitin þykja áfellisdómur
yfir stjórn Musharrafs og setja
pólitíska framtíð hans í uppnám.
Lokaúrslita kosninganna er ekki
að vænta fyrr en á miðvikudags-
kvöld. - sdg
Flokkur Musharrafs :
Musharraf lýsti
yfir ósigri
STJÓRNMÁL Flestir Reykvíkingar
vilja Hönnu Birnu Kristjánsdótt-
ur sem borgarstjóra úr hópi
borgarfulltrúa Sjálfstæðisflokks-
ins. Fær hún 43,9 prósenta
stuðning samkvæmt netkönnun á
vegum Capacent Gallup. Gísli
Marteinn Baldursson fær 17
prósenta stuðning.
Spurt var: „Hvaða borgarfull-
trúi Sjálfstæðismanna vilt þú
helst að taki við embætti borgar-
stjóra?“ Vilhjálmur Þ. Vilhjálms-
son fékk 8,2 prósent, litlu meira
en Júlíus Vífill Ingvarsson.
Átján hundruð Reykvíkingar á
aldrinum 18-75 ára voru valdir af
handahófi úr viðhorfahópi
Capacent Gallup. Endanlegt úrtak
var 1539 eintaklingar og svarhlut-
fall var 72,4 prósent. - ovd
Fylgi fulltrúa Sjálfstæðisflokks:
Vilhjálmur með
lítinn stuðning
BORGARFJÖRÐUR Búið er að opna
þjóðveg eitt sem vegna vatnavaxta
í Álalæk rofnaði við Daníelslund
skammt frá Svignaskarði í
Borgarfirði um klukkan fjögur
aðfaranótt mánudagsins.
Hafði ræsi undir veginn ekki við
vatnsflaumnum svo vegurinn gaf
sig. Einnig urðu nokkrar vatns-
skemmdir við Hvítárvelli í Borgar-
firði þar sem loka þurfti veginum.
Vegagerðin biður vegfarendur
að sýna sérstaka varúð þar sem
víða eru slitlagsskemmdir vegna
þíðu og vatnsveðurs að undan-
förnu. - ovd
Vatnsskemmdir í Borgarfirði:
Þjóðvegurinn
opnaður aftur
ATVINNUMÁL „Að mínu mati er þetta
upp á líf og dauða fyrir samfélag-
ið,“ segir Ragnar Jörundsson, bæj-
arstjóri Vesturbyggðar, um fyrir-
hugaða olíuhreinsunarstöð á
Vestfjörðum.
Fulltrúar Íslensks Hátækniiðnað-
ar, Hilmar Foss og Ólafur Egilsson,
mættu í fyrrakvöld á kynningar-
fund á Patreksfirði.
Ragnar kveður fundinn hafa
aukið bjartsýni heimamanna á verk-
efnið. „Það er ekkert því til fyrir-
stöðu að þetta gangi. Staðarvalið
liggur fyrir á næstu tveimur mán-
uðum. Þegar menn eru að fara í
fjárfestingar upp á nærri 300 millj-
arða króna þá vilja þeir telja upp að
tíu áður en ákvarðanir eru teknar,“
segir hann.
Ekki er enn gefið upp hvaða fjár-
festar eru að baki Íslensks hátækni-
iðnaðar. „Menn eru að vinna sig
áfram og það tekur tíma. Ég hef þá
tilfinningu að þetta sé komið lengra
en við vitum þótt þeir vilji ekki upp-
lýsa um það,“ segir Ragnar.
Að sögn Ragnars hefur Þórunn
Sveinbjarnardóttir umhverfisráð-
herra ranglega fullyrt að olíuhreins-
unarstöðin myndi auka losun koltví-
sýrings á Íslandi um 30 prósent og
menga á við þrjú álver. „Þetta er
sennilega undir einu álveri,“ segir
bæjarstjórinn og bætir við:
„Stöðin verður lokuð inni í einum
dal og það sér hana enginn nema
áhafnir skipanna sem koma. Ég er
viss um að ef Jón Sigurðsson stæði
á hlaðinu á Hrafnseyri þá myndi
hann gleðjast yfir að það væri eitt-
hvað að gerast þarna.“ - gar
Bjartsýni eftir fund á Patreksfirði um 300 milljarða króna olíuhreinsunarstöð:
Velja olíuhreinsun brátt stað
FUNDARMENN Á PATREKSFIRÐI Um
150 manns mættu á kynningarfund
um fyrirhugaða olíuhreinsunarstöð á
Vestfjörðum. MYND/BRÍET ARNARDÓTTIR
LÖGREGLUMÁL Um hundrað grömm
af hassi fundust við húsleit
lögreglunnar á Vestfjörðum í
heimahúsi á Ísafirði síðdegis á
mánudaginn. Var húsleitin gerð í
kjölfar handtöku húsráðanda sem
er karlmaður á þrítugsaldri.
Segir lögreglan mest allt efnið
virðast vera í sölueiningum og er
málið rannsakað með tilliti til
þess. Var maðurinn yfirheyrður
og sleppt í gær eftir að hann
játaði að hafa tekið við efnunum,
ætlað hluta þeirra til dreifingar á
norðanverðum Vestfjörðum en
hluta til eigin neyslu.
Hefur maðurinn áður komið við
sögu lögreglunnar vegna fíkni-
efnamála. Málið telst upplýst. - ovd
Ætlað til sölu og eigin neyslu:
Hass fannst við
húsleit á Ísafirði
Neyðarblys í stigagangi
Slökkvilið höfuðborgarsvæðisins var
kallað að húsi við Leifsgötu í Reykja-
vík um hálf sex í gær. Hafði maður
kveikt á neyðarblysi og hlotið nokkur
meiðsl af athæfinu. Var hann fluttur
á slysadeild til aðhlynningar á meðan
slökkvilið slökkti eld og reykræsti.
LÖGREGLUFRÉTTIR
SPURNING DAGSINS