Fréttablaðið - 20.02.2008, Blaðsíða 30

20. FEBRÚAR 2008 MIÐVIKUDAGUR12 ● fréttablaðið ● bílar
REYNSLUAKSTUR
Skoda Octavia Scout er lipur og
skemmtilegur bíll. Óvenju rúmgott
farangursrými gerir það að verkum að
hann hlýtur að teljast góður kostur fyrir
barnafólk.
Fjórhjóladrifnir bílar njóta að vonum mik-
illa vinsælda á Íslandi enda henta þeir ís-
lenskum aðstæðum vel. Óhætt er því
að bjóða Skoda Octavia Scout velkom-
inn í flokk fjórhjóladrifinna fólksbíla sem
teygja sig í áttina að því að vera jepplingar.
Skoda Octavia Scout er laglegur bíll, einn
af þeim sem vekja athygli. Hjólbogarnir úr
sterklegu plasti ásamt efnismiklum stuð-
urum í sama lit gefa útlitinu sterklegan
karakter, svolítið skátalegan einmitt, sem
gefur til kynna að hér er á ferðinni bíll sem
reyna má svolítið meira á en venjulegan
fólksbíl. Scoutinn býr líka yfir meiri veg-
hæð en Skoda Octavia Combi sem að flestu
leyti er sami bíllinn.
Bíllinn er líka laglegur að innan. Sætin
eru þægileg, halda vel utan um mann. Bíll-
inn er vel búinn geymsluhólfum fyrir allt
þetta drasl sem fylgir nútímamanninum í
bílnum. Hvenær varð það til dæmis alsiða
að vera stöðugt drekkandi undir stýri?
Bíllinn leynir á sér þegar kemur að
kraftinum. Díselbíllinn var bara nokkuð
snarpur og viljugur. Lipur er hann sömu-
leiðis.
Allir þekkja að erfiðara getur verið að
halda skarpri tilfinningu fyrir stærð stórra
bíla en lítilla. Fjarlægðarskynjari í fram-
og afturstuðara er því framúrskarandi
búnaður í þetta löngum bíl. Auðvitað tekur
tíma að venjast viðvörunarpípinu og stund-
um svaraði maður ósjálfrátt: „Já, já, ég
veit alveg hvað ég er að gera,“ en búnaður-
inn veitir óneitanlega öryggi gagnvart pirr-
andi smátjónum sem geta til dæmis orðið
á bílastæðum. Þetta er því búnaður sem
margir munu áreiðanlega sækjast eftir.
Af öðrum búnaði sem gerir Scoutinn að
svolitlu meira en venjulegum bíl má nefna
aðkomulýsingu í speglum og tvískipt hita-
kerfi.
Bíllinn er langur sem gerir að verkum
að farangursrými hans er afar rúmgott. Í
þetta skott má auðveldlega renna barna-
vagni eða kerru, nú eða farangri fimm
manna fjölskyldu. Óhætt er því að segja að
bíllinn henti vel barnafjölskyldum og þá
ekki síst þeim fjölskyldum sem vilja vera á
ferð og flugi. Þetta er bíll fyrir ferðafólkið
sem finnst einum of mikið að vera á jeppa
eða jepplingi. Því óneitanlega er fjórhjóla-
drifinn langbakur skynsamlegri lending en
jeppi eða jepplingur fyrir þá sem aðallega
aka innanbæjar en vilja þó eiga reglulega
góðan ferðabíl og um leið öruggan í vetrar-
akstur. - ss
Rúmgóður og rennilegur skáti
Hitastýring er tvískipt og hiti í
sætum, sem ætti raunar að vera
staðalbúnaður í bílum á Íslandi.
Bíllinn er vel búinn geymsluhólfum, jafnvel á stöðum þar sem maður
býst ekki endilega við þeim.
Umhverfi bílstjórans er aðgengi-
legt en sumir kynnu að sakna
búnaðar eins og útvarpsstýring-
ar í stýri.
Skottið er einstaklega rúmgott
þannig að bíllinn hentar vel
barnafjölskyldum sem gjarnan
fylgir mikið hafurtask.
Skoda Octavia Scout er sterklegur á að líta og nýtur sín vel á 17“ felgunum. FRÉTTABLAÐIÐ/GVA
Cayman S er 295 hestafla sportbíll með miðjumótor sem hefur verið
valinn sportbíll ársins í mörgum þeirra miðla sem fjalla um bifreið-
ar. Til er sérstök viðhafnarútgáfa af bílnum, Cayman S Porsche De-
sign Edition 1, sem framleidd er í takmörkuðu upplagi en hún er nú
til sýnis í sal Bílabúðar Benna.
Með svörtum lit bifreiðarinnar og nákvæmum smáatriðum í hönn-
un er horft í viðmið frá Porsche Design, en Porsche Design Studio var
stofnað af Ferdinand Alexander Porsche fyrir 35 árum og vakti sam-
stundis alþjóðlega athygli fyrir framleiðslu vandaðra lífsstílsvara.
Svart leður og Alcantara-klæðning eru ráðandi þáttur í innréttingu;
útlit mælaborðsins dregur dám af úrum frá Porsche Design og nafn
bílsins er grafið inn í stálsílsalista. Þá hefur ekkert verið til spar-
að hvað tæknilegu hliðina varðar. Bíllinn er 10 millimetrum lægri,
stillanlega fjöðrunin (PASM) er staðalbúnaður, ásamt Sport Chrono-
pakkanum þar sem hægt er að breyta eiginleikum bílsins með einum
SPORT-hnappi.
Þess skal getið að í farangursrými bifreiðarinnar er taska sem
inniheldur Flat Six Chrono-
graph úr, vasahníf, sólgler-
augu, penna og lyklakippu.
Að sjálfsögðu er allt í svörtu
eins og bíllinn.
Cayman S Porsche Design
Edition 1, sem er til sýnis í
Porsche-sal Bílabúðar Benna,
er númer 682 af þeim 777 bílum
sem framleiddir voru. -rve
Viðhafnarútgáfa sýnd
Bifreiðinni fylgir taska sem inniheld-
ur úr, vasahníf, sólgleraugu, penna
og lyklakippu.
Cayman S Porche Design Edition 1 er viðhafnarútgáfa af Cayman S.
SKODA OCTAVIA SCOUT
Vél: 2 lítra dísel
Uppgefi n eyðsla í blönduðum akstri:
6,4 l/100km
Hröðun frá 0-100 km/klst.: 10,2 sek.
Farangursrými: 580 l (1.620 l með felldum
aftursætisbökum)
Þyngd: 1.530 kg
PLÚS: Lipur bíll – gott farangursrými –
sterklegt útlit
MÍNUS: Engin stjórntæki í stýri
Umboð: Hekla
Verð: 3.420.000