Fréttablaðið - 05.03.2008, Side 14
14 5. mars 2008 MIÐVIKUDAGUR
nær og fjær
„ORÐRÉTT“
Nú jæja, þið eruð þá
ekki alveg úti á túni
„Við erum varla að fara að
reisa þrjár eða fjórar flug-
stöðvar í kringum flugvöll
sem er óljóst hvort verður
áfram.“
GÍSLI MARTEINN BALDURSSON
BORGARFULLTRÚI
Fréttablaðið 4. mars
Svona er pólitíkin í
Rangárþingi ytra
„Þetta snýst bara um það að
ég er oddviti meirihlutans og
hann er oddviti minnihlut-
ans.“
ÞORGILS TORFI JÓNSSON, SJÁLF-
STÆÐISMAÐUR Í RANGÁRÞINGI
YTRA
Fréttablaðið 4. mars
■ Argentínska knattspyrnugoðinu
Diego Armando Maradona er margt
til lista lagt. Hann hefur
að undanförnu getið sér
gott orð í Argentínu sem
þáttarstjórnandi í sjón-
varpi og stýrir vinsælum
kvöldþætti. Eitt aðalatriði
þáttarins er tangódans hjá
honum sjálfum. Stundum
við gesti þáttarins en oftast nær er
hann einn með klappandi áhorfend-
ur allt í kringum sig. Ólíklegt er að
Maradona muni ná upp viðlíka færni
í tangó og hann sýndi í fótboltanum.
Maradona er af mörgum talinn besti
knattspyrnumaður allra tíma. Óregla,
drykkja og eilíf barátta við aukakíló-
in gerði honum lífið leitt undir það
síðasta á knattspyrnuferlinu. Tangó-
ferillinn er hins vegar rétt að byrja.
MARADONA:
MARGT TIL LISTA LAGT
„Mér finnst margt í umhverfi
bænda vera að breytast, bara núna
á síðustu dögum og vikum,“ segir
Hjalti Þór Vignisson, bæjarstjóri á
Hornafirði. Hann
telur hækkandi
áburðarverð og
sveiflur á fjármála-
mörkuðum gera
skuldsettum bænd-
um mjög erfitt fyrir.
„Margir þeirra, til
dæmis kúabændur,
hafa lagst í miklar
fjárfestingar og
það er spurning
hvernig stjórnvöld
og bændur ná að
semja sín á milli um nýjan búvöru-
samning.“
„Á móti kemur umræða um fæðu-
öryggið eins og forsetinn var að
opna á í ræðu sinni á Búnaðarþingi.
Með vaxandi velmegun til dæmis
í Suðaustur-Asíu er einsýnt að
eftirspurn eftir landbúnaðarafurðum
eykst.“ Hjalti Þór getur að mörgu
leyti fallist á orð forseta Íslands um
að mikilvægt sé að ræða slík mál
áður en nýr búvörusamningur við
bændur er sleginn út af borðinu.
„Það er margt sem myndi vekja mér
svartsýni fyrir hönd bænda en það
er ýmislegt í umhverfinu sem vekur
mér bjartsýni.“
SJÓNARHÓLL
STAÐA LANDBÚNAÐAR Á ÍSLANDI
Bjartsýnn og
svartsýnn
HJALTI ÞÓR
VIGNISSON
Bæjarstjóri
Fiðrildavika UNIFEM hófst
á mánudag. Fjöldi fyrir-
tækja tekur þátt í þessari
landssöfnun og allur ágóði
rennur til styrktarsjóðs
UNIFEM gegn ofbeldi á
konum og börnum.
„Hugmyndin er sú að við viljum
skapa fiðrildaáhrif frá Íslandi,“
segir Hrund Gunnsteinsdóttir, tals-
kona Fiðrildavikunnar. „Og von-
umst til að hafa þannig áhrif til
góðs á konur í Líberíu, Kongó og
Súdan.“
Fiðrildavikan er landssöfnun í
þágu baráttunnar gegn kynbundnu
ofbeldi og langstærsta fjáröflunar-
herferð sem UNIFEM á Íslandi
hefur ráðist í. Hrund segir að
aðdragandinn hafi verið langur og
sterk hugmyndafræði liggi að baki.
„Allur ágóðinn rennur í styrktar-
sjóð UNIFEM til afnáms ofbeldis
gegn konum. Þetta er eini sjóður
sinnar tegundar í heiminum; fjöl-
þjóðlegur sjóður sem vinnur gegn
kynbundnu ofbeldi. UNIFEM hefur
umsjón með sjóðnum. Hugmynda-
fræðin er sú að konurnar sem við
viljum hjálpa þekkja sitt samfélag
best. Þær skilgreina því þörfina og
við reynum að mæta henni með því
að veita þeim styrk úr sjóðnum.“
Að sögn Hrundar var undirbún-
ingurinn bæði krefjandi og gefandi.
„Skrifstofa UNIFEM á Íslandi er
mjög lítil, þar er aðeins einn starfs-
maður í fullri vinnu. En við erum
með níu kvenna stjórn sem er mjög
öflug. Við fundum strax í upphafi
að við höfðum mikinn meðbyr. Við
settum á laggirnar ráðgjafahóp á
haustmánuðum 2006. Í honum voru
öflugar konur í atvinnulífinu, sem
hafa ráðlagt okkur hvernig best
væri að hrinda hugsjónunum í
framkvæmd. Eftir að undirbúning-
urinn hófst af fullum krafti í sumar
hafa einmitt skapast samskonar
fiðrildaáhrif og við erum að reyna
að skapa. Fólk hefur leitað til okkar
og boðið fram aðstoð sína, til dæmis
BAS-hópurinn sem stendur fyrir
göngu niður Laugaveginn í kvöld,
Vatnadansfélagið verður með upp-
boð á brjóstum í okkar þágu og
fjölmörg fyrirtæki leggja hönd á
plóg. Okkur líður eins og allar
okkar óskir hafi ræst – þetta er
yndislegt.“
Nú þegar hefur Fiðrildavikan
vakið alþjóðlega athygli. Ingibjörg
Sólrún Gísladóttir utanríkisráð-
herra minntist til dæmis á hana á
fundi með Ban Ki-moon, fram-
kvæmdastjóra Sameinuðu Þjóð-
anna, fyrir viku. „Hann hafði ein-
mitt á orði hvað Íslendingar hafa
lagt mikið af mörkum í baráttunni
gegn kynbundnu ofbeldi og í jafn-
réttismálum. Þá er von á utanríkis-
ráðherra Líberíu til landsins, en
Líbería er einmitt eitt af löndunum
sem við einbeitum okkur að. Aðal-
framkvæmdastýra UNIFEM í New
York kemur líka í heimsókn til
okkar bráðlega. Það er í fyrsta sinn
sem okkur hlotnast sá heiður. UNI-
FEM á Íslandi er að mörgu leyti að
brjóta blað í sögu samtakanna á
heimsvísu.“
Í upphafi Fiðrildavikunnar tók
Kristín Ólafsdóttir við sem vernd-
ari UNIFEM á Íslandi. Hrund segir
Kristínu vera mikinn feng fyrir
samtökin. „Verndari UNIFEM talar
máli samtakanna og ber kyndil
okkar, hún er okkar
sendiherra. Kristín
kom inn í UNI-
FEM í gegnum
ráðgjafahópinn.
Hún hafði fylgst
með starfi stjórnar
UNIFEM á Íslandi
og eftir því sem á leið
fór hún að taka meiri
þátt í hugmyndavinn-
unni í kringum Fiðrilda-
vikuna. Á endanum bauðst
hún til að taka yfir stjórn Fiðr-
ildaverkefnisins. Við vissum að
það væri í góðum höndum hjá
henni. Kristín er skipulögð og
kraftmikil og leggur sig alla fram
í verkefni sem eru henni hjartans
mál.“ Hrund segir að söfnuninni
verði fylgt vel eftir og Íslendingar
fái að fylgjast með hvert pening-
arnir fara. Þeir sem vilja leggja
söfnunni lið geta hringt í síma 904-
1000, 904-3000 eða 904-5000 eftir
því hvort fólk vill gefa 1.000, 3.000
eða 5.000 krónur. Einnig er hægt að
láta fé hendi rakna á heimasíðu
samtakanna.
bergsteinn@frettabladid.is
Fiðrildaáhrif frá Íslandi
STYRKTAR- OG SAMSTARFS-
AÐILAR FIÐRILDASÖFNUN-
AR ERU:
■ Landsbankinn og Eimskip eru
bakhjarlar Fiðrildasöfnunarinnar.
■ Verslanir Eymundsson og bóka-
búð Máls og menningar gefa
500 kr. af hverju seldu eintaki af
völdum bókum.
■ Te og Kaffi gefur 100 krónur
af drykkjum mánaðarins til
Styrktar sjóðs UNIFEM.
■ Saltfélagið heldur sýningu á
hekluðum brjóstum í auk þess
sem þar verður haldið, í sam-
starfi við Vatnadansmeyjafélagið
og UNIFEM, stórglæsilegt brjósta-
uppboð föstudaginn 7. mars.
■ Yggdrasill gefur 20% af sölu
á öllu lífrænu súkkulaði frá
Rapunzel.
■ Lyf og Heilsa gefur 100 krónur
af hverri seldri vöru úr Gamla
Apótekinu.
■ World Class gefur 15% af stað-
greiddum árskortum í Baðstofu
og heilsurækt.
■ Hertz Bílaleiga gefur 10% af
þeirri upphæð sem konur greiða
fyrir að leigja bíl.
■ BAS-hópurinn (Bríet, Anna og
Soffía) efnir til Fiðrildagöngu
í kvöld klukkan 20. Gengið
verður niður á Austurvöll. Fyrir
göngunni fara tólf þjóðþekktir
einstaklingar með kyndla.
Nánari upplýsingar má finna á unifem.is.
„Ég á nú nokkuð annríkt á morgun [í dag],“ segir
Katrín Fjeldsted læknir.
„Ég á að halda þrjá fyrirlestra eða ávörp yfir
daginn. Á hádegi verð ég með örstutt ávarp á
Lækjartorgi út frá þeim hræðilegu atburðum
sem hafa verið að gerast í Palestínu. Svo fer ég í
Neskirkju og ræði við eldri borgara. Ætli ég
tali ekki um heilsugæsluna sem hornstein
heilbrigðisþjónustunnar. Svo fer ég að
lokum í Norræna húsið um kvöldið að
tala þar við fólk sem sinnir hópmeð-
ferð,“ segir hún.
Katrínu hugnast ekki fræg ummæli
aðstoðarráðherra Ísraels í vikunni um að
Palestínumenn væru að kalla yfir sig
„meiri helför“.
„Var það ekki Gandhi sem
sagði auga fyrir auga og þá
verður allur heimurinn blindur?
Þetta er svoleiðis. Það er engin lausn því það
er alltaf verið að hefna fyrir síðustu árás. Þetta
endurtekur sig alltaf og alls staðar. Meiri hefnd
kallar á meiri hefnd.“
Læknirinn vill ekki taka sérstaka afstöðu til
áskorunar félagsins Íslands-Palestínu um að
slíta stjórnmálasambandi við Ísrael. Hún fellst
á að með því væru sterk skilaboð send
Ísraelsmönnum „en ég hef alltaf mínar
efasemdir um að slíta svona stjórnmála-
sambandi. Frá mínum bæjardyrum séð
er alltaf betra ef menn geti talað saman.
Að auki koma slíkar aðgerðir og viðskipta-
þvinganir oftast niður á almennum borgur-
um,“ segir Katrín.
„Ég vona að Ísrael heyri heiminn
kalla eftir því að þetta mál verði
leyst af virðingu á báða bóga. Það
er krafa heimsins að þessu linni.“
HVAÐ ER AÐ FRÉTTA? KATRÍN FJELDSTED LÆKNIR
Ísrael heyri heiminn kalla eftir friði
HRUND GUNNSTEINSDÓTTIR Talskona Fiðrildavikunnar segir söfnuna hafa fengið meðbyr strax frá upphafi og jafnvel náð til eyrna
framkvæmdastjóra Sameinuðu þjóðanna, Ban Ki-moon. FRÉTTABLAÐIÐ/ARNÞÓR
KONUR Í KONGÓ Konur eru oftar en ekki
þær sem fara verst út úr stríðsátökum.
Brjóstið á konunni fyrir miðju er aflagað
eftir að sýru var hellt á hana í refsing-
arskyni fyrir að reyna flýja úr kynlífs-
þrælkun í herbúðum.