Fréttablaðið - 05.03.2008, Blaðsíða 50
26 5. mars 2008 MIÐVIKUDAGUR
sport@frettabladid.is
MEISTARADEILDIN
Leikir kvöldsins - Úrslit í fyrri leik
Chelsea - Olympiakos 0-0
Real Madrid - Roma 1-2
Porto - Schalke 0-1
FÓTBOLTI Sextán liða úrslit Meist-
aradeildarinnar í fótbolta halda
áfram í kvöld þegar þrjú lið til við-
bótar koma til með að tryggja sig
inn í átta liða úrslitin.
Real Madrid hefur ekki komist í
gegnum sextán liða úrslit Meist-
aradeildar Evrópu undanfarin
fjögur tímabil og þeir verða upp
við vegg þegar liðið fær Roma í
heimsókn í kvöld.
Real Madrid datt út eftir tap
fyrir Bayern München í fyrra á
færri mörkum skoruðum á úti-
velli, liðið tapaði fyrir Arsenal
með minnsta mun 2006 og síðan
sló Juventus liðið út eftir fram-
lengingu árið 2005. Að þessu sinni
þarf liðið að vinna upp eitt mark
frá því í 1-2 tapi fyrir Roma á úti-
velli.
Real Madrid fagnar því að fá
brasilíska snillinginn Robinho
aftur inn í liðið, ekki síst þar sem
Ruud van Nistelrooy er tæpur.
„Robinho er mikilvægur leik-
maður og við þurfum á honum að
halda. Þegar hann er með getum
verið rólegir því hann getur breytt
leikjum og skorað mörk,“ sagði
Guti á blaðamannafundi fyrir leik-
inn. „Það er nóg að vinna 1-0 en
við höfum ekki efni á neinum
mistökum. Lykillinn er að þeir
nái ekki að skora,“ bætti Guti
við.
Það er ljóst að Rómverjar
koma varlegar í þennan leik
en í þann gegn Manchester
United í fyrra þegar þeir
voru í nákvæmlega sömu
stöðu. United vann þann
leik 7-1. „Ég er búinn að
skora eitt sögulegt mark
á Bernabeu og vonast
eftir því að skora
annað,“ sagði Francesco
Totti, sem tryggði Roma
1-0 sigur á Real í riðla-
keppni Meistaradeildar-
innar árið 2002.
Chelsea-menn þurfa
einnig sigur eftir markalaust jafn-
tefli á útivelli gegn Olympiakos í
fyrri leiknum í Grikklandi. „Skila-
boðin sem við sendum á laugardag-
inn er að allt er í góðu lagi hjá
Chelsea. Ekki trúa því sem
er skrifað í blöðunum,“
sagði John Terry, fyrir liði
Chelsea. Liðið hefur enn
ekki tapað í Meistaradeild-
inni en hefur jafnframt
aðeins unnið einn af
þremur heimaleikj-
um sínum. Olympia-
kos vann aftur á móti
bæði Werder Bremen
og Lazio á útivelli í riðla-
keppninni og skoraði tvö
mörk hjá Real Madrid á
Bernabeu.
- óój
Þrír spennandi leikir fara fram í sextán liða úrslitum Meistaradeildarinnar í knattspyrnu í kvöld:
Kemst Real Madrid loksins í 8 liða úrslit?
GÓÐ INNKOMA Robinho
snéri aftur eftir meiðsli og
skoraði tvö mörk um síð-
ustu helgi. NORDICPHOTOS/AFP
Hannes Þ. Sigurðsson, framherji norska liðsins Viking frá
Stafangri, hefur undanfarið verið orðaður við sænska úrvals-
deildarliðið GIF Sundsvall í norskum fjölmiðlum og hann
staðfesti í viðtali við Fréttablaðið í gær að hann væri í það
minnsta líklega á förum frá norska félaginu.
„Ég hef komið því á framfæri við forráðamenn
Viking að ég sætti mig ekki við að sitja mikið á vara-
mannabekknum og í framhaldi af því komumst við
að samkomulagi um að það yrði líklega best fyrir alla
aðila að ég myndi spila fyrir eitthvað annað lið á næstu
leiktíð,“ sagði Hannes og kvaðst spenntur fyrir hugsanleg-
um félagsskiptum til GIF Sundsvall.
„Það er náttúrlega ekkert frágengið með GIF Sundsvall en
vissulega er það spennandi kostur,“ sagði Hannes að lokum.
Cain Dotson, yfirmaður íþróttamála hjá GIF Sundsvall, staðfesti
í viðtali við Fréttablaðið í gær að sænska félagið hefði áhuga á
Hannesi.
„Við erum að leita okkur að kraftmiklum framherja og
Hannes Þ. Sigurðsson er eitt af þeim nöfnum sem við erum
með á blaði hjá okkur. Við vonumst líka til þess að vinátta Hannesar
við Sverri Garðarsson eigi eftir að verða til þess að sannfæra hann
enn frekar um að koma til okkar ef samningar um kaupverð
nást,“ sagði Dotson sem kvað fjárfestingarfyrirtækið, sem stóð
að kaupunum á Sverri Garðarssyni frá FH, vera að kanna
jarðveginn fyrir mögulegum félagsskiptum Hannesar.
„Fjárfestingarfyrirtækið AB Norrlandsinvest hjálpaði
okkur með kaupin á Sverri og nokkrum öðrum leikmönn-
um, en GIF Sundsvall á samt alltaf einhverja prósentu í
samningi leikmannanna. Þátttaka AB Norrlandsinvest er hins
vegar þeim annmörkum háð að viðkomandi leikmenn þurfa
að vera á réttum aldri og hafa ákveðna framtíðarsýn og
metnað til þess að spila í sterkari deild. Hannes uppfyllir þær
kröfur og AB Norrlandsinvest hefur þegar lagt inn tilboð
fyrir okkar hönd og við áttum í viðræðum við Viking og
umboðsmann Hannesar í framhaldi að því. Þó svo að
fyrsta tilboðinu hafi verið hafnað vonumst við til þess
að félagsskiptin séu ekki úr sögunni og félögin nái sam-
komulagi á næstu dögum,“ sagði Dotson að lokum.
HANNES Þ. SIGURÐSSON, VIKING: ER Á INNKAUPALISTA SÆNSKA ÚRVALSDEILDARFÉLAGSINS GIF SUNDSVALL
Sama fyrirtæki og keypti Sverri bauð í Hannes
NFL Þau stórtíðindi bárust frá
Wisconsin-ríki í gær að einn besti
leikstjórnandi í sögu NFL, Brett
Favre hjá Green Bay Packers,
hefði lagt hjálminn á hilluna.
Favre sagðist vera orðinn andlega
þreyttur.
Favre á hreint stórkostlegan 17
ára feril að baki í deildinni þar
sem hann var þrívegis valinn
besti leikmaður hennar. Hann
vann Super Bowl-leikinn tvívegis.
Favre fór hreint á kostum á
síðustu leiktíð þar sem hann
stýrði ungu liði Packers mjög
óvænt næstum alla leið í sjálfan
Super Bowl. Í leiðinni sló hann
fjölda meta og þar á meðal yfir
flestar snertimarkssendingar
sem Dan Marino átti.
Favre var mikill harðjaxl og
var í byrjunarliði oftar en nokkur
annar leikmaður í sögu NFL.
Skipti engu þó hann væri eitthvað
meiddur eða að faðir hans hefði
dáið degi fyrir leik. Hann var
mættur í alla leiki.
Miðað við tímabilið var fastlega
búist við því að Favre héldi áfram
en hann kom á óvart með því að
hætta rétt eins og hann kom á
óvart tvö tímabil þar á undan með
því að hætta ekki þegar lítið gekk
upp hjá Packers. - hbg
Tímamót í NFL-deildinni:
Favre hættur
BLESS Brett Favre hefur leikið sinn
síðasta leik fyrir Packers.
NORDIC PHOTOS/GETTY IMAGES
VIP TICKETS TO MAN UTD
CHAMPIONS LEAGUE TICKETS
TEAM TRAVEL
SCHOLARSHIPS TO USA
www.gosports.is
Sími: 893-3477
Email: info@gosports.is
KÖRFUBOLTI Keflavíkurkonur geta
orðið deildarmeistarar í Iceland
Express-deild kvenna þegar þær
heimsækja KR í DHL-höllina
klukkan 20 í kvöld.
Keflavík verður meistari svo
framarlega sem KR vinnur ekki
meira en þriggja stiga sigur, en
fyrir leikinn hefur Keflavík
fjórum stigum meira en KR. KR
getur einungis náð Keflavík að
stigum og verður því að vera með
betri stöðu út úr innbyrðisviður-
eignum. - óój
Iceland Express-deild kvenna:
Verður Keflavík
deildarmeistari?
FÓTBOLTI Íslenska kvennalands-
liðið mætir Pólland í dag í fyrsta
leik sínum á Algarve Cup í
Portúgal.
Ísland hefur mætt Pólverjum
tvisvar áður hjá A-landsliðum
kvenna en liðið vann tvo leiki með
fjórtán daga millibili í september
2003. Sá fyrri vannst 10-0 á
Laugardalsvelli en sá síðari 3-2 í
Póllandi. Margrét Lára Viðars-
dóttir skoraði 4 mörk í þessum
tveimur leikjum. Pólverjar mættu
Írum í síðasta mánuði og töpuðu
4-1 en Írar eru einnig í riðli
Íslands á mótinu alveg eins og
heimamenn í Portúgal. - óój
Kvennalandsliðið á Algarve:
Byrja gegn Pól-
landi í dag
FJÖGUR MÖRK Margrét Lára Viðarsdóttir
hefur skorað 4 af 29 landsliðsmörkum
sínum gegn Póllandi. FRÉTTABLAÐIÐ/E.ÓL.
> Blikar upp í úrvalsdeild
Breiðablik tryggði sér sæti í Iceland Express
deild karla með 64-62 sigri á Val í Smáranum
í gær. Hinn 19 ára gamli Rúnar Ingi Erlingsson
sem tryggði Blikum sigurinn á vítalínunni
sjö sekúndum fyrir leikslok. Blikar héldu
Valsmönnum í aðeins fjórum stigum í 3.
leikhluta og náðu mest 13 stiga forskoti
en Valsmenn voru komnir fimm stigum
yfir, 57-62, þegar innan við þrjár mínútur
voru eftir. Blikar lokuðu þá aftur vörninni
og skoruðu sjö síðustu stigin í leiknum.
Breiðablik er þar með deildarmeistari og
komið upp í úrvalsdeild í fyrsta sinn síðan
2004. Liðin í 2. til 5. sæti fara í úrslita-
keppni og berjast þar um hitt sætið.
FÓTBOLTI Ensku liðin Arsenal,
Manchester United komust í átta
liða úrslit Meistaradeildarinnar
ásamt Barcelona og Fenerbahce.
Leikur Evrópumeistara AC
Milan og Arsenal á San Siro-leik-
vanginum í Mílanóborg var bráð-
fjörugur. Gestirnir í Arsenal
hleyptu leiknum upp með því að
pressa heimamenn hátt uppi á
vellinum og hraðinn var því mik-
ill. Arsenal var meira með boltann
og náði að halda pressunni ágæt-
lega þó svo að AC Milan hafi náð
sér ágætlega á strik um miðbik
fyrri hálfleiks Arsenal fékk besta
færið í fyrri hálfleik á 34. mínútu
þegar Cesc Fabregas átti skot í slá
en staðan var 0-0 í hálfleik.
Arsenal hélt pressunni áfram í
síðari hálfleik; liðið skapaði sér
fín færi og Philippe Senderos og
Emmanuel Eboué misnotuðu báðir
góð færi snemma í seinni hálf-
leik.
Það dró til tíðinda á 84. mínútu
þegar hávaxinn markvörður AC
Milan réði ekki við langskot Fabre-
gas og staðan því 0-1 og róðurinn
orðinn þungur fyrir AC Milan.
Emmanuel Adebayor innsiglaði
glæsilegan og verðskuldaðan
sigur Arsenal með marki í uppbót-
artíma eftir góðan undirbúning
Walcott og Evrópumeistarar AC
Milan því úr leik.
Ronaldo gulls ígildi
Það var fyrirséð að Frakklands-
meistarar Lyon þyrftu að skora á
Old Trafford gegn Englandsmeist-
urum Manchester United til þess
að eiga von um að komast áfram í
átta liða úrslitin en liðið var þó
frekar varkárt og beitti skyndi-
sóknum í fyrri hálfleik. United
virkaði líklegra til að skora og það
varð raunin þegar Cristiano Ron-
aldo var réttur maður á réttum
stað. Skot Andersons fór í varnar-
mann Lyon og eftir klafs í teignum
barst boltinn í lappirnar á Ron-
aldo, sem skoraði af stuttu færi og
það reyndist eina mark leiksins.
United komst þar með í átta liða
úrslitin og ennfremur jafnaði liðið
met Juventus með 10. heimasigri
sínum í röð í Meistaradeildinni.
Dýrkeyptur sigur Barcelona
Eins og fyrir var spáð var Barce-
lona nokkrum númerum of stórt
fyrir Celtic á Nývangi og Xavi
kom Börsungum yfir með marki
strax á 3. mínútu. Það var eina
mark leiksins en sigurinn var dýr-
keyptur fyrir Barcelona þar sem
Lionel Messi meiddist illa í leikn-
um. Eiður Smári Guðjohnsen lék
síðustu átta mínúturnar fyrir Bar-
celona.
Það var markaveisla hjá Sevilla
og Fenerbahce og lokatölur urðu
3-2 eins og í fyrri leiknum og því
þurfti að framlengja. Fenerbache
vann að lokum í vítaspyrnuspyrnu-
keppni 2-3. omar@frettabladid.is
Evrópumeistararnir úr leik
Arsenal, Manchester United, Barcelona og Fenerbahce tryggðu sér farseðilinn í
átta liða úrslit Meistaradeildar Evrópu í gær. Arsenal sló AC Milan úr leik.
FÖGNUÐUR Hið unga og efnilega lið Arsenal stóðst prófið með tilþrifum gegn Evr-
ópumeisturum AC Milan á San Siro í gær og vann verðskuldaðan 0-2 sigur.
NORDIC PHOTOS/GETTY
ÚRSLITIN Í GÆR
AC Milan-Arsenal 0-2
0-1 Cesc Fabregas (84.), 0-2 Emm-
anuel Adebayor (90.+2).
Barcelona-Celtic 1-0
1-0 Xavi (3.).
Man. Utd-Lyon 1-0
1-0 Cristiano Ronaldo (41.).
Sevilla-Fenerbahce 3-2 (2-3 í vító)
1-0 Daniel Alves (5.), Seydou Keita
(9.), 2-1 Deivid (20.), 3-1 Frédéric
Kanoute (41.), 3-2 Deivid (79.). *
*Fenerbahce vann í vítaspyrnukeppni.