Fréttablaðið - 10.04.2008, Page 33

FIMMTUDAGUR 10. apríl 2008
Hollenski fatahönnuðurinn
Frans Molenaar sýndi á dög-
unum sumarlínuna fyrir árið
2008.
Sýningin fór fram á Amstel-hótel-
inu í Amsterdam og þótti einkenn-
andi fyrir hönnuðinn. Fáguð, falleg
og dömuleg.
Barðastórir hattar og aðskornir
jakkar í anda sjötta og sjöunda ára-
tugarins voru áberandi.
Molenaar er þekktur fyrir ein-
faldan stíl og glæsileika og gæði í
efnisvali. Eftir að hafa unnið hjá
stórum tískuhúsum í París eins og
Guy Laroche og Nina Ricci stofnaði
hann sitt eigið tískufyrirtæki í Hol-
landi árið 1967. Hann segir fata-
hönnun einungis áhugamál en kynn-
ir þó tvær línur á hverju ári og
stefnir á hundrað línur á 75 ára
afmælisdaginn sinn en hann er 68
ára. - rat
Sumarlína
Molenaar
Kvenleg höfuðföt og aðskornir jakkar
sáust í sumarlínu Frans Molenaar.
Úr háborg tískunnar
BERGÞÓR BJARNASON SKRIFAR FRÁ PARÍS
Bleikt skraut úr plasti og viði
Í töskum og skóm er ekki um að ræða neinar byltingar sumarið
2008. Fylgihlutir fylgja þeirri þróun sem hefur verið í gangi síð-
ustu árstíðir. Töskur eru enn í ofurstærð og sandalar fyrir þetta
sumar eru með þykkum botni hvort sem um er að ræða fyllta
hæla, svokallaða platform-hæla eða venjulega hæla. Oft eru
sandalarnir úr strigaefni. Sólarnir eru áfram þykkir að framan,
jafnvel tveggja til þriggja sentimetra þykkir en það er mun þægi-
legra þegar hælar eru háir. Það er sömuleiðis staðreynd, hælar
eru ekkert að lækka. Reyndar má aðeins sjá skó og sandala sem
eru fínlegri og með mjórri hælum en síðustu misseri en skórnir
endurspegla þá tískulínur sem eru stílhreinni. Oft eru hælarnir
þykku úr viði og passa þá vel við klæðnaðinn í anda áttunda ára-
tugarins eins og hjá Soniu Rykiel. Í sumar verða sömuleiðis áber-
andi mjög nýstárlegir hælar með mismunandi lagi, til dæmis þrí-
hyrndir (Sergio Rossi, Fendi) eða ferkantaðir eins og finna má
hjá Marc Jacobs. Í einni útgáfu hans er hællinn aðeins á fram-
hlutanum, líkt og enginn hæll sé á afturhluta skónna. Minna er af
lökkuðu leðri en áður bæði í skóm og töskum þótt það sé ekki
alveg horfið.
Töskurnar eru eins og síðustu misseri stórar og ekki er verra
ef þær eru úr dýrum skinnum til dæmis krókódíl eins og í hvítu
og svörtu töskunum hjá Dior. Guess veðjar á strút en Gucci og
Tod‘s á snák. Yves Saint Laurent heldur sig enn við metsölutösku
sína Muse en hún hefur verið á toppnum í nokkur misseri. Eins
og skórnir endurspegla handtöskurnar sterka liti sumarsins. Til
dæmis sólgult eins og sést í striga Louis Vuitton þetta sumarið.
Skærgrænt er ríkjandi sem og blátt og rautt. Fúshíableikt er einn
aðalliturinn í sumar en einnig má sjá margar útgáfur af bleiku,
allt frá fölbleiku yfir í sterkan bleikan lit. Allir fylgihlutirnir eru
til í bleiku, skór, töskur, belti, hálsfestar og svo mætti áfram
telja. Málmlitir eru á útleið þótt enn megi finna gyllt hjá YSL og
fleirum.
Skartgripir eru áberandi og í yfirstærð. Ekki fer milli mála að
andi sjöunda og áttunda áratugarins svífur yfir vötnum. Skart-
gripir eru ekki lengur úr eðalmálmum eða dýrum steinum heldur
plexi-harðplasti sem er aðalefnið. YSL býður upp á margar mis-
munandi hálsfestar úr plexi og gylltum málmi eða risastórar
stjörnur, sömuleiðis úr plexi. Það þýðir þó ekki að þessir skart-
gripir séu á spottprís. Til dæmis er ein stjörnuhálsfesti YSL á
2.560 evrur. Plexíið er einnig í aðalhlutverki hjá Christian Lac-
roix sem hannar stór armbönd með semelíusteinum í mismun-
andi litum. Fylgihlutir sem og fatnaður lofa því litríku og lifandi
sumri. bergb75@free.fr
Skeifunni 11 • 108 Reykjavík • Sími: 517-6460 • Fax: 517-6465
www.belladonna.is
Léttar yfi rhafnir
stærðir 42-58