Fréttablaðið - 15.04.2008, Blaðsíða 43

ÞRIÐJUDAGUR 15. apríl 2008 27
G
O
T
T
F
Ó
LK
/Ö
LG
E
R
Ð
IN
FÓTBOLTI Hnefaleikakappinn
alræmdi Mike Tyson hefur boðist
til þess að veita Paul Gascoigne
aðstoð og ráðgjöf hafi hann
áhuga. Gazza var lagður inn á
geðsjúkrahús á dögunum og
Tyson telur sig hafa það sem þarf
til að aðstoða hina föllnu knatt-
spyrnuhetju.
„Ég veit allt um Gazza og tel
mig geta hjálpað honum. Mörgum
íþróttamönnum hefur gengið illa í
einkalífinu og ég er þar á meðal.
Þess vegna vil ég hjálpa. Ég tel að
Gazza sé enn stórstjarna og er til
í að hitta hann ef hann vill,“ sagði
Tyson, sem heldur fyrirlestra í
Englandi þessa dagana. - hbg
Gasciogne í vandræðum:
Tyson til í að
hjálpa Gazza
TYSON Vill miðla af reynslu sinni og
hjálpa Gazza. NORDIC PHOTOS/GETTY IMAGES
FÓTBOLTI Það virðist allt loga stafna
á milli á skrifstofum Liverpool.
Þrátt fyrir ágætt gengi innan
vallar þessa dagana er lítil stemn-
ing hjá eigendum og knattspyrnu-
stjóra félagsins.
Eigendurnir bandarísku –
George Gillett og Tom Hicks – tala
ekki lengur saman, annar þeirra
vill reka Rick Parry framkvæmda-
stjóra og nú hefur enn fremur
komið í ljós að Parry sat fund með
eigendunum í nóvember þar sem
þeir hittu Jürgen Klinsmann að
máli.
Rafa Benitez, knattspyrnustjóri
félagsins, er eðlilega ekki kátur
með að æðstu yfirmenn félagsins
séu að hitta aðra þjálfara án hans
vitundar.
„Ég mun ræða við stjórn félags-
ins eins fljótt og mögulegt er. Ég
er mjög rólegur en vil fá skýr
svör. Ég get ekki neitað því að
vera hissa yfir því sem ég hef
verið að lesa. Ég vil hreinsa and-
rúmsloftið og fá skýra sýn á þá
stöðu sem er uppi. Ég mun spyrja
ákveðinna spurninga. Ég mun
ræða við þá og það ætla ég að gera
sem fyrst. Við erum að tala um
daga eða jafnvel klukkutíma,“
sagði Benitez eftir sigurleik Liver-
pool gegn Blackburn um
helgina.
Varúðarráðstafanir að tala
við Klinsmann
Ástæðan fyrir fundahöld-
unum með Klinsmann
var staða Benitez
hjá félaginu en á
þessum tíma
gekk liðinu
mjög illa í
deildinni
og útlit var
fyrir að
liðið kæm-
ist ekki
áfram í
riðlakeppni
Meistara-
deildar-
innar.
Það var
samt ekki
fyrr en í
janúar síð-
astliðnum
sem Tom Hicks, annar eig-
andi Liverpool, viður-
kenndi að fundur inn
hefði farið fram en
þá var talið að
aðeins hann
hefði hitt Klinsmann. Hicks sagði
að viðræðurnar hefðu verið var-
úðarráðstafanir ef Benitez myndi
hverfa á braut.
Rick Parry ku ekki hafa verið
hrifinn af þessum viðræðum við
Klinsmann og á að hafa varað eig-
endurna við að allt yrði vitlaust ef
það læki út að þeir hefðu hitt Klins-
mann. Það hefur nú gerst. Parry
fór á endanum til fundarins í
Bandaríkjunum en af því að honum
var skipað að fara. Hann segist
vera til í að ræða við Benitez.
„Ég er miklu meira en til í að
setjast niður með Rafa og fara yfir
þessa stöðu,“ sagði Rick Parry
framkvæmdastjóri en ljóst má
vera að eitthvað mun undan láta á
næstunni í öllum þessum hasar.
- hbg
Innanbúðarátök hjá Liverpool stigmagnast á hverjum degi:
Rafa Benitez vill skýr svör
frá stjórnendum félagsins
RAFA BENITEZ
Knattspyrnu-
stjóri Liverpool
er ekki sáttur
við ástandið
í herbúðum
félagsins
þessa dag-
ana.
NORDIC PHOTOS/
GETTY IMAGES
TOM HICKS OG GEORGE GILLETT Samstarf eigenda Liverpool hefur
hríðversnað síðustu vikur og í dag talast þeir ekki við. NORDIC PHOTOS/GETTY IMAGES