Fréttablaðið - 16.04.2008, Blaðsíða 2

2 16. apríl 2008 MIÐVIKUDAGUR
DÓMSMÁL Emanuelis Kaukanaukas, þrítugur Lithái,
var í gær dæmdur í nítján mánaða fangelsi í Héraðs-
dómi Reykjavíkur. Hann braut endurkomubann, auk
þess sem hann átti átján mánaða fangelsisrefsingu
óafplánaða vegna smygls á miklu magni af metamf-
etamíni.
Kaukanaukas var ásamt landa sínum dæmdur í
þriggja ára fangelsi fyrir að hafa reynt að smygla
um fjórum kílóum af metamfetamíni hingað Nor-
rænu í júní 2005.
Þeir fluttu með sér bíl til landsins. Við skoðun á
honum kom í ljós að þverbiti við undirvagninn aft-
anverðan var holur að innan. Þar fundust samtals 26
pakkningar með metamfetamíni. Þær höfðu verið
vættar með sítrusolíu, sem talin er geta villt um
fyrir leitarhundum. Við frekari leit fundust fleiri
leynihólf sem talið er að hafi verið útbúin til að
smygla varningi með bifreiðinni.
Kaukanaus var sleppt lausum 22. desember 2006,
eftir að hann hafði afplánað helming refsingarinnar.
Honum var þá birt brottvísun sem hann skrifaði
undir.
Hann braut endurkomubannið þegar hann kom
til landsins, þar sem hann var handtekinn 7. apríl.
Honum var svo birt ákæra í málinu í gær og
dæmdur að því loknu. ■
Í HÖFN Á SEYÐISFIRÐI Mennirnir voru teknir með fíkniefnin við
komuna til Seyðisfjarðar.
Átti óafplánaðan margra mánaða fangelsisdóm fyrir stórfellt fíkniefnasmygl:
Dæmdur dópsmyglari í end-
urkomubanni fékk 19 mánuði
LÖGREGLUMÁL Pólverjinn Prem-
yslaw Plank, sem grunaður er um
aðild að morði og er eftirlýstur í
heimalandi sínu, var úrskurðaður
í gæsluvarðhald til 6. maí í
Héraðsdómi Reykjavíkur í gær.
Lögreglan á höfuðborgarsvæð-
inu hefur ítrekað haft afskipti af
málum þar sem Plank hefur komið
við sögu. Kveikjan að því að farið
var að fylgjast með honum var
innrás hans og tveggja annarra
landa hans í hús við Sævang í
Hafnarfirði, þar sem fyrir voru
landar þeirra. Þar voru innrásar-
mennirnir með ruddaskap og hót-
anir en gengu þó ekki í skrokk á
mönnunum. Áður hafði þetta sama
gengi ráðist á einn þeirra sem
fyrir var í húsinu í Hafnarfirði og
slasað hann. Hann vildi alls ekki
leggja fram kæru hjá lögreglunni
af ótta við hefndir.
Plank hafði einnig verið hand-
tekinn ásamt fleirum í Árbæ. Þar
var lögreglan kölluð til vegna
óláta. Mennirnir voru handteknir
en sleppt að loknum yfir-
heyrslum.
Fólk af pólskum uppruna, búsett
hér á landi, hefur alloft kvartað til
lögreglu vegna þess að Plank og
félagar hafi heimtað af því pen-
inga með hótunum og látum. Lög-
regla segir að fólkið borgi til þess
að fá að vera í friði, en þori alls
ekki að leggja fram formlega
kæru.
Plank er grunaður um að tengj-
ast Niedzióla-klíkunni í Póllandi,
en hann hefur neitað því með öllu.
Plank fékk réttargæslumann í
fyrrakvöld eftir að hann hafði
verið handtekinn. Hluti gagna frá
lögreglunni í Póllandi um rann-
sókn á morðmálinu barst hingað í
gær. Framsalsmál eru afgreidd á
milli dómsmálaráðuneyta viðkom-
andi landa og dómsmálaráðuneyt-
ið íslenska tekur afstöðu til fram-
sals hans, sem meðal annars er
byggð á þessum gögnum. Þá
ákvörðun getur hann kært til Hér-
aðsdóms og síðan til Hæstaréttar,
uni hann ekki dómi í héraði.
Undirskriftasöfnun stendur nú
yfir meðal Pólverja búsettum hér
á landi, að sögn ræðismanns Pól-
lands hér, þar sem þeir hyggjast
hvetja íslensk stjórnvöld til að
hafa betra eftirlit með hugsanleg-
um sakaferli þeirra sem hingað
koma. ■
Í gæsluvarðhald eftir
hótanir og ofbeldi
Premyslaw Plank, maðurinn sem grunaður er um aðild að hrottalegu morði í Pól-
landi, var úrskurðaður í gæsluvarðhald í gær. Lögregla hér á landi hefur ítrekað
haft afskipti af hótana- og ofbeldismálum þar sem hann hefur komið við sögu.
Í GÆSLUVARÐ-
HALD Tveir
lögreglumenn
færðu Plank
fyrir dómara
í gær, þegar
myndin var
tekin. Hann var
úrskurðaður í
þriggja vikna
gæsluvarðhald.
Fljótlegt og gott
Elísabet, ertu alveg bit yfir
þessari söfnun?
„Ég er þursabit en reyni bara að
brosa í gegnum tárin.“
Illugi og Hrafn Jökulssynir hafa efnt
til söfnunar fyrir tannviðgerð handa
Elísabetu systur sinni, í tilefni af
fimmtugsafmæli hennar.
VIÐSKIPTI Olíuverð náði nýjum
hæðum í gær þegar tunnan
seldist á hátt í 114 Bandaríkja-
dali.
Kom hækkunin í kjölfar
gengisfalls dalsins en áhyggjur
manna af minnkandi framboði
höfðu einnig mikil áhrif.
Þá hafði skýrsla Alþjóða
orkumálastofnunarinnar veruleg
áhrif á fjárfesta.
Í skýrslunni kemur fram að
framleiðsla Rússa á olíu dragist
saman á þessu ári, en það er í
fyrsta skipti í áratug sem slíkt
gerist. Þar er einnig lýst áhyggj-
um af því að framleiðsla Rússa
nægi ef til vill ekki til að koma til
móts við aukna alþjóðlega
eftirspurn eftir olíu. - ovd
Áhyggjur af framleiðslu Rússa:
Olíuverð í
hæstu hæðum
VIÐSKIPTI Björgólfur Thor
Björgólfsson, stjórnarformaður
Straums-Burðaráss, telur pólitískar
ástæður fyrir því að Seðlabankinn
veiti Straumi ekki leyfi til að skrá
hlutafé sitt í evrum. Þetta kom fram
í ræðu hans á aðalfundi Straums-
Burðaráss sem haldinn var í gær.
Björgólfur sagði að ef Straumur
hefði fengið sínu framgengt um að
viðskipti með hlutabréf félagsins
færu fram í evrum mætti auðveld-
lega halda því fram að hluthafar
hefðu sparað sér þau tuttugu pró-
sent sem töpuðust við gengisfall
krónunnar fyrr á þessu ári. Finnst
honum mjög erfitt að sætta sig við
slíkt tap.
Þá sýnist honum sem svo að
íslenskt efnahagsumhverfi sé nú
enn fjarri því en áður að vera fýsi-
legt fyrir alþjóðleg fjármálafyrir-
tæki og erlenda fjárfesta. Minnti
hann þar á orð sín á aðalfundi í
fyrra þar sem hann gagnrýndi
íslensk stjórnvöld sem þá töluðu
um að gera Ísland að alþjóðlegri
fjármálamiðstöð á sama tíma og
þau ynnu gegn slíku með verkum
sínum.
Hann sagði núverandi efnahags-
ástand vinna gegn þróun og vexti.
Því sé afar mikilvægt að íslensk
stjórnvöld geri allt í sínu valdi til
að koma á stöðugleika og horfi til
framtíðar við breytingar á pen-
ingastefnu sinni til að koma í veg
fyrir dýr mistök eins og þau sem
gerð hafa verið á undanförnum
mánuðum og árum. Sagðist hann
fullviss um að stjórnvöld væru
fullfær um slíkar aðgerðir.
- ovd
Björgólfur Thor Björgólfsson gagnrýnir stjórnvöld og seðlabankann harðlega:
Evran hefði hindrað gengistap
FRAKKLAND, AP
Franska þjóð-
þingið sam-
þykkti í gær
lagafrumvarp
sem miðar að
því að gera
það ólög-
legt að birta
nokkuð sem
getur látið
ofurgrannan
líkamsvöxt
virðast eftir-
sóknarverðan.
Þingið
samþykkti
frumvarpið í
atkvæðagreiðslu eftir að það hafði
fengið samhljóða stuðning stjórn-
arflokksins UMP. Efri deild þings-
ins tekur frumvarpið til afgreiðslu
á næstunni.
Talsmenn tískuiðnaðarins segja
að verði frumvarpið að lögum séu
þau róttækustu reglurnar af þessu
tagi sem nokkurs staðar eru í gildi.
Lögin munu til að mynda banna
tískublöðum, auglýsendum og net-
miðlum að hvetja til ofurgranns
líkamsvaxtar. - aa
Frumvarp á Frakklandsþingi:
Lög samþykkt
gegn átröskun
BEINABER Sýningar-
stúlka á tískusýningu
Guy Laroche í París.
FRÉTTABLAÐIÐ/AP
BJÖRGÓLFUR THOR BJÖRGÓLFSSON
Fíkniefnahundurinn Luna
Nýlega gáfu félagar í Kiwanisklúbbn-
um Helgafelli lögreglunni í Vest-
mannaeyjum fíkniefnahundinn Lunu.
Stendur gjöfin straum af kaupum og
þjálfun hundsins sem er af Springer
Spaniel kyni. Verður hann notaður í
þágu lög- og tollgæslu í baráttunni
gegn meðferð, sölu og innflutningi á
fíkniefnum.
VESTMANNAEYJAR
TYRKLAND, AP Í gær voru 53
bæjarstjórar í Tyrkland, allt
saman Kúrdar, dæmdir sekir um
að tala vel um glæpasamtök
vegna þess að þeir skrifuðu
Anders Fogh Rasmussen,
forsætisráðherra Danmerkur,
bréf þar sem þeir fóru fram á að
sjónvarpsstöð, sem er með
tengsl við kúrdneska uppreisnar-
menn, fengi að starfa áfram í
Danmörku.
Flestir bæjarstjórarnir eru í
stjórnmálaflokki sem berst fyrir
sjálfstjórn Kúrda í suðaustan-
verðu Tyrklandi. Dómstóll í
Diyarbakir dæmdi bæjarstjór-
ana fyrst í tveggja mánaða
fangelsi, en mildaði síðar
dóminn vegna góðrar hegðunar
bæjarstjóranna við réttarhöldin,
þannig að þeir þurfa nú að
greiða sekt sem nemur 900
evrum, eða um hundrað þúsund
krónum. - gb
Kúrdar í Tyrklandi:
Tugir bæjar-
stjóra dæmdir
Dýrt að nota ekki bílbelti
Lögreglan á Hvolsvelli stöðvaði
tuttugu ökumenn í gær og fyrradag
fyrir að aka bílum sínum án þess að
nota bílbelti. Sekt fyrir slíkt brot er tíu
þúsund krónur og á það jafnt við um
ökumenn og farþega.
LÖGREGLUFRÉTTIR
SPURNING DAGSINS
FERÐAMÁL Höfundur tólf bóka eða
bókarhluta af ferðahandbókunum
Lonely Planet hefur viðurkennt
að hafa stolið texta sem hann birti
sem sinn í bókunum, auk þess að
viðurkenna að hafa skáldað stór-
an hluta umfjöllunar í bókunum.
Frá þessu var greint á Vísi.is.
Í ástralska dagblaðinu Sunday
Telegraph kemur fram að meðal
annars um sé að ræða bækur
um Brasilíu, Kólumbíu, Venesú-
ela og Chile. Höfundurinn segir
útgefanda bókanna ekki hafa tímt
að greiða fyrir ferðalag hans til
Kólumbíu og því hafi hann aldrei
komið þangað, þótt hann hafi
skrifað ferðabók um landið. - ovd
Aldrei komið til Kólumbíu:
Ferðahöfundur
játar ritstuld