Fréttablaðið - 16.04.2008, Blaðsíða 27

AÐALFUNDUR TR
Aðalfundur Trésmiðafélags Reykjavíkur
verður haldinn fimmtudaginn
17. apríl nk. kl. 18:00 í Glaðheimum,
félagsheimili Hestamannafélagsins
Gusts við Álalind í Kópavogi.
Fundarefni:
1. Skýrsla stjórnar og starfsáætlun
2. Skýrslur fastanefnda
3. Reikningar félagsins og skýrsla endurskoðenda
4. Lagabreytingar (Ný lög)
5. Kosning um sameiningu Trésmiðafélags
Reykjavíkur og Félags byggingamanna Eyjafirði
6. Ákvörðun um félagsgjald og mælingagjald.
7. Lýst kjöri stjórnar og trúnaðarmannaráðs
8. Kosning fastanefnda
9. Kosning fulltrúa á aðalfund Sameinaða
lífeyrissjóðsins
10. Kosning fulltrúa á ársfund ASÍ
11. Önnur mál
Í fundarhléi verður boðið uppá kvöldverð.
Stjórn Trésmiðafélags Reykjavíkur.
ATH. Tillögur að lagabreytingum liggja frammi á skrifstofu félagsins.
Einnig er hægt að nálgast
þær á heimasíðu félagsins www.trnet.is
PÍPARAR
Erum með vana pípara á skrá sem
eru klárir til vinnu.
Krafta ehf S: 840-1616
Háseti
Vísir hf óskar eftir Háseta á Hrungnir GK-50 Hrungnir er
línuveiðiskip með beitningarvél.
Nánari upplýsingar eru gefnar í símum 856-5700 og 852-2350
FÖSTUDAGUR 28. janúar 2005 27
Arabíska lýðveldið Sýrland er með landamæri að
Tyrklandi í norðri, Írak í austri, Jórdan í suðri og
Líbanon í vestri, auk Ísraels og Miðjarðarhafsins.
Sýrland er ung þjóð
sem fékk sjálfstæði
skömmu eftir seinni
heimsstyrjöld. Hins vegar
á landið sér mikla og
langa sögu. Þar má nefna
bæina Ugarit frá 6.000
fyrir Krist og Mari frá
4.000 fyrir Krist sem fund-
ist hafa við fornleifaupp-
gröft.
Rúmlega níutíu prósent
Sýrlendinga eru arabar, þar af er hluti Palestínu-
arabar. Aðrir hópar sem búa í landinu eru meðal
annars Armenar og Kúrdar. 86 prósent íbúa eru
múslímar, þar af stærstur hluti súnnímúslímar.
Tíu til tólf prósent eru kristnir og auk þess eru
önnur minni og mismunandi trúfélög.
Sýrland hefur lengi átt í útistöðum við Tyrk-
land vegna landamæra-
deilna, auk þess sem Sýr-
land hefur verið ásakað
um að styðja uppreisnar-
her Kúrda, PKK. Enn frem-
ur hefur stöðug spenna
við Ísrael haldið Gólan-
hæðum hernumdum
síðan í sex daga stríðinu
árið 1967. Einnig er Sýr-
land stöðugt undir smásjá
bandarískra yfirvalda sem
halda því fram að Sýrlendingar styðji við hryðju-
verk gegn hinum vestræna heimi.
Sýrland framleiðir meðal annars textílvörur,
drykki, tóbak, fosfat, olíu og sement.
ÞETTA GERÐIST: 16. APRÍL 1946
Sýrland öðlast sjálfstæði
MERKISATBURÐIR
1203 Filippus II Frakkakonung-
ur sameinar Frakkland og
Normandí.
1915 Gullfoss, fyrsta skip Eim-
skipafélagsins og fyrsta
vélknúna millilandaskip-
ið sem smíðað var fyrir
Íslendinga, kemur til
Reykjavíkur.
1919 Gandhi skipuleggur mót-
mæli gegn fjöldamorðum
Breta á indverskum mót-
mælendum í Amritsar.
1954 AA-samtökin stofnuð á Ís-
landi.
1957 Bæjarráð Reykjavíkur
samþykkir að friða Árbæ
og næsta nágrenni hans
og gera að almennings-
garði.
2003 Tíu ríki skrifuðu undir
samning um inngöngu í
ESB í Aþenu.
Félagsstofnun stúdenta fagnar í ár
fjörutíu ára afmæli sínu. Stofnun-
in flutti sig um set í desember síðast-
liðnum og hefur komið sér vel fyrir í
hjarta nýja Háskólatorgsins á sjálfu
afmælisárinu.
„Hlutverk stofnunarinnar er fyrst
og fremst að þjónusta stúdenta við
Háskóla Íslands. Þá á ég við rekstur
á Stúdentagörðunum þar sem eru sjö-
hundruð og ellefu leigueiningar, bæði
fyrir einstaklinga og fjölskyldur, Bók-
sölu stúdenta, sem þjónustar allt há-
skólastigið hérlendis, þrjá leikskóla,
næstum því allan veitingarekstur á
háskólasvæðinu, meðal annars Hámu
sem er nýr veitingastaður á Háskóla-
torginu, sex kaffistofur víða á svæð-
inu og Stúdentamiðlun þar sem við
miðlum hluta- og sumarstörfum fyrir
námsmenn. Síðan hýsum við líka Ný-
sköpunarsjóð námsmanna,“ segir
Guðrún Björnsdóttir, framkvæmda-
stjóri stofnunarinnar.
Félagsstofnun stúdenta er að sögn
Guðrúnar sjálfseignarstofnun án
nokkurra styrkja og markmiðið er að-
eins að standa undir rekstri. „Það eina
sem við tökum við er hluti af innrit-
unargjaldi Háskóla Íslands. Það fjár-
magn er þó ekki hugsað í almennan
rekstur. Heldur til að gera eitthvað
fyrir stúdentana. Þetta er engin hagn-
aðarstofnun og einu kröfurnar sem
við gerum er að hún standi undir sér
og að við skilum alltaf nægu fé í við-
haldssjóði á Stúdentagarðana. Einnig
er verðlagning í veitingasölu miðuð
við núllrekstur,“ útskýrir Guðrún sem
hefur sinnt starfi framkvæmdastjóra
síðastliðin níu ár. „Starfið er ótrúlega
skemmtilegt. Fyrir það fyrsta er það
ofsalega fjölbreytt. Síðan eru stúd-
entarnir svo skemmtilegur viðskipta-
hópur. Þau eru svo orkumikil og áköf.
Þau veita okkur stíft aðhald og senda
okkur óspart tóninn ef við getum gert
betur. Síðan eru þau líka svo þakk-
lát fyrir það sem vel er gert,“ segir
Guðrún brosandi.
Hún var á sínum tíma stúdent í við-
skiptafræði í Háskóla Íslands og segir
stofnunina hafa breyst þó nokkuð á
þessum árum. „Ég man vel eftir mínum
stúdentaárum. Þá leitaði maður gjarn-
an í Bóksöluna en þá var stofnunin á
jaðri svæðisins. Eftir að við fluttum
inn á Háskólatorg finnst mér við vera
að stimpla okkur inn alveg upp á nýtt
á sjálfu afmælisárinu. Við erum alveg
í miðjunni, í sjálfu hjartanu og þar a
leiðandi sýnilegri og vonandi aðgengi-
legri fyrir stúdentana,“ segir Guðrún.
Þegar stofnunin var sett á lagg-
irnar var að sögn Guðrúnar litið
til nágrannalandanna eftir góðum
ráðum og þá helst til frænda okkar á
Norðurlöndunum.
„Við byggjum starfsemina að ein-
hverju leyti eftir finnskri fyrirmynd.
Það er margt sem við gerum eins og þau
og við heimsækjum Finnana reglulega
enn þann dag í dag. Í húsnæðismálum
höfum við hinsvegar leitað til Noregs
og lítum á þeirra starfsemi sem fyr-
irmynd,“ útskýrir Guðrún, sem segir
starfsemina að sjálfsögðu hafa aukist
og breyst síðastliðin fjörutíu ár.
„Í upphafi var stofnunin aðeins
með Bóksöluna og Gamla garð. Síðan
þá hefur orðið víðtæk breyting. Þjón-
ustustigið hefur víkkað og hækkað
verulega og blásið út á alla kanta, ef
svo má að orði komast,“ segir Guð-
rún.
Í dag telur hún húsnæðismálin
brýnust, bæði meðal stúdenta og hjá
Félagsstofnuninni sjálfri.
„Á hverju hausti eru sjö til átta
hundruð námsmenn sem ekki fá hús-
næði hjá okkur. Við getum hýst sjö
prósent en ég segi gjarnan að ég vilji
geta hýst helmingi fleiri eða 15 pró-
sent stúdenta. Þarna kreppir skóinn
helst að og þess vegna segi ég alltaf
að okkur vanti helmingi fleiri leigu-
einingar en við höfum í dag,“ segir
Guðrún og bætir við: „Við höfum gert
rammasamkomulag um byggingu á
600 leigueiningum á næstu fjórum
árum, en það verður að segjast eins
og er að við erum orðin mjög óþolin-
móð.“
Afmælinu verður að sjálfsögðu
fagnað, að sögn Guðrúnar, en í stað
stórrar veislu verða margir smærri
viðburðir. „Við buðum upp á tónleika
með hljómsveitinni Flís núna í byrjun
apríl sem lið í afmælisveislunni. Síðan
tökum við því rólega vegna prófa en
höldum áfram á haustönn. Þá verða
fleiri tónlistarviðburðir í boði ásamt
öðrum skemmtilegum viðburðum til
að minna á út árið að við eigum 40
ára afmæli,“ segir Guðrún ánægð. Sjá
nánari upplýsingar á www.fs.is.
rh@frettabladid.is
FÉLAGSSTOFNUN STÚDENTA: FAGNAR FJÖRUTÍU ÁRA AFMÆLI ÚT ÁRIÐ
Við erum að stimpla okkur
inn alveg upp á nýtt á árinu
ORKUMIKLIR „Stúdentarnir eru stórkostlegur viðskiptahópur. Þeir veita okkur stíft aðhald og senda okkur óspart tóninn ef við getum gert betur.
Síðan eru þeir svo þakklátir fyrir það sem vel er gert,“ segir Guðrún Björnsdóttir, framkvæmdastjóri. FRÉTTABLAÐIÐ/ARNÞÓR
Auglýsingasími
– Mest lesið