Fréttablaðið - 16.04.2008, Blaðsíða 14

14 16. apríl 2008 MIÐVIKUDAGUR
ÚGANDA, AP Nítján börn og tveir
fullorðnir létust þegar eldur
kviknaði í heimavist skóla í
bænum Kampala í Úganda.
Grunur leikur á að kveikt hafi
verið í af ásetningi.
„Bráðabirgðarannsókn sýnir að
þarna hafi verið framin morð,“
sagði Kale Kaihura, yfirmaður
rannsóknarlögreglunnar, eftir að
hafa rætt við kennara og
nemendur skólans.
Þegar eldurinn barst í sjálft
skólahúsið var heimavist stúlkna
að mestu brunnin til grunna. Á
heimavistinni voru 58 stúlkur, en
sumum þeirra tókst að komast út
um glugga. - gb
Grunur um íkveikju í skóla:
Nítján börn lét-
ust í eldsvoða
ÚTIVIST Göngustígurinn sem liggur
frá Ægisíðu upp í Elliðaárdal verð-
ur víkkaður til muna í sumar og
samhliða honum verður lagður
nýr stígur eingöngu ætlaður fyrir
hjólreiðamenn. Aðgerðirnar ganga
undir nafninu Göngum meira,
hjólum lengra og eru liður í átaks-
verkefninu Grænum skrefum í
Reykjavík.
Gísli Marteinn Baldursson í
skipulagsráði Reykjavíkurborgar
segir markmiðið með þessum
aðgerðum fyrst og fremst vera að
auka umferðaröryggi á stígnum
þannig að ekki ægi öllu saman,
gangandi, hjólandi og skautandi
vegfarendum: „Að mér vitandi hafa
ekki orðið alvarleg slys á stígnum
hingað til en vissulega hafa orðið
árekstrar. Því er kjörið að grípa til
aðgerða áður en einhver verður
fyrir alvarlegum meiðslum.“
Frumhönnun breytinga á stígn-
um hefur staðið yfir í nokkra mán-
uði og er langt á veg komin.
Aðgerðir hefjast svo í sumar.
„Við ætlum að gera leiðina bæði
beinni og öruggari fyrir gangandi
og hjólandi vegfarendur. Sér hjóla-
stígur verður lagður þar sem fólk
getur hjólað á miklum hraða án
þess að að valda þeim sem gang-
andi eru óþægindum. Einnig
ætlum við að lýsa stíginn betur
upp og leggja hann upp á nýtt á
köflum þannig að brekkum og
beygjum fækki. Stígurinn er eitt
best nýtta útivistarsvæði borgar-
innar og þetta er þarft framtak,“
segir Gísli. - kg
Göngustíg frá Ægisíðu upp í Elliðaárdal verður breytt í sumar:
Göngustígurinn verður beinni og öruggari
STÆKKAÐUR Framkvæmdirnar í sumar
gera stíginn beinni og öruggari.
FRETTABLAÐIÐ/JAK
Drullusokkar halda sýningu
Mótorhjólafélagið MC Drullusokkar
2008 hefur fengið leyfi frá menning-
ar- og tómstundaráði Vestmannaeyja
til fá gamla salinn í íþróttahúsinu
endurgjaldslaust undir mótorhjóla-
sýningu svo fremi sem sýningin
stangist ekki á við aðrar bókanir í
húsinu.
VESTMANNAEYJAR
Má veiða mink
Einn íbúa Sandgerðis hefur fengið
umbeðið leyfi frá bæjarráði til að
veiða mink í landi sveitarfélagsins.
SANDGERÐI
STJÓRNMÁL Verði frumvarp sam-
gönguráðherra að lögum leggst
gjald á þá eigendur eða umráða-
menn bíla sem ekki færa þá til
skoðunar á réttum tíma.
Miðað er við að gjaldið verði 15
þúsund krónur og að það greiðist
þegar farið er með bíl í skoðun.
Gert er ráð fyrir að gjaldið geti
lækkað í 7.500 krónur ef greitt er
innan ákveðins tíma og hækkað í
30 þúsund krónur ef ekki er greitt
samhliða skoðun.
Í athugasemdum frumvarpsins
kemur fram að við síðustu áramót
voru rúmlega 258 þúsund ökutæki
skráð í landinu. Þar af voru rúm-
lega 25 þúsund óskoðuð. Er það
rétt tæplega tíundi hluti allra öku-
tækja. „Þessi vanræksla hefur
verið áhyggjuefni árum og ára-
tugum saman,“ segir í athuga-
semdunum og að skilvirk úrræði
hafi skort til eftirfylgni. Þá segir
að ætla megi að hluti óskoðaðra
ökutækja í umferðinni sé í lélegu
ástandi og geti skapað hættu.
Í gildandi lögum er heimild
fyrir lögreglu að leggja á gjald
vegna vanrækslu á að færa öku-
tæki til skoðunar. Þá heimild hefur
lögregla hins vegar ekki nýtt, að
því er fram kemur í athugasemd-
um frumvarpsins. Þar segir líka
að þyki einhverjum fyrirhugað
gjald vegna trassaskaparins hátt
megi benda á að auðveldlega megi
komast hjá því að það sé lagt á.
- bþs
Allt að 30 þúsund króna gjald lagt á þá sem trassa að láta skoða bílana sína:
Óskoðaðir bílar eru 25 þúsund
Í UMFERÐINNI Einn af hverjum tíu bílum
sem skráðir eru í landinu er óskoðaður.
FRÉTTABLAÐIÐ/STEFÁNAFMÆLI Í JAPAN Disneyland í Japan
hélt upp á 25 ára afmæli sitt með
pompi og pragt á þriðjudaginn, meðal
annars með heilmikilli flugeldasýningu
við Öskubuskuhöllina. FRÉTTABLAÐIÐ/AP
Eitt barn á biðlista
Aðeins eitt barn er á biðlista á leik-
skólanum Lækjarbrekku í Hólmavík,
sem nú auglýsir eftir starfsfólki í tvö
störf auk afleysingamanneskju, að því
er fram kemur á strandir.is.
HÓLMAVÍK
FJÖLSKYLDUBÍLLINN
SEM EYÐIR SVO
MIKLU MIKLU MINNA.
Skoda Octavia 1,9 TDI® - 4,9 lítrar á hundraðið
Skoda Octavia er vandaður og ríkulega útbúinn verðlaunabíll í fullri stærð með pláss fyrir alla
fjölskylduna og rúmgott farangursrými. Nýja TDI® dísilvélin, skilar miklu og jöfnu afli og býr yfir
frábærum aksturseiginleikum. Skoðaðu Skoda Octavia - bílinn sem eyðir svo miklu miklu minna.