Fréttablaðið - 16.04.2008, Blaðsíða 8
8 16. apríl 2008 MIÐVIKUDAGUR
1. Hversu margir þingmenn
voru erlendis á vegum Alþingis
á mánudag?
2. Hver mun taka við embætti
forsætisráðherra á Ítalíu í kjöl-
far kosninga á mánudag?
3. Hver mun stjórna Eurovision-
þætti hjá Sjónvarpinu í aðdrag-
anda keppninnar í ár?
SJÁ SVÖR Á SÍÐU 30
VINNUMARKAÐUR Kristján
Möller samgönguráðherra
ætlar á næstu dögum að
afhenda Eftirlitsstofnun
EFTA beiðni um undan-
þágu fyrir Ísland frá nýrri
reglugerð ESB um akst-
urs- og hvíldartíma
atvinnuökumanna í sam-
ræmi við undanþáguheim-
ildir reglugerðarinnar.
Undanþágubeiðnin
gengur út á að heimilt
verði að lengja daglegan aksturs-
tíma í allt að ellefu klukkustundir
tvisvar í viku á akstursleiðum yfir
400 kílómetra. Þetta kemur fram á
vef Samtaka atvinnulífsins.
Ný reglugerð ESB um aksturs-
og hvíldartíma ökumanna mun
þrengja að erfiðum vinnu-
skilyrðum atvinnubíl-
stjóra. Samkvæmt reglu-
gerðinni er daglegur
hámarks aksturstími níu
stundir, en heimilt verður
að lengja hann í tíu stundir
tvisvar í viku. Þá verður
ökumaður að gera hlé á
akstri í minnst 45 mínútur
samfellt eftir akstur í fjóra
og hálfa klukkustund.
Undir þessar reglur og
þar með skyldu til að hafa ökurita í
bifreiðinni munu nú einnig falla
minni farþegaflutningabifreiðar
fyrir fleiri en níu farþega að öku-
manni meðtöldum. Reglurnar mið-
uðust áður við ökutæki sem ætluð
voru fyrir fleiri en 17 manns. - ghs
KRISTJÁN MÖLLER
Sótt um undanþágu vegna aksturs- og hvíldartíma:
Bílstjórum verði heimilt
að aka í ellefu tíma
STJÓRNMÁL „Allt atvinnuleysi er
áhyggjuefni og það er óásættan-
legt ef atvinnuleysi þre- eða fjór-
faldast,“ segir Jóhanna Sigurðar-
dóttir félagsmálaráðherra.
Í nýrri þjóðhagsspá fjármála-
ráðuneytisins er því spáð að
atvinnuleysið verði 3,8 prósent á
næsta ári og 3,5 prósent árið 2010.
Spáin er í takt við það sem áætlað
hefur verið í félagsmálaráðuneyt-
inu.
Sem stendur er atvinnuleysið
um eitt prósent en því er spáð að
það hækki nokkuð þegar líður á
árið.
Jóhanna segir horfur á að störf-
um muni helst fækka í byggingar-
iðnaði og mannvirkjagerð, það
verði því einkum hefðbundin
karlastörf sem tapist. Hún segir
jafnframt líklegt að útlendingum í
vinnu hér fækki. Þeir eru nú um
17.500 en vísbendingar séu um að
þeim fækki um 3.000 seinni part
þessa árs og á því næsta og verði
þá um 14.000.
Atvinnuleysistryggingasjóður
annast greiðslur til atvinnulausra.
Rúmum sex milljörðum er varið á
fjárlögum ársins í ár til greiðslu
atvinnuleysisbóta. Jóhanna segir
ljóst að veita þurfi hærri fjárhæð-
um til sjóðsins til að mæta fyrir-
sjáanlegu atvinnuleysi. „Við þurf-
um að búa okkur undir það enda
stendur sjóðurinn ekki undir meira
atvinnuleysi en upp á um 2,4 pró-
sent áður en gengið er á eigið fé
hans,“ segir Jóhanna. Um aðrar
aðgerðir segir hún of snemmt að
segja. „Þegar svona spá kemur
fram hljótum við að setjast yfir
hana og sjá hvernig hægt verður
að bregðast við, en það er of
snemmt að segja til um hvernig
brugðist verður við,“ segir hún.
Seðlabankinn spáir ívið meira
atvinnuleysi en fjármálaráðuneyt-
ið. Býst bankinn við að það verði
fjögur prósent árið 2010 og frá-
viksspá hans gerir ráð fyrir sex
prósenta atvinnuleysi 2012.
Jóhanna telur þá spá óraunhæfa.
Sex prósenta atvinnuleysi þýði að
um fimmtán þúsund manns séu án
vinnu. Ólíklegt sé að til þess komi.
Eins og nú háttar til eru á annað
þúsund manns án vinnu.
bjorn@frettabladid.is
Spár um
atvinnuleysi
áhyggjuefni
Félagsmálaráðherra segir óásættanlegt að atvinnu-
leysi verði næstum fjögur prósent á næsta ári, eins
og fjármálaráðuneytið spáir. Huga þarf að auknum
fjárveitingum til atvinnuleysistryggingasjóðs.
STEYPT Horfur eru á að störfum fækki í byggingavinnu og mannvirkjagerð.
FRÉTTABLAÐIÐ/VILHELM
Umsóknarfrestur er til 30. maí
Kynntu þér námið á www.hr.is
LÝÐHEILSUFRÆÐUM (MPH)
MEISTARANÁM Í
Heilbrigði og leiðir til bættrar heilsu eru forsendur samkeppnishæfni og árangurs í
lífinu. MPH-nám (Master of Public Health) í lýðheilsufræðum við Háskólann í Reykjavík
er nám sem:
• Er byggt á fræðilegum og hagnýtum grunni.
• Er samsett úr krefjandi og skemmtilegum námskeiðum.
• Leggur sérstaka áherslu á heilsueflingu og forvarnir.
• Gerir nemendur í stakk búna til að taka að sér leiðandi störf er lúta að heilsu
og velferð almennings, jafnt í opinbera geiranum sem einkageiranum.
Námið er samsett úr skemmtilegum en jafnframt krefjandi námskeiðum sem byggjast
bæði á fræðilegum og hagnýtum grunni, mikilvægum undirstöðum fyrir starfsemi á
vettvangi lýðheilsu. Í náminu er sérstök áhersla lögð á heilsueflingu og forvarnir.
Allt atvinnuleysi er áhyggju-
efni og það er óásættanlegt ef
atvinnuleysi þre- eða fjórfaldast. ... Þegar
svona spá kemur fram hljótum við að
setjast yfir hana og sjá hvernig hægt
verður að bregðast við.
JÓHANNA SIGURÐARDÓTTIR
FÉLAGSMÁLARÁÐHERRA
FRAKKLAND, AP Angela Merkel,
kanslari Þýskalands, hvetur
Rússa til að hætta að koma í veg
fyrir nauðsynlegar endurbætur
á mannréttindadómstól Evrópu-
ráðsins.
Endurbæturnar myndu hraða
vinnslu mála hjá dómstólnum,
en gætu um leið leitt til þess
að dómstóllinn felli fleiri dóma
gegn Rússlandi.
Rússneskum stjórnvöldum
þykir nóg um dóma dómstólsins
undanfarið, bæði í málum sem
varða fórnarlömb Téténíustríðs-
ins og málum Rússa sem leitað
hafa réttar síns vegna mannrétt-
indabrota.
Með því að samþykkja ekki,
eitt aðildarríkja Evrópuráðsins,
endurbætur á dómstólnum koma
Rússar í veg fyrir að þær taki
gildi. - gb
Mannréttindadómstóll:
Rússar hamla
endurbótum
HEILBRIGÐISMÁL Af þeim níu sem
sótt hafa starfsendurhæfingu í
Bergiðjunni – starfsendurhæfingu
geðsviðs Landspítala – stefna átta á
önnur úrræði við lokun Bergiðjunn-
ar um næstu mánaðamót. Einn er
óákveðinn.
Í svari heilbrigðisráðherra við
fyrirspurn Þuríðar Backman, VG,
kemur fram að fjórir stefna á
Atvinnu með stuðningi, tveir stefna
á Múlalund, einn á Klúbbinn Geysi,
einn er óákveðinn og einn stefnir á
almennan vinnumarkað.
Bergiðjan hefur verið starfrækt
um árabil og þar hefur fólk sem
strítt hefur við geðsjúkdóma öðlast
starfsendurhæfingu. Garðhúsgöng,
blómagrindur og blómaker eru
helstu framleiðsluvörur Berg-
iðjunnar.
Að sögn heilbrigðisráðherra er
Bergiðjan barn síns tíma enda til
margvísleg úrræði (minnst átta)
sem styðja við atvinnuþátttöku
geðsjúkra. Um það vitnar meðal
annars fækkun beiðna um starfs-
endurhæfingu í Bergiðjunni.
Áætlað er að átta til tíu millj-
ónir króna sparist við lokun Berg-
iðjunnar. Kemur fram í svari ráð-
herrans að sá sparnaður geri
geðsviði Landspítala að kleift að
styrkja þá endurhæfingu sem
betur hentar sjúklingum spítal-
ans. Felst hún í iðjuþjálfun,
sjúkraþjálfun, listmeðferð og við-
talsmeðferðum hjá sérfræðingum.
- bþs
Áætlað að 8 til10 milljónir sparist við lokun starfsendurhæfingar geðsviðs LSH:
Flestir stefna á önnur úrræði
BERGIÐJAN Átta af þeim níu sem sótt
hafa starfsendurhæfingu í Bergiðjunni
hafa ákveðið hvert þeir leita þegar starf-
seminni verður hætt um mánaðamótin.
FRÉTTABLAÐIÐ/VALLI
AFTÖKUR 1.252 einstaklingar voru
teknir af lífi árið 2007 og ríkis-
valdið tekur marga fleiri af lífi
með leynd í löndum eins og Kína,
Mongólíu og Víetnam, samkvæmt
skýrslu Amnesty International.
Einnig kemur fram í skýrslunni
að 88 prósent allra aftaka fóru
fram í fimm löndum: Kína, Íran,
Sádi-Arabíu, Pakistan og Banda-
ríkjunum. Í Sádi-Arabíu voru
flestir teknir af lífi sem hlutfall af
fólksfjölda, en þar á eftir koma
Íran og Líbía.
Allherjarþing Sameinuðu
þjóðanna samþykkti á síðasta ári
að hvetja öll ríki heims til að binda
enda á notkun dauðarefsingar. - kg
Ný skýrsla Amnesty:
1.252 teknir af
lífi árið 2007
VEISTU SVARIÐ?