Tíminn - 26.01.1982, Blaðsíða 22
Þriðjudagur 26. janúar 1982.
22
Kvikmyndir og leikhús
kvikmyndahornið
■ Sally (Julie Andrews) er treg til að fækka fötum i endurgerð
kvikmyndarinnar „Night Wind”, sem breytt er úr fjölskyldu-
mynd f hálfgerða klámmynd til að græða peninga.
Svört messa
Hamagangur i Holiywood (S.O.B.).
Leikstjóri: Blake Edwards, eftir eigin handriti.
Sýningarstaður: Tónabió.
Aðalhlutverk: Julie Andrews (Sally Miles), William Holden
(Tim Culley), Richard Mulligan (Felix Farmer), Robert
Vaughn (David Blackman), Robert Webber (Ben Coogan),
Robcrt Preston (Irving Finegarten), Larry Hagman (Dick Ben-
son), Shelley Winters (Eva Brown), Marisa Berenson (Mavis),
Loretta Swit (Polly Reed).
Myndataka: Harry Stradling.
Framleiðendur: Blake Edwards, Tony Adams fyrir Lorimar,
dreift af ITC, 1980.
■ Felix Farmer er kvik-
myndaframleiöandi, sem gert
hefur margar gróðavænlegar
myndir fyrir Capitol-kvik-
myndafyrirtækið. Nýjasta
mynd hans, „Night Wind”,
sem hefur kostað um 30
milljónir dala, hefur hins veg-
ar hlotið hörmulega aðsókn.
Þessi staðreynd leiðir til þess
að eiginkona Farmers, Sally
— sem er þekkt fyrir leik sinn i
saklausum söngvamyndum
fyrir alla fjölskylduna, en
„Night Wind” er einmitt af þvi
tagi, fer á brott meö börnin, og
Farmer reynir eftir ýmsum
leiðum að fremja sjálfsmorð,
en gengur illa. Forstjóri Capi-
tol, Blackman, sendir leik-
stjórann Tim Culley, gamlan
vin Farmers til þess að fá
Farmer til að samþykkja að
kvikmyndin verði klippt á nýj-
an leik, svo von sé til að hún
gangi betur á eftir. Culley fer
ásamt Ben, blaðafulltrúa
Farmers, og Finegarte, lækni,
sem gefur fólki ýmist hress-
andi sprautur, eða svæfandi til
heimilis Farmers við Malibu-
ströndina, og þeir reyna aö
hressa hann við án mikils
árangurs. Þeir efna til mikils
samkvæmis heima hjá Farm-
er og gengur þar á ýmsu.
Farmer lendir sjálfur i jamm-
inu og 'fær þá hugmynd um,
hvernig gera eigi „Night
Wind” að gróðafyrirtæki:
hann hyggst breyta henni i
klámmynd. Farmer kaupir
kvikmyndina af Capitol fyrir
stórfé. Eiginkona hans. Sally,
sannfærist um, að hún verði að
fórna sakleysislegri imynd
sinni meðal aðdáenda sinna og
fella klæði i myndinni til þess
að tapa ekki stórfé á uppátæki
eiginmannsins. Þegar fréttir
berast af þessari breytingu á
myndinni bregðast Capitol-
menn hart við og þeim tekst að
semja við Sally um
dreifingarrétt myndarinnar.
Þegarmyndinnier lokið hirðir
Blackman þvi myndina.
Farmer verður illa við og
reynir að ná filmunum aftur
með leikfangabyssu að vopni,
en verður þá fyrir skoti úr
byssu lögreglumanna og lætur
lifið. Vinir hans, leikstjórinn,
blaðafulltrúinn og læknirinn,
ræna liki Farmers, halda með
það út á sjó, eftir næturlanga
veislu, og gefa vini sinum
virðulega bálför á hafi úti á
meðan hin formlega útför fer
fram við hátiðlega athöfn, þar
sem „gúru” frá Rangoon flyt-
ur aðalræðuna, byggða á frá-
sögum Variety um gróða
„Night Wind” eftir breyting-
una, en i kistunni er lik leik-
ara, sem dó á Malibuströnd
fyrir framan hús Farmers og
lá þar á meðal baðstrandar-
gesta i nokkra daga áður en
fólk varð hans vart.
Þannig er söguþráður
þessarar bráöskemmtilegu
myndar Blake Edwards um
kvikmyndaheiminn i Holly-
wood. Hún er eins konar svört
messa yfir peningagræðgi, til-
finningaleysi og smekkleysi,
sem ræður svo mjög rikjum i
þessari draumaverksmiðju
kvikmyndagerðarinnar, þar
sem fáir hafa efni á samvisku
og flestir hugsa aðeins um eig-
in hag.
Myndin er hatrömm árás á
stóru kvikmyndafyrirtækin,
þar sem eingöngu er hugsað
um gróða en ekki gæði og
einskis svifist til að ná þvi
markmiði. Og öll mannleg
samskipti i Hollywood byggj-
ast á sama lögmálinu, segir
Edwards — allir eru að reyna
að hafa gagn af öðrum, en ef
illa gengur hverfa „vinirnir”
um leið og menn geta þakkað
fyrir ef hundur litur við þeim
þegar þeir deyja innan um til-
finningadauða samborgara
sina.
Biturt háð Blake Edwards
nýtur sin oft frábærlega, en
stundum fer hann þó yfir
markið og gerir persónur sin-
ar of öfgakenndar. Það breytir
ekki þvi, að S.O.B. er með
skemmtilegustu ádeilumynd-
um, sem hér hafa verið sýndar
lengi.
— ESJ.
+ Hamagangur i Hollywood
★ Cheech og Chong
Tom Horn
Önnur tilraun
^ Eilifðarfanginn
★ ★ ★ Stjörnustrið II
★ Jón Oddur og Jón Bjarni
★ ★ örtröð á hringveginum
★ ★ Flótti til sigurs
★ ★ ★ útlaginn
Stjörnugjöf Tímans
**** frábær • ★ * ★ mjög góð • * ★ góð • ★ sæmlleg • O léleg