Fréttablaðið - 06.05.2008, Blaðsíða 8

6. maí 2008 ÞRIÐJUDAGUR
RV
U
N
IQ
U
E
03
08
04
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Glerfínar gluggafilmur
- aukin vellíðan á vinnustað
3M gluggafilmur fyrir skóla, sjúkrahús, skrifstofur,
verslanir og aðra vinnustaðiFagmenn frá RV sjá um uppsetningu
Vor í Iullisat, Vestur Grænlandi
Mynd: Níels Einarsson
MÓTTAKA UMSÓKNA ER HAFIN
UMSÓKNARFRESTUR ER TIL 5. JÚNÍ
Háskólinn á Akureyri
Heimskautaréttur LL.M. / M.A.
Kynntu þér nám við Háskólann á Akureyri
á www.haskolanam.is
Hver á auðlindir Norðurskautsins?
Heimskautasvæðin hafa verið mikið í sviðsljósinu undanfarin misseri, ekki síst vegna
fyrirsjáanlegra breytinga á vöruflutningum um norðurskautssvæðið sem og greiðari
aðgangi að miklum náttúruauðlindum. Aðliggjandi lönd hafa þegar gefið í skyn, að þau eigi
fullveldistilkall á norðurslóðum, m.a. Rússland, Bandaríkin, Noregur, Kanada og Græn-
land (Danmörk) sem og frumbyggjar í löndunum á umræddu svæði. Hvaða reglur þjóða-
réttarins gilda um svæðið og hvernig má best nota þær til að koma í veg fyrir hugsanleg
átök? Hvaða alþjóðasamtök fjalla um málefni heimsskautasvæðanna? Eiga Íslendingar
hagsmuna að gæta í þessu samhengi? Hver á yfirráðaréttinn á hinum nýju siglingaleiðum?
Hver á réttinn til náttúruauðlindanna? Hvernig verður viðkvæmt umhverfið best verndað?
Er hægt að sækja fyrirmyndir i alþjóðlegt samkomulag um suðurskautssvæðið?
Háskólinn á Akureyri er fyrstur háskóla til að bjóða upp á sérstakt nám um lagalegt
umhverfi heimskautasvæðanna. Námið er þverfaglegt; fjallað er um viðfangsefnið fyrst og
fremst út frá sjónarhorni laga og réttar, en einnig er litið til heimspeki, sagnfræði,
mannfræði, samfélagsfræði, alþjóðatengsla og hagþróunarfræði í leitinni að svörum við
þessum mikilvægu spurningum.
ORKUMÁL Fulltrúar eigenda níu af
tíu lóðum á áhrifasvæði Urriða-
fossvirkjunar á austurbakka Þjórs-
ár afhentu í gær forstjóra Lands-
virkjunar yfirlýsingu þar sem þeir
lýsa andstöðu við virkjunina.
„Það er útilokað annað en að
menn stoppi þarna og haldi í stað-
inn áfram með Búðarhálsvirkjun,
sem þeir eru byrjaðir á,“ segir Jón
Árni Vignisson, einn landeigenda.
Hann segir að með svo afgerandi
andstöðu sé útilokað að virkjunin
verði að veruleika.
„Þar með er staðfest að ekki er
nokkur vilji landeigenda við Þjórsá
til að semja við Landsvirkjun um
eitt eða neitt í þessu máli. Þeirri
staðreynd er hér með komið til
skila,“ sagði Ólafur Sigurjónsson,
einn landeigenda, þegar hann
af henti Friðriki Sophussyni, for -
stjóra Landsvirkjunar, yfir lýs -
inguna á skrifstofu fyrirtækisins.
Ólafur kallaði eftir afskiptum
ráð herra þessa málaflokks. Hann
sagði sjónarmið bænda ítrekað að
engu höfð. Úr sjóðum landsmanna
sé tekið fé til að greiða fyrir kostn-
að við rekstur „áróðursvélar Lands-
virkjunar“, sem og að „kaupa sveit-
arstjórnir til fylgilags við
Landsvirkjun“.
Jón Árni bendir á að meirihluti
íbúa Flóahrepps hafi skrifað undir
áskorun til sveitarstjórnar um að
endurskoða þá ákvörðun að setja
virkjunina á aðalskipulag. Sveitar-
stjórnin hafi engu svarað þeirri
áskorun.
Margar ástæður eru fyrir and-
stöðu íbúa, segir Jón Árni. Til
dæmis sé ekki pláss fyrir virkjun-
ina í þessari þéttbýlu sveit.
Þá muni mikil mengun fylgja
virkjuninni. Áformað sé að dæla
um 75 þúsund rúmmetrum af jök-
ulleir upp á bakka lónsins, og aug-
ljóst sé að þurr leirinn muni fjúka
yfir nærliggjandi sveitir. Ekkert
hafi verið fjallað um það í umhverf-
ismatinu.
Eftir að fulltrúar landeigenda
höfðu afhent Landsvirkjun yfirlýs-
ingu fóru þeir í umhverfis-, iðnað-
ar-, viðskipta-, og fjármálaráðu-
neyti og afhentu yfirlýsingar.
brjann@frettabladid.is
Landeigendur
gegn virkjun
Fulltrúi landeigenda á áhrifasvæði Urriðafossvirkj-
unar segist viss um að andstaða landeigenda stöðvi
virkjunaráform. Landeigendur segja sjónarmið
bænda að engu höfð. Landsvirkjun heldur áfram að
vinna að virkjun segir forstjórinn.
„Ríkið á 93 prósent af [...] vatnsrétt-
indum vegna Urriðafossvirkjunar, og
Landsvirkjun hefur umboð ríkisins til
að fjalla um þau mál,“ sagði Friðrik
Sophusson, forstjóri Landsvirkjunar,
þegar hann tók á móti yfirlýsingu
landeigenda.
Jafnframt verði samið við þá
landeigendur sem eiga vatnsréttindi
með þeim hætti sem lög bjóða.
„Landsvirkjun mun fara að lögum
í þessu máli eins og hún hefur
alltaf gert. Hún áskilur sér auðvitað
öll réttindi sem lög bjóða,“ sagði
Friðrik.
Spurður hvort þetta þýði að beita
verði eignarnámsákvæði til að fá
þau vatnsréttindi sem ekki séu í
eigu ríkisins sagði Friðrik: „Það er
ekki alveg ljóst, við skulum fyrst
kanna hvort samningar komi til með
að nást.“
Hann segir að Landsvirkjun muni
halda áfram að vinna að virkjun-
um í neðri hluta Þjórsár. Þær séu
hagkvæmar, bæði fyrir Landsvirkjun
og heimamenn.
Friðrik benti á að umhverfismat
vegna Urriðafossvirkjunar hafi verið
samþykkt. Aðalskipulag liggi fyrir í
tveimur sveitarfélögum og unnið sé
að breytingum í því þriðja.
REYNA ÁFRAM SAMNINGALEIÐINA
MÓTMÆLI Ólafur Sigurjónsson (til hægri) las upp yfirlýsingu landeigenda á skrifstofu
Landsvirkjunar. Með honum voru Jón Árni Vignisson og Bjarni Harðarson þingmaður,
en Friðrik Sophusson, forstjóri Landsvirkjunar, tók við yfirlýsingunni. FRÉTTABLAÐIÐ/PJETUR
LÖGREGLUMÁL „Við erum fyrst og
fremst á móti Taser-tækjunum
vegna þess að rannsóknir hafa sýnt
að þau eru hættuleg fólki og hafa
valdið dauða,“ segir Jóhanna Kr.
Eyjólfsdóttir, framkvæmdastjóri
Íslandsdeildar mannréttindasam-
takanna Amnesty.
Eins og greint var frá í Frétta-
blaðinu á fimmtudag samþykkti
landsþing lögreglumanna ályktun
þess efnis að lögreglumenn fengju
Taser-valdbeitingartæki til notkun-
ar „sem allra fyrst“. Taser-tækin
eru rafstuðstæki sem lögreglu-
menn, meðal annars í Bandaríkjun-
um og Kanada, hafa notað við störf
sín.
„Athugasemdir okkar við að lög-
reglumenn fái þessi tæki til notk-
unar snúa að því öðru fremur að
þau hafa valdið óþörfum dauðsföll-
um og geta verið hættuleg,“ segir
Jóhanna. Hún segir jafnfram að
bara í Bandaríkjunum og Kanada
hafi um 300 dauðsföll verið rakin
til notkunar á Taser-tækjunum. „Þá
hefur Mannréttindanefnd Samein-
uðu þjóðanna sagt, þegar notkun
portúgölsku lögreglunnar á þess-
um tækjum var til umfjöllunar, að
notkun þessara tækja geti falið í
sér pyntingu vegna sársaukans sem
þau framkalla, og séu hættuleg
fólki. Þannig að það eru ekki bara
mannréttindasamtök sem leggjast
gegn þessum tækjum heldur hefur
mannréttindanefnd Sameinuðu
þjóð anna einnig gert það,“ segir
Jóhanna. - mh
Íslandsdeild Amnesty harmar hugmyndir um vopnavæðingu lögreglunnar:
Segir Taser-tækin lífshættuleg
JÓHANNA KR. EYJÓLFSDÓTTIR Á móti því
að lögreglan fái Taser-tæki.
FRÉTTABLAÐIÐ/GVA
Erilsamt í sjúkraflutningum
Slökkvilið höfuðborgarsvæðisins fór í
45 sjúkraflutninga, bæði vegna slysa
og alvarlegra veikinda, á aðfaranótt
sunnudags. Slökkviliðið sinnir
einnig flutningi á sjúklingum milli
sjúkrastofnana.
LÖGREGLUFRÉTTIR
Eldur við Grandaskóla
Slökkvilið höfuðborgarsvæðisins fékk
tilkynningu á sunnudaginn um að
reykur bærist frá kjallara Grandaskóla.
Þegar slökkvilið og lögregla komu á
vettvang kom í ljós að kveikt hafði
verið í flugeldapakka við skólann.