Fréttablaðið - 06.05.2008, Blaðsíða 46

30 6. maí 2008 ÞRIÐJUDAGUR
1
6 7 8
10
13
119
12
15
16
18
21
20
17
14
19
2 3 4 5
BESTI BITINN Í BÆNUM
LÁRÉTT
2. frásögn 6. skóli 8. ari 9. nægilegt
11. þys 12. sívinnandi 14. spaug 16. í
röð 17. gerast 18. óhreinka 20. frá 21.
nudda.
LÓÐRÉTT
1. vefnaðarvara 3. tveir eins 4.
minnka 5. þangað til 7. kræsingar 10.
gljúfur 13. tangi 15. róa 16. teygja
19. til.
LAUSN
LÁRÉTT: 2. sögu, 6. fg, 8. örn, 9. nóg,
11. ys, 12. iðinn, 14. glens, 16. þæ, 17.
ske, 18. ata, 20. af, 21. niða.
LÓÐRÉTT: 1. efni, 3. öö, 4. grynnka,
5. uns, 7. góðgæti, 10. gil, 13. nes, 15.
sefa, 16. þan, 19. að.
„Það var ekki leiðinlegt að fá
fingrafiman píanóleikara til að
handfjatla á sér bakvöðvana. Við
bárum fyrir þá um daginn og nú
báru þeir á okkur. Kaup kaups,“
segir Ceres 4 – forsöngvari í Merz-
edes Club.
Áður en hljómsveitin kom fram
á hlustendaverðlaunum FM957
fengu meðlimir hljómsveitarinnar
Nýdönsk það nýstárlega hlutverk
að maka brúnkukremi á þá Ceres
4, Partý-Hanz, Gillzenegger og
Gaz-man. Fyrir nokkru tóku helj-
armennin sig til og báru píanó
fyrir Björn Jörund söngvara í
Nýdönsk upp á 3. hæð. „Þetta var
skipti díll,“ segir Jón Ólafsson og
segir að annars hefðu þeir þurft
að borga þeim sem rándýrum
píanóburðarmönnum. „Þetta var
bakreikningur. Ekki eins og við
höfum notið þessa. Við erum alger-
lega kvitt og vel það. Ég pantaði
náttúrlega Ceres. Við erum sálufé-
lagar úr Þrótti og höfum oft verið
saman í sturtu. Bakið á honum er
mér ekki ókunnugt.“
Ceres lætur sérlega vel af Jóni
sem brúnkusmyrjara. Segir hann
áratugina við píanóið vera að skila
sér. „Hann var mjög eggjandi með
þessa húðlituðu gúmmíhanska.
Spurning hvort hann ætti ekki að
spila með þá? Bakið á mér hefur
aldrei verið eins fallegt og þetta
kvöld. Geislaði af því brúnkan og
bakvöðvarnir virkuðu einstaklega
vel skornir þegar ég hnyklaði þá
þetta kvöld.“
Ceres þvertekur ekki fyrir það
að þessi stund hafi verið nett út í
að vera pervertísk. En það vilji
fólk. Hafa hormóna með í spilinu.
Klámvæðingin kalli á þetta. En
þegar allt komi til alls heiti þetta
smink og þeir sminki sig niður að
mitti.
„Þetta gat aldrei undið upp á sig
í pervertismanum fyrir framan
fullt af fólki og ljósmyndavélar.
Við fórum ekkert lengra en vel-
sæmismörkin leyfa og vorum
aðallega ofan mittis. Ég sá samt
ekki hvað Stefán var að gera. Ég
var svo upptekinn. Ég trúi honum
til alls,“ segir Jón. Kremið minnti
píanóleikarann helst á HP sósu,
einhver brún drulla sem hann mun
seint setja á sig. „Ég held áfram að
vera fölur. Enda finnst mér þetta
nú ekki flott. Alltaf einkennilegt
að sjá dökkbrúna Íslendinga þegar
engin hefur verið sólin. Hvað þá
karlmenn.“ jakob@frettabladid.is
CERES 4: JÓN ÓLAFS ER FRÁBÆR BRÚNKUSMYRJARI
Nýdanskir maka brúnku-
kremi á vöðvabúnt MC
GAZ-MAN SMURÐUR
Þessi stund jaðraði við að vera pervertísk,
en fór ekki yfir velsæmismörk, að því er Jón
telur, sem veit þó ekki alveg með Stefán.
SÆLUSVIPURINN LEYNIR SÉR EKKI Ceres segir Jón eggjandi með húðlita gúmmí-
hanska og Jón telur að Nýdönsk og Merzedes Club séu nú kvitt og vel það.
FRÉTTABLAÐIÐ/DANÍEL
„Maður fer bara á næsta horn til að mótmæla
ef maður er rekinn af þessu,“ segir akureyski
listamaðurinn Lárus H. List.
Lárus tapaði nýverið máli sem verslana-
keðjan Wal-Mart höfðaði á hendur honum
vegna lénsins Wa1-mArt.com sem Lárus
hafði skráð á sig og ætlaði sem hluta af
listaverki. Fréttablaðið greindi frá þessu
sérstaka máli fyrir tæpu hálfu ári en málið
var rekið fyrir sérstökum alþjóðlegum
dómstóli í Genf. Dómur féll á þá lund að lén
Lárusar þótti of líkt vörumerki og/eða nafni
Wal-Mart. Kærða tókst ekki að sýna fram á
að hann ætti hagsmuna að gæta og það sem
meira er: Hann væri með tiltæki sínu að
koma verslanakeðjunni illa með gjörðum
sínum. („…is using the domain name in bad
faith.“) Niðurstaðan var því á þá leið að
Lárusi var gert að gefa lénið eftir til Wal-
Mart og var ekki tekið tillit til röksemda
Lárusar að listin eigi sér engin landamæri.
Lárus er hins vegar ekki af baki dottinn.
Hann segist hafa búist við þessari niður-
stöðu. „Það er oft erfitt að berja á valdinu,“
segir Lárus en inntak verksins er meðal
annars ádeila á heimsvaldastefnu Bandaríkj-
anna. „Ég vona bara að menn sjái alla
myndina en ekki bara fésið á USA (Bush),“
segir listamaðurinn. Lénið tengist málverki
Lárusar þar sem sjá má hans útfærslu á
Monu Lisu Da Vincis, nema að hún er nakin
að neðanverðu og er þá vaxin sem karlmaður
niður. Verkið kom fyrst fram á samsýningu
árið 2006 og var, að sögn Lárusar, gert til að
ögra valdinu. Þannig telur hann verkið hafa
náð að þjóna tilgangi sínum upp að ákveðnu
marki. „En ég hef nú endurskírt verkið Va1-
mArt.com og skráð það lén á mig. Ég gef og
skýringu á síðunni af hverju gamla nafnið
var tekið niður.“ - jbg
Wal-Mart vann málið gegn Lárusi List
LÁRUS H. LIST Leggur ekki árar í bát þó dómstóll í
Genf telji lén hans vera sett fram af illum hug gegn
Wal-Mart.
,,Ég fer oft á Habibi Kebab-hús
í Hafnarstrætinu og fæ mér
yfirleitt kjúklinga-quesadillas.
Það er bæði ódýr og bragðgóð
máltíð. Annars finnst mér vanta
fleiri skyndibitastaði sem bjóða
upp á bragðsterkan mat.
Agnar Jón Egilsson, leikari og leikstjóri
Tveir dansarar úr Íslenska dansflokknum tóku þátt í
áheyrnarprufum fyrir bandaríska dansþáttinn So You
Think You Can Dance. Tökur á fjórðu þáttaröðinni
hafa staðið yfir frá því að áheyrnarpróf hófust í Texas
í janúar. Fyrsti þátturinn verður frumsýndur 22. maí í
Bandaríkjunum, og viku síðar hér á landi. Stöð 2, sem
sýnir þættina hér á landi, kostaði ferðalag íslensku
dansaranna í samstarfi við Icelandair.
„Þátturinn er þrískiptur. Fyrst eru áheyrnarpróf og
niðurskurður, svo er æfingavika í Las Vegas, og niður-
skurður, og svo er úrslitakeppnin,“ útskýrir Pálmi
Guðmundsson, sjónvarpsstjóri Stöðvar 2,
sem segir íslensku dönsurunum hafa
gengið vel. „Þau vöktu strax mikla
athygli úti, og Cat Deeley tók marg-
sinnis viðtöl við þau. Þau verða í upp-
hafsþættinum, og stálu hreinlega sen-
unni í Milwaukee-þættinum, þangað
sem þau fóru í prufur,“ útskýrir hann.
Vegna þagnarskyldu og samninga við framleiðendur
þáttanna úti, er ekki hægt að greina frá nöfnum
íslensku dansaranna að svo stöddu. „Þetta er næsts-
tærsti þáttur í veröldinni fyrir utan American Idol, og
það gilda skýrar reglur um þessi mál,“ útskýrir
Pálmi.
Stöð 2 vinnur sem stendur að gerð íslenskrar útgáfu
af dansþáttunum, en ekki er ljóst hvenær þeir verða
að veruleika. - sun
Íslendingar heilluðu Cat Deeley
ÞÁTTAKENDUR Í FYRRA Mikill heiður þykir að komast í topp
tuttugu hópinn í So You Think You Can Dance, en íslensku
dansararnir gátu það ekki þar sem dvalar- og atvinnuleyfi
þurfa að vera fyrir hendi.
DANSARAR ÚR ÍD Í PRUFUR Stöð 2 og
Icelandair kostuðu ferð tveggja dansara úr
Íslenska dansflokknum í prufur fyrir hinn
geysivinsæla So You Think You Can Dance.
Hart er sótt að Ólafi F. Magnús-
syni um þessar mundir, ekki síst
vegna orða sinna um vinningstil-
lögu Vatnsmýrarinnar. En menn-
ingarpostular hafa líka kvartað
sáran undan því að borgarstjórinn
sé afar tregur til að mæta á hina
ýmsu menningaratburði sem
honum er embættis síns vegna
boðið á. Er mál manna
á þeim bæjum að
borgarstjóri óttist
einhverra hluta
vegna menningarelít-
una og vilji forðast að
lenda í þeirri kvörn
sem góðglaðir
listamenn geta
reynst.
Nýjasta kvikmynd Sólveigar Ans-
pach, Skrapp út, verður frumsýnd
í Frakklandi í ágúst en hér á landi
í október. Didda fer með aðal-
hlutverkið í myndinni en aðrir
leikarar eru meðal annars Ingvar E.
Sigurðsson, Ólafía Hrönn
Jónsdóttir og Jörundur
Ragnarsson. Það er
annað að frétta af
Diddu að hún er að
hætta í ruslinu og
á leið í garðyrkju,
verður verkstjóri
í unglingavinn-
unni í sumar.
Og eins og greint var frá í Frétta-
blaðinu í gær reyndist starfsmönn-
um FM957 það erfitt að stafsetja
nafn söngvarans Jógvan rétt þegar
hlustendaverðlaunin voru veitt. En
allt í einu var komið „ö“ í staðinn
fyrir „ó“-ið sem hefur svo lengi ein-
kennt nafn söngvarans. Jógvan var
reyndar ekki á staðnum til að láta
leiðrétta mistökin og virtist greini-
lega sannfærður um að
fyrrverandi dómari
hans í X-Factor,
Páll Óskar, myndi
hirða öll verðlaunin.
Jógvan var nefnilega
farinn til Las Vegas
í Bandaríkjunum og
bauð kærustunni sinni
með til syndaborgarinn-
ar miklu. -jbg/glh/fgg
FRÉTTIR AF FÓLKI
Auglýsingasími
– Mest lesið